دردشة حوامل أهل الرياض - دردشة بنات الرياض - تجمع حوامل الرياض

[nooor]

السلام عليكم ..
مادري كيف ابدا اول مره اكتب في موقع واشارك
حبيت احد يشاركني اللي انا فيه
والله يابنات اني متلخبطه ومادري وش اكتب
انا دورتي منتظمه متزوجه من سنه واربع شهور سقطت مرتين وكل مره تقول الدكتوره مافي سبب كل شي عندك سليم والحمدلله وزوجي برضو سليم تحاليله
في شهر رمضان نزلت علي الدوره في نفس موعدها 18 من الشهر بس يومين وتوقفت انا اشتغلت تعرفون رمضان ووقفة المطبخ صار يألمني ظهري مره وصدري
رحت سويت تحليل حمل دم قالو لي حمل ضعيف رحت للدكتوره عملت لي تحليل اتش سي جي وقالت نسبته 22 يعني فيه حمل بس مره ضعيف , قالت لازم نعيده بعد 48 ساعه وسويت التحليل نزل 8 وقالت مافي حمل وعملت لي سونار قالت مافي شي الرحم وسئلتني في دم ا و افرزات مافي شي نزل معي قالت انتظري ينزل معك مثل الدوره ولا شفت شي نزل يوم السبت تاريخ 12 | 10 تعبت رحت المستشفى لوز والتهاب في الحلق عملت تحليل حمل دم علشان اتطمن قبل لاخذ اي علاج قالو النتيجه مافيه حمل , الدكتور كاتب لي ابرة مضاد اخذتها بالغصب زوجي قال لازم وصرف لي مضاد حيوي ابدء فيه بكرى
فيه احد مثلي صار له كذا حمل بعدين اختفى من غير ماينزل دم , علما انه دورتي تنزل الجمعه 18 من الشهر عندي احساس قوي اني حامل مادري ليش
خايفه ابدء بالمضاد
تعبانه نفسيه الله اعلم بحالي ماني عارفه وين راح الحمل
نسيت لاقول لكم اني لانمت على ظهري احس بألم جهة اليمين اسفل البطن من يوم ماقالت لي حمل برمضان سئلت الدكتوره تقول لي مكان البويضه لاتخافي
الله يوفق اللي ترد علي ويرزقها من واسع فضله , اللي مرت بمثل حالتي ولا سمعت فيها ترد علي وتنورني

[خفوق دنياك]

نور .. والله اول مره اسمع بكذآ

ع العموم ما اقول الا الله يعوضك ويرزقك بالذريه الصالحه

[خفوق دنياك]

فيه آحد موجووووووود !!!

[nooor]

خفوق دنياك .. الله يجزاك خير
ربي لاتذرني فردا وانت خير الوارثين

[أمونه*]

نور ...هلا حبيبتي الله يعيضك خير ...
عزيزتي يمكن الدم يلي نزل عليك هو التسقيط فلما رحتي وحللتي كان لسا 22 ونزل تدريجيا
انا لما صار معايا كذه وانا في المستشفى يقولولي في حمل من التحليل بس بالأشعه مافي شي
دخلت وانت بكرامه الحمام في المستشفى ولقيت دم يومين بس ووقف وكان الدم هو التسقيط

[nooor]

حبيبتي ام الأسمر .. الله يسعد قلبك , انا لمى حللت ماكان فيه لا دم ولا افرازات نزلت دورتي يوم 18 من رمضان ويوم 20 مافي اي شي ينزل معي وحللت دم يوم 23 وكنت صايمه ذاك اليوم ومن بعد التحليل مانزل معي شي إلى اليوم هذا والآلم اللي في جهة اليمين باقي بس وقت النوم احس فيه واذا طولت الجلسه .. والله مادري وش اللي انا فيه لكن ربك يكتب اللي فيه خير يمكن لو نزل مني دم بعد التحليل ارتحت لكن الله يعين .. ومشكوره حبيبتي على الرد

[أمونه*]

المشاركة الأصلية كتبت بواسطة nooor

حبيبتي ام الأسمر .. الله يسعد قلبك , انا لمى حللت ماكان فيه لا دم ولا افرازات نزلت دورتي يوم 18 من رمضان ويوم 20 مافي اي شي ينزل معي وحللت دم يوم 23 وكنت صايمه ذاك اليوم ومن بعد التحليل مانزل معي شي إلى اليوم هذا والآلم اللي في جهة اليمين باقي بس وقت النوم احس فيه واذا طولت الجلسه .. والله مادري وش اللي انا فيه لكن ربك يكتب اللي فيه خير يمكن لو نزل مني دم بعد التحليل ارتحت لكن الله يعين .. ومشكوره حبيبتي على الرد

الله يسهل عليك يالغاليه
طيب ماتقدرين تروحين الدكتوره وتديك شي ينزل الدوره عشان يمكن ترتاحين
او اشربي قرفه تساعد إن كان في دم يطلع
اما الم المبايض بروح إن شاء الله مع الوقت

[يارحمة الله الواسعه]

الله يسهل عليكم يااحوامل ياارب

ادعوالي اكون حاامل هالشهر

محتااجه الى الدعااء بظهر الغيب

( "ما من عبد مسلم يدعو لأخيه
بظهر الغيب إلا قال الملك : ولك بمثل )

الله يفرج همنا وهمكم ياارب

[أمونه*]

المشاركة الأصلية كتبت بواسطة يارحمة الله الواسعه

الله يسهل عليكم يااحوامل ياارب

ادعوالي اكون حاامل هالشهر

محتااجه الى الدعااء بظهر الغيب

( "ما من عبد مسلم يدعو لأخيه
بظهر الغيب إلا قال الملك : ولك بمثل )الله يفرج همنا وهمكم ياارب

اللهم آمين ..ربي يرزقك الذريه الصالحه ... ويفرح قلبك بهذا الشهر

[GhoOosha]

انا من المدينه وعايشه بالرياض وحامل بشهري الثامن..الصراحه احس اني ضايعه هنا...جهزت اغلب الاشياء بس باقي شويه اغراض..اراجع في الحبيب..معا دكتوره شرين وشاكره