دردشة حوامل أهل الرياض - دردشة بنات الرياض - تجمع حوامل الرياض

[أمونه*]

المشاركة الأصلية كتبت بواسطة ghooosha

انا من المدينه وعايشه بالرياض وحامل بشهري الثامن..الصراحه احس اني ضايعه هنا...جهزت اغلب الاشياء بس باقي شويه اغراض..اراجع في الحبيب..معا دكتوره شرين وشاكره

ليش ضايعه يعني في اغراض ناقصه وماانت محصلتيها ؟؟مالك غير السنتر بوينت
ومذر كير وفي بنات يقولون الهرم في اشياء حلوه
وإن كنت تسألين عن الدكتوره آسفه مااعرف عنها شي
الله يتمملك على خير وتقومين بالسلامه

[@@الجوووري@@]

ام الاسمر مشكله زوجي ان اهله حاط لهم الاهتمام الاول والاخير انا مااعترض على هالشي بالعكس بس ماابيه يقصر بحقوقي لدرجه مااسمع سواليفه الا اذا جلسنا مع اهله والا معي طول الوقت مشغول


الادهى والامر ان اخته حيه من تحت تبن قدامه شي ومن وراه شي ثاني وانا اتحمل واسكت اقول لعل الامر غيره لانها عانس بس عاد وصلت لحد خلاص تعبت منها تعبت تعبت

[أمونه*]

المشاركة الأصلية كتبت بواسطة @@الجوووري@@

ام الاسمر مشكله زوجي ان اهله حاط لهم الاهتمام الاول والاخير انا مااعترض على هالشي بالعكس بس ماابيه يقصر بحقوقي لدرجه مااسمع سواليفه الا اذا جلسنا مع اهله والا معي طول الوقت مشغول


الادهى والامر ان اخته حيه من تحت تبن قدامه شي ومن وراه شي ثاني وانا اتحمل واسكت اقول لعل الامر غيره لانها عانس بس عاد وصلت لحد خلاص تعبت منها تعبت تعبت

الله يهديه ليش ..حتى لو فتحت معاه السوالف مايرد ....دايما او احيانا لما يكون مشغول او زعلان
كم ليك متزوجه ؟؟ انت إذا سولفتي معاه لا تسولفين على اهله هذه سوت وهذه قالت
انتبهي تره يصير يكره يسولف معاك
طيب سولفي معاه بؤمور تتعلق بالبيبي ولده مايبغى يسولف عنه
تصبري ياقلبي الله يسخره ليك

اما عن اخته ماهو انت الوحيده عندك هذه المشكله وتشتكين منها انا عندي اربع حموات ثلاث عزوبيات ووحده متزوجه ونفس الشي مشاكل....... قدامه شي ووراه شي بس وش تبغيني اسوي اطنش يقولولك لما النار ماتلقى شي تاكله تاكل نفسها وخير من إجابة السفيه السكوت
طنشيهم الزم ماعليك صحتك وزوجك وولدك وهم كيفهم
خليكي ورا زوجت داريه وعسى ربي يصلح الحال

[يارحمة الله الواسعه]

تسلمي يالغااليه ام الأسمرر

الله يسعدك حبيبتي

الف رحمه على والديك

[@@الجوووري@@]

يارحمه الله واسعه الله يرزقك بالذريه ومايحول حوله الا وانتي والده قولي امين


تكفين ادعي لي ان الله يسخر لي زوجي وربي موريني نجوم الليل بعز الظهر

[@@الجوووري@@]

لا اله الا الله

[@@الجوووري@@]

ام الاسمر المصيبه لي سنتين متزوجه يبيني طول الوقت مدح باهله ومااقوله انه مقصر

صعب كذا اذا طول الوقت ابقعد اجامل وانافق بجد صعب صعب صعب

[أمونه*]

او شي إن شاء الله العمر كله ...شوفي عزيزتي ... لا تسمينها نفاق عشان تصير سهله عليك
الزوج مايحب تجيبين كلام موب زين على اهله حتى لو كنت تعبانه منهم
لكن خليكي زيهم لا تدخليه بالمشاكل يلي بينكم زي مايأذوكي من وراه ردي عليهم من وراه
شي ثاني صدقيني لو مايعرفون إنه يحبك ويغليك ماكانوا اذوك من وراه بس يخافون على مشاعره تجاهك وعشان يسون إنهم ملاك وانت نفس الشي


اما عنه هو وهو موضوعنا الأهم ... بدل ماتقوليله مليت مخليني لوحدي في البيت وناسيني وووووووووو عتب وانت مقصر
لا قولي وينك ولهت عليت واشتقتلك مااصبر عنك
ولما يدخل الله يسعد هلوجه يازين طلتك وحسك في البيت الله لايخليني منك وغيرها
وهذه ماهي مجامله اونفاق هذا اسمه تبعل والزوج يحب زوجته تتبعله وتحسسه إنه هو الرجل الوحيد في هذا الكون وهذا من حقه
شويه شويه يصير يتعود يسمع بعدها يصبر يحب يسمع وبعدها يصير يقول
زي ماانت جديده في دور الزوجه هو جديد
انت المرأه يعني انت الرحبه والحب من وصايا الرسول إن الرجل يتزوج الودود الولود
انت ماشاء الله صرتي ولود باقي الودود
الله يهدي الحال لا تقتلي الحب يلي في قلبك تجاهه بالمشاكل ولا تقتلي حبك في قلبه بالمشاكل

[أمونه*]

حبيبتي بغيت استأذنك بروح انام
وبكره إن شاء الله لنا لقاء ....... مابغيت اطلع قبل ماآخذ بخاطرك

[@@الجوووري@@]

ام الاسمر قولي امين الله يسعدك ويوسع لك ويسخر لك ويعطيك لين يرضيك بالدنيا وبالاخره كل اللي تتمنينه وربي حسيت انها انحلت مشكلتي يوم سمعتي لي