تجمع امهات التوام حياكم

[الشيخه]

مرحبا
كيفكم بنات ؟
انا عيالي طلعوا لكن معاي حاله غريبه جدا ؟
بس ابكي وودي لو ماجبت عيال ماادري وش فيني ؟؟ الوالده الله يحفظها هي قايمه فيهم وانا مساعد لها بس بدون احساس ؟
نفسيتي تعبانه مع اني جايبتهم بتعب وانابيب ؟؟؟؟؟
ادعو لي تكفووووون ؟
شازل بليز ساعديني ؟

[أم الحلوات]

السلام عليكم كيفك ياامهات التوائم؟

شازل الله يطمن قلبك يارب ويشرح صدرك
يقولوا بعد الولادة يصير عند الأم حالة اكتئاب يمكن سببها انها تترك الصلاة والقرآن وغيرها من العبادات
فأنا انصحك تحافظي على أذكارك صبح ومساء وتشغلي سورة البقرة يوميا عندك في الغرفة
ولاتنسي انك جايبتهم بتعب وبعد سنين والناس ماتعطي خير ربي يكفيك الشر يارب

امهات التوأئم حابة اسئلكم
بما اني آخر الأسبوع باذن الله بدخل الثامن
وتعبت خلاص من الحمل والثقل ودي اولد مبكر بس خايفة من شغلة الحضانة
فحابة اسئلكم
في أي اسبوع بالضبط ولدتوا ابنائك ومحاتجوا حضانة يعني وزنهم كان حلو وتمام؟

[محجبه]

الشيخه
الاكتئاب والبكاء طبيعي بعد الولاده انا صرت ابكي بالنفاس بدون سبب لانه الوحده تترك الصلاه وماترتبط بالاذكار لانه احيانا الوحده تقرا الاذكار بعد الصلاه اكثري استغفار لانه الشيطان يستحوذ عليك تحصني بالاذكار واكثري استغفار وتاكدي انه ايااام بسيطه وبيروح
وهذي من تغير الهرمونات
ام الحلوات
تاكدي انه مادام طفلك وصل كيلو وثمان ميه غرام بغض النظر عن انو دخلتي تاسع او مادخلتي مايحتاج حضانه يعني على حسب الوزن
انا ولدت على دخول التاسع وخشو وحده من بناتي حضانه من شان وزنها والثانيه طلعت معي يوم صار وزنه كذا

[زود الغلا]

صباح الخير ...الشيخة ......... هذا شعور طبيعي وخصوصا اذا انت بكر اول اطفال لك انا جتني هالحالة تخيلي انا خليت ولدي الكبير عند امي اول يوم ورديت لشقتي مابي اقعد في البيت اللي فية ولدي تخيلي قالتلي امي اذا ماتبينه خلاص انا اخذة وبعد كم يوم صار الوضع طبيعي وتعودت عليهم يعني مسالة وقت ومافي الا العافية وباكر تقولين انا شلون كنت عايشة بدونهم ويملون عليك البيت .
الفراشة الجميلة ...انا مع محجبة في رايها ومافي الا العافية .

[شازل]

السلام عليكم ورحمة الله وبركاته ... وبعد :
غبت عنكم علشان علوش تجيه حرارة ومغص شديد فكنت طول وقتي معه خاصة بالليل ، الحمد لله حف بس ما أدري الناس تخف المغص والغازات معهم على أربع شهور وأنا عياليعكس الناس يزيد عندهم المغص ...المهم الحمد لله على نعمه وأفضاله علينا ...

الشيخة ... حالتك طبيعية لأنهم توأم فمثل ما يستغربون الناس أنتيبعد تستغربين وجود أثنين بنفس العمر ويصيحون نفس الوقت ويغيرون نفس الوقت ,,, ثانيا كلام الناس وإحباطهم لهمتك يجيبلك لازم إحباط شديد ..
أولا لا تجلسين أنتي أو الأولاد في غرفه وحدكم الوالدة تقول لازم يكون عند الوالدة أحد ولازم ماتخلى وحدها هي وأولادها ... - الحكمة لأن نفسية الوالدة وتغيرات الهرمونات يجيب لها الإكتئاب ويزيده في الوحدة -
ثانيا خلي عندك المسجل مفتوح كل اليوم يقرأ قرآن صح تجيك حالات ودك تصكينه بس قاومي ...
ثالثا أحمدي ربك كل وقت تشوفين فيه التوأم حتى لو ما حسيتي بطعم وجودهم ، وأحضنيه كلما زادت عليك الحالة ...
رابعا حصني نفسك وأرقيها وقولي للوالدة ترقيك ...
حنا عندنا عادة أذا كانت عندنا وحدة والدة فكل من يخلص من صلاته وورده يجي لازم ينفث على الوالدة والمواليد تحسين براحة لأن كل يومك اللي حولك ينفثون عليك ذكر الله ...
أهم شيء لا تخلين ذكر ربك يبعد عنك ، ولما يزيد عليك همك ويثقل صدرك وتسيل الدمع من عينك مالك غير ربك اللي راح يفهمك ... حطي رأسك على مخدتك وغمضي عينك وتأملي نفسك وحدك وأنتي عند ربك يسمعك ... إبدأي فرغي كل اللي بصدرك بلغتك مو لازم يكون كلام مصفف وعربي فصيح بس أنتي إبدائي بشرح معاناتك لربك بقلبك وأبكي قدامه وإسأليه إنه يشرح صدرك ... وإذا خلصتي سارده قصتك إفتح عيونك وحسي بالراحة في قلبك ... أنا أضمن لك الراحة والسكون لإنك تقضين دقائق مع ربك أنت وحدك وربك معك شوفي الأجر اللي راح تلاقينه والراحة والطمئنينة ..
وفي الأخير أقولك كل الي تمرين فيه مرينا فيه وبإذن الله راح يخف مع الوقت ... ودعواتنا معك ...

أم الحلوات ... تقصدين الشيخة بس لك جزيل الشكر على اللدعوة ولك مثل ذلك شرح الله صدرك .. وطمئن قلبك ... وأزال همك ...
أنا ولدت في أوليوم من الاسبوع 37 وكانت أوزانهم كيلو و800غرام والحمد لله كانت صحتهم ممتازة فما دخلوا أبدا الحضانة يوم أو ما فتحت من العملية لقيتهم بنفس الغرفة وقدامي الممرضات يقومون بهم ...أهم شيء لا تنسين تدعين ربك لسلامة أولادك وسلامتك ولا يدخلون الحضانة ولا يحتاجونها ... آمين ..

[محجبه]

بنااااااات عندي وحده من بناتي نموها ماشاء الله وصلت ثلاثه كيلو وميه غرام لكن الثانيه سلحفاااااة مطنونه على قولة عجايزنا ونموها جدا بطىء وصلت كيلوين ونص وتحسينها مولود جديد ماكنها ام ثلاث شهور ياربي لك الحمد بس ماعندها مناعه علطلول الكحه والسخونه تجيها
انتم يابناااات وش تعطونها غير التمر والينسون والحليب يعني فيه فيتامينات ولا شي لان الدكاتره عندنا ماهنااااااش
كم وصلت اوزان عيالكم يالله كل وحده تقول وماشاء الله قبل كل شي من شان ماتقولون جانا حسد من محجبه خخخخخخ

[الشيخه]

مرحبا بنات
شكرا على الردود لكن انا مو نفاس انا كملت شهرين ؟
وللحين متضايقه جدا منهم الله لايواخذني ؟؟ربي عارف بنيتي ؟انا اقاوم وادعي ربي يسخرني لهم والله يكسرون الخاطر ؟؟
الله يشرح صدري ويسر امري يارب
اشكركم حبيباتي

[زود الغلا]

المشاركة الأصلية كتبت بواسطة الشيخه

مرحبا بنات
شكرا على الردود لكن انا مو نفاس انا كملت شهرين ؟
وللحين متضايقه جدا منهم الله لايواخذني ؟؟ربي عارف بنيتي ؟انا اقاوم وادعي ربي يسخرني لهم والله يكسرون الخاطر ؟؟
الله يشرح صدري ويسر امري يارب
اشكركم حبيباتي

والله مريت بللي مريتي فية وهالحالة تجيك لانك بكر وطفلين جدد بحياتك وانت خايفة من المسئولية والتربية وحاسة انك مراح تقدرين عليهم بس تاكدي مراح تضلين على طول بهذي الحاله وراح تروح صدقيني ... ولايكلف الله نفسا الا وسعها الله سبحانة مارزقك بالتوام الا انت كفو وقادرة عليهم .
وانصحك بهالاذكار والله العظيم غيرت حياتي .
حسبي الله لا اله الا هو علية توكلت وهو رب العرش العظيم .
7 مرات صباحا و7 مرات مساءا .وشوفي شلون راح تتغير حياتك .
وعليك بالاستغفار .... من لزم الاستغفار جعل الله له من كل هم فرجا ومن كل ضيق مخرجا ورزقة من حيث لا يشاء.

[ام انس 1419]

السلام عليكم ورحمة الله وبركاته انا الحمدلله ولدت في 28-8-1431
وجاني اكتئاب النفاس لاني في بيت لوحدي ماعندي احد امي بالرياض ياحسره وغيرها ماحد عليه من احد
محد داري عنك غير ربك جلست شهر رمضان وشوال من غير شغاله مغير بنتي وزوجي يساعدوني والله تعبت جتني شغالتي يوم 1-11 وجلست استنى اجازة الحج علشان اروح لاهلي وارتاح وحده من بناتي اخذتهاجارتي فوقي الله يجزيها الجنه شهر كامل اخر يوم في شهر 11 اخذت بنتي من عند جارتي واستاذنت لعيالي من المدرسه ورحت لااهلي الله لايحرمني منهم وجلست شهر12 و1 و2 كلها وبنتي وحده عند امي بغرفتها ورتحت نفسيا وعيالي ارجعو عند ابوهم يدرسون وحطيت بناتي بالمشيات يوم دخلو خمس شهور بس والله ارتحت ورجعت بيتي اخر يوم من الاختبارت بنات نصيحة وحده مجربه كلام الناس لايهمك وماحد راح يساعدك بعد الله غير امك وخواتك الله لايحرمنا منهم وغيرهم والله مدريو عنك

[جومانا]

بنااااااااااات وحشتووووووني كيفكم ماسالتم عني
اللي فترة اللي فاتت كانت اصعب فترة مرت عليا بس الحمدلله عدت على خير
واليوم طعمت الاولاد حقة الشهرين مرة متعبة وحرارة
محجبة وزود الغلا وام عدي كيفكم