♥ تجمع حوامل جمادى الثاني 1435هـ - أبريل 2014م ♥

[حياتي لك]

اليوم الصبح جاني الم ونزل معي دم ورحت الدكتوره قالت الرحم مفتوح 2 سم
ورجعت البيت ومعي الالم يروح ويجي ادعولي بالولاده السهله.

[بريق اللجين]

بنااات انا كل الالام اللي كنت احس فيها قبل اختفت...يااارب تيسيرك ،،،
ماادري قبل كان من التوتر ولا لا..
الله يهونها علينا جمييييع ويرزقنا ساعة ولادة ميسرة..
ويفرحنا بشوفة اطفالنا متعافيين..

[بريق اللجين]

حياتي لك...الله يسهل عليك ويهون الطلق ويسهل ولادتك...
وان شاءالله الفجر تبشرينا بسلامتك و سلامة البيبي..

[عاشقة السفر]

ألف مبروك امنية واميرة شهرزات، يتربو بعزكم، عقبالنا

[ام مريم ورحمة]

الاميرة
مبروووووك والحمد لله على السلامة اللهم لك الحمد والشكر يتربى في عزكم ياااارب
حياتي لك
الله ييسر امرك ويسخر لك خيرة عباده وتولدي بالسلامة
بريق
الله يعينك ويجيب لك ساعة سهلة انتي وباقي البنات
الريم
صدقتي احنا تجمعنا عجيب اما ناس ولدت مبكر عن موعدها مثلي او ناس عدت موعدها ودخلوا العاشر ما عندنا وسط

[جوجو1434]

بنات ابشركم الحمد لله رزقني الله بولد
عمليه البارح بعد اجهاد الطلق الصناعي
ضعف نبض الجنين والرحم عندي مافتح
والحين العمليه متعبتني ما اقدر اتحرك نايمه على ظهري احس اني مقيده
والالم مايخليني انام
عقبالكم بنات ولاده طبيعيه ميسره يارب

[ام مريم ورحمة]

الحمد لله على السلامة جوجو مأجورة على التعب ياقلبي ومبروووك ما جاكم يتربى بعزكم يارب اطلبي ابرة مسكن من الدكتورة ( اولفن) وخلي الممرضة ترفع لك ظهر السرير وتحط وراكي مخاد حتى ما تتعبي في الحركة في السرير الله يعينك واول ما تقدري تتحركي حاولي تمشي عشان الجرح ما يتعبك بعدين

[اميره قصره]

الف مبروك الاميره ماشاء الله تبارك الرحمن وش سميتي الكتكوت <<<<<خيانه ولدتي قبلي انا معاك نفس موعد الولاده هههههه
جوجو ،،، سلامتك والف الف مبروك الولد حاولي تمشي عشان ما تتعبي

[الريم الشرقي]

جوجو
الف الحمد لله على سلامتك وسلامة المولود
ويتربى بعزكم ان شاء الله ... والله يجعله قرة عين لكم ياااارب
واجر وعافيه حبيبتي...

[ام عبدالرحمن969]

الف مبروك اللي ولدوا انا شربت كوبين قرفه امس ومشيت ساعه ونص وتعبت تعب قلت خلااااص بولد اليوم ونمت وانا اقول الحين بصحى على طلوق ولا بتنفجر المويه ونمت وصحيت وماصار شيء وشربت قرفه كوبين على الريق قبل شوي وجالسه انتظر استغفرالله عندي احساس اني بعوشر مثل ولدي اخذت اربع ايام من العاشر ونشبت للدكتوره تولدني بطلق صناعي وولدتني هههههههههااي