تجمع المتأخرات عن الحمل بالطفل الثاني .. { يارب أجبر خواطرنا} -- العدد 2 --

[Um Ghala]

أحمد حبيبي + ام محمد .. يارب تبشرونا انتو الاثنين هالشهر و تكونون حوامل يااااارب ..

أنا اليوم 15 من الدورة .. بس هالشهر ما حسيت ابدا بأعراض التبويض >< .. الله كريم يارب ..

[أحمد حبيبي]

هلااا والله منوراااات

ام محمد .. ترى احمد هذا ولدي هههه يعني نادوني ام احمد فديته ربي يحفظه اسميني هالكم يوم من ضغط الشغل حطيت حرتي فيه الله يسامحني بس هههه .. لازم تروحين للدكتورة عشان تشوف المبايض والرحم والهرمونات .. ان شاء الله يارب تطلعين حامل وماتحتاجين لزيارتها

انا والله عندي اعراض بس مااااااااااابغي اتفائل وايد وتاركة كل شي على ربي وحاسة انه مابيخذلني

ام غــــــلاااا .. راجعتي عند طبيبة وشيكتي على التبويض ؟!! ولا مخلتنها على الله مثلي هههه .. انا ماخذت كلوميد هالشهر قلت بريح منه لكن ماخذة اشيا ثانية.. عندي نغزات مرة عاليمين ومرة عاليسار من ايام التبويض الين الحينه

وان شاء الله يا حبيبتي تطلعين حااامل ونحن وياج بعد

[ام محمد2010]

ام محمد .. ترى احمد هذا ولدي هههه يعني نادوني ام احمد فديته ربي يحفظه اسميني هالكم يوم من ضغط الشغل حطيت حرتي فيه الله يسامحني بس هههه .. لازم تروحين للدكتورة عشان تشوف المبايض والرحم والهرمونات .. ان شاء الله يارب تطلعين حامل وماتحتاجين لزيارتها

تصدقين انا كتبت اول شي ام احمد بعدين غيرت هههع

امين الله يسمع منك

بس لما اسمع عن الاعراض وما اشوفها فيني اقول مافي حمل الله يخيب ضني واكون حامل يارب وانتي معاي

قولي لنا عن اعراضك لعل وعسى. مع الايام احس ببعض الاعراض واجي هنا واقول لكم عنها


على فكره انا اعراض الدوره اذا بتجيني بس الم في البطن وبس لما تنزل الم في الرجول واحيانا الظهر

[أحمد حبيبي]

هههه ام محمد احساسج صح وفمحله .. وترى فيه وايد حريم مايحسن باي اعراض ويطلعن حوامل

والله اعراضي هي غثيان احيانا وحرقان فالبلعوم ودوم احس بالحر واعرق .. ثديي يعورني وألم التبويض مستمر عندي.. اليوم مبيضي اليسار وايد تم يعورني .. احمد فديته مش متحملتنه بالمرة .. مالي نفس اي شي.. لا اروح ولا اجي وشي جديد حرقان بعدالجماع يستمر شوية ويروح

بس ما راح اتفائل لنه يمكن هذا من التعب او من الارهاق خصوصا اني مب متعودة على الشغل ولما شغالتي سافرت تعبت ههههههه

انا ماتابعت التبويض مع الدكتورة هذا الشهر ولا خذت كلوميد لكن متوكلة على الله ومحسنة ظني بربي وان شاء الله بيكرمني ويكرمكن معايه

[ام محمد2010]

طيب متى اروح للدكتوره عشان اتابع بويضاتي

يوم الدوره ولامتى

وايش اقول لها

[ام روزي ويوسف]

المشاركة الأصلية كتبت بواسطة ام محمد2010

طيب متى اروح للدكتوره عشان اتابع بويضاتي

يوم الدوره ولامتى

وايش اقول لها

ام محمد ... الطبيبه اكدت عليه اني اتصل فيها لما اشوف الدوره حتى تحدد ايام التحاليل لان تحاليل الهرمونات تكون على طول الدوره وهذي التحاليل مهمه بعد ما تفحص المبايض والرحم ... ان شاء الله ربي يرزقنا الحمل هذا الشهر

[ام روزي ويوسف]

ام احمد ... نسيت اكلج ... عندي ألم في اسفل بطني لكن متغير مره يسار ومره يمين، شهيتي للأكل قلت مو مثل قبل ..زوجي انتبه عليه بس حسيته مو رايد يأمل نفسه هههههه كال يمكن غازات او برد بس اني ما رديت ..وعندي ضيقه خلق وما عندي رغبه لا في الدوام ولا في اي شي، مشكلتي ما اكدر اشتري حبوب دوفيستون فط السويد ما يبيعوها والطبيبه اتصلت فيها كالت حللي واذا ما نزلت مو مشكله اتركيها هههه لانها ما ترضى تكتبلي على اي دوا..يارب ما ألي غيرك بهذي الغربه

[Um Ghala]

أم أحمد .. لا ما جيكت مخلتنها على الله بس آخذ اشيا طبيعية عسل و حبة سوده و عصير اناناس و هالسوالف .. ان شالله اذا ما صار حمل ناويه اسير الشهر الياي انا و ريلي بنفحص و ان شاء الله خير .. أنا فحصت قبل 4 شهور و قالتلي شوي منخفض انتاج البويضات عندج بس ما يأثر على الحمل .. الله كريم يارب ..

أم روزي .. ربج قادر على كل شيء كن فـ يكون صدقيني الاطباء كلامهم مش موثوق أبدا ..

[أحمد حبيبي]

صبحكن الله بالخير والسعادة

دخول على السريع قبل الكراف ههههه

ام محمد .. مثل ما قالت ام يوسف.. فيه تحاليل بوقت الدورة وفيه السونار اللي على اليوم الـ 12 من الدورة عشان تشوف لج حجم البويضة وتتطمن على الرحم .. الله يرزقج يارب بالحمل عاجلا غير آجلا يااااااااااارب

ام يوسف .. شهالمصيبة عندكم فالسويد!! مايعطون ادوية الا بطلوع الروح !! عافانا الله.. اصبري حبيبتي وماصبرج بالله سيكون الا جميلاااااااااااا.. حطي كل الاحتمالات مثلي انا .. اذا صابت فلله الحمد والمنة عطية الله وعطانا واذا لااااقدر الله ما صابت فالحمدلله بعد دوما وابدا ورح نرجع نحاول ونحاول الين الله يكرمنااا

ام غـــلااا .. ان شاااااااااااء الله تطلعين حامل وصدقيني الاشيا الطبيعية افضل واقوى من الادوية واحلى مافيها انها آمنة.. الله لايضيع لج تعب ولا جهد يارب ويرزقج الحمل عاجلا وقريبا ياااااااااااااارب

اللهم ارزقنا واعطنا واكرمنا انت مولانا وانت اكرم الاكرمين وانت ارحم الراحمين فارحمنا ياااا اللـــــه

[ام روزي ويوسف]

ام احمد .... الحمد لله على كل حال ....فعلا مصيبه هذي السويد بس شنو الي جابرنا على المر ؟
ام غلا كلامج صحيح حبيبتي الله قادر على كل شي.....اني هم مثلج عسل ومكسرات واناناس كله طبيعي ههههه ماعندي خيارات
ربي يرزقنا الحمل ويريح بالنا
سلطانه مختفيه خير ان شاء الله ...يارب الكلوميد يجيب نتيجه معها