دردشة حوامل أهل الرياض - دردشة بنات الرياض - تجمع حوامل الرياض

[مخملية عين]

صباااح الخير ,,

[al-sham5h]

صباح الخير كروشااات من فيكم بتولد بمستشفى الامير سلمان ومن جربت الولاده هناك؟؟ ..

[مخملية عين]

اهلين انا جربت قيصري ومره راااائع ,,

وكثير اعرفهم جربو طبيعي ويمدحووونه ,,

افكر اوولد فيه لانه قريب من بيتي ,,

بعدين المشتشفيات تطووورووا ,,

انتي وين تراجعيين

[بنت الاجواد]

مستشفى الامير سلمان اختي تولد فيه وتمدحه

[بنت الاجواد]

مستشفى الحبيب وش رايكم فيه للولاده

[منولة 3]

المشاركة الأصلية كتبت بواسطة بنت الاجواد

مستشفى الحبيب وش رايكم فيه للولاده

بالنسبة لي مستشفى الحبيب هو افضل مستشفى للولادة راجعت فيه لما كنت بكريه في ولدي عند زاهيه كمكم مره كويسه بس الحين اراجع في التخصصي الطبي حجزت عند نادية الحامضة والله مادري عنها بس مادحينها كثير البنات وزحمه عندها ما لقيت موعد الا بعد اسبوع لان تاميني ما يشمل الحبيب ولا كان رحت له

[راجيتن الله]

المشاركة الأصلية كتبت بواسطة بنت الاجواد

مستشفى الحبيب وش رايكم فيه للولاده

\
مو سئ لا

بل اسوء من السئ

وعلى فكره بنك الدم عندهم دايم فيه نقص

يعني لو حصل لك نزيف وفيه نقص بالدم عندهم صعب يسعفونك

لاقدر الله

[الأميره وبس]

كيف الحلوات ..

[ام صدام]

هلا بالحوامل كلهم

بغيت اسالكم عن مستشفى العسكري ناويه اولد فيه

لكن انا اصلن ساكنه بالطايف وجايه عند اهلي بالرياض وابي اراجع

للشهر التاسع في نفس المستشفى وزوجي ظابط ووفتحت ملف وطلعت بطاقه
لكن بالطايف
هل اكيد اقدر ادخل المستشفى بالبطاقه هاذي ؟؟

وهل اقدر اروح اسوي كشف واراجع مسائي في الليل يعني في العسكري

والا بس في الصباح وبعد الظهر ؟؟

[الثرما]

السلام عليكم

كيفكم كروشات

انا جديده على المنتدى وحبيت اشاركم في موضوعكم هذا
انا من الرياض وبالشهر السابع وبكريه وما ادري وش اسوي احس اني متوهقه
امي كبيره بالسن ومن زمان عن النفاس وحوسته واختي لسى ماتزوجت
واحس اني من جد متوهقه بالنفاس والجمعه والزياره بالمستشفى
ما ادري وش اسوي
ياليت نتساعد بهالموضوع وتعلمونا اخر اخبار التجهيزات للنفاس
مثل الاستقبال والضيافه ولبس الاستقبال ومدس البيبي ومشد البطن
اساله كثيييير تدور براسي
وش رايكم لو كل يوم نفتح نقاش بموضوع وافضل الاماكن اللي تبيع هالاشياء

اذا موافقين نبداء


وعزيزتي اللي سالت عن سربال انا اعرفه بالشرقيه وقد رحت له بس ماقد شفته بالرياض