تجمع الحوامل اللي ولادتهن في شوال1433

[توتتآ]

كيففففففكم بنااات ،،

وحششششتووووني ،،'

[عروووس لحبيبي]

صباحكم يا فُلات

طيبتي الله يرزقك باحسن من اللي تتمنيه ويفرج همك

عشوقه
خلصت العسل اللي عندنا ولا في فايده


اللي سألت عن دخول الراس في الحوض
حتى انا ما دخلت الراس واقفه عند الحوض ويقولوا ان مو شرط تدخل قبل عادي لين وقت الولاده من الطلق تدخل الراس لا تحاتي

اهلا ايمان وتوتتا

[mado ma]

وحشتينا يا امونة ربي يسعدلك حمودي واخوانو

[لمسه هادئه]

اهنن مااااادو خلاص ماعاد نناديك كروشه بنناديك ي نفوووسه..
نووورتي ي عسسسسل كيغك وكيف صحة النونو طمنينا ..
وخبرينا عن ولادتك الاكشن..

[mado ma]

الحمد لله انا والنونو بخير
اما الولادة بس الحمد لله على كل حال
لمسة ليه ماتنضمي معانا على الوتس اب مسوين قروب

[mado ma]

ولادتي بعامر القمر

طبعا انا زرت صاحبتي الثلاثاء وسالتني عن صرتي قلتلها فوق قالت اذا نزلت تحت وبين يوم وليلة طلعت فوق يعني ولادتك دي اليومين
خرجت من عندها وانا افكر يمكن صرتي امس كانت تحت وانا ما ادري
المهم رجعت بيتي نمت وصحيت على الم طنشت ونمت صحيت تاني 5 مرات بعدين صحيت زوجي قلت شكلو عندي طلق بس بارد
لبست وووداني من مكة على جدة عند امي
طبعا الخلطة حقت المنتدى ليا يومين اشربها بالاضافة
للحليب بالزنجبيل
يتبع ⬅

[mado ma]

وصلت عند امي الفجر واختفى الألم شربت الخلطة ونمت شوية صحيت على نفس الألم الأول مازاد قلت اروح امشي مالقيت احد فاضيلي خرجت قبل المغرب ورحت عزيز مول مشيت الين العشا وتعبت رحت لأبويا الله يحفظو سلمت عليه ورجعت عند امي ونمت على الساعة 11
صحيت الساعة وحدة على الم غير محتمل
غليت موية مع كف مريم وشربتها ودهنت زيت زيتون على ظهري وبطني
وحطيت رجولي في موية حارة
يتبع⬅

[mado ma]

طبعا الطلق لسة متباعد بس الطلقة تجلس دقيقة ومرة قوية
اتصلت قلت لزوجي تعال الالم زاد
وانا ادور في البيت والكل نايمين واروح الحمام مانزل ولا شي
جا زوجي وانا منتهية من الألم اذن الفجر صليت ووسط الصلاة جات طلقة بغيت اصرخ بس مسكت نفسي
قال زوجي نروح نمشي لان دوام الدكتورة 8 قلت طيب بس على شرط نمشي جنب المستشفى
واول ماوصلنا المستشفى قلت ياابن الناس الألم زايد ابغى ادخل احسن
دخلت كشفت المناوبة لقت الرحم مفتوح 4-5 سم لاقوة الا بالله قلت نادو الدكتورة قالو طيب وطلعوني غرفة الولادة
⬅

[لمسه هادئه]

سبحان الله خلاص جا وقتها الولاده وتبان الااااااام لانها مانقدر نتحملها
خاصه الطلق القوي واضح انو ولاده .. المهم الحمدالله ع سلامتك ي مادو ..
اوك بنضم معكم بالواتس اب بس كيف ؟؟

[mado ma]

خلاص تعبت من الكتابة


طلعوني غرفة الولادة وانا اسأل عن الدكتورة يقولو كلمناها وهم كذابين
كشفو طلع فاتح 6 وبعدها بساعة 7 وبهدها بساعة مرت المناوبة من جنبي اناديها مطنشتني وفي ممرضة جالسة تكتب قريب مني
قلتلها فين دكتورة تشكر قالت تجي 8 طالعت على الساعة 7.30
قلتلها البيبي حيخرج طنشتني
ماقدرت اقاوم الدفع وحزقت خرجت الموية
بعدين جات طلقة اقوى حزقت حسيت شي انحشر فيا خفت البيبي يختنق
ناديت الممرضة اول ماشافت زعقت هير هير خدي نفس دحين تجي الدكتورة
يعني عادي عندهم البيبي يختنق اهم شي تجي الدكتورة
جات طلقة برضو حزقت وخرج عامر على يد المناوبة وهيا معصبة حطو على صدري واحسو انشرق من الموية لاشعوريا قلبتو وبكي ساعتها
طبعا شقني براسو الله يهديه وبعدها حطولي بنج صحيت وهو جنبي الحمد لله
ودحين معاناه مع الخياطة لأنها مو مرتبة زي كل مرة