<<تجمع حوامل اللي ولادتهم شهر رمضان1434>>

[some]

اتوقع حبيبتي لازم تروحي
اذا كان خاص طبعا
بس اذا كان حكومي ماراح يطلعونك يولدونك لما تفتحي ملف من الطوارى
وكمان لاتنسين تاخذين ملفك من مستوصفك للمستشفى عشان يحطونه لك بملفك عندهم ويشوفون تحاليلك

انا اتابع بمستوصف حكومي واعطوني دفتر اسمه جواز الام والطفل
يكتبون فيه عن كل زياراتي وتحاليلي ويكون معي لحد مايصير عمر طفلي 6 سنين

[جونة]

السلام عليكم كيفكم بنات وكيف نونواتكم يارب تكونو بخير

كيمو الي فقلبك على لسانك دي ميزه واحلى شي فيكي ووجودك يعطي التجمع روح مره حلوه ..
وتسال عنك العافيه ماننحرم منك .. المتصفح حق جوالي سوا تحديث وسار مررره بطيء ويعلق اتعب عشان انزل رد واحد ..

هبووووب حبيبتي ياعسل انتي صورتك جونان تحمس
مبروك فتح الملف ماشالله هانت حاسه انو قلبك بدا يطقطق من الخوف هههه الله يسهللك يااارب ويربط على قلوبنا

محبه عيوني موقلنا لاتغيبي انتي اول وحده قابلتها لماسجلت في التجمع ودشت قلبي يعني وجودك زرووووري
مادام الله معاكي ماععليكي دكتورك مافيلو ولامهاره الابتوفيق الله لو .. الي وفقو يوفق بديلو الي حيسويلك العمليه .. هوا شي يقهر اناكمان اخاف وااكدت على دكتورتي انها هيا الي تولدني بس لازم يكون اعتقادنا في الله وحدوو السلامه بيدو وكلهم دولا مجرد اسباب ..

عشقي عيونك كيفك منورتنا يا البي
انتي من فين وبكرية ولاسوابق وايش نوع جنينك ماشالله عروسة ولاعريس ..

[جونة]

سووم زي حقي جواز الام والطفل مره حلو

هبوب انابرضو حددولي موعدين ولاده بينهم اسبوع عايدي لانوصعب يحددو بالزبط متى سار الحمل

كيموو يسعد مامتك ويخليلك هيا وتوصل بالسلامه الله يجزيها الجنه

سالي كيفك ياقمر طننشي لاترفعي ضغطك احنا فمرحله مره ماهي ناقصه رفعة ضغط وسوي نفسك مايهمك هماكده البشر مايقدرو قيمة الي يجري وراهم ويحبهم .. ولمن يطنشهم يرجعولو جري .. الله يفرح قلبك

[جونة]

بنات سامحوني مني قادره اقرا الردود زي الناس ولاقادره اكتب زي الاوادم ..المتصفح مش ولا بد

بس احبكم

[المُحبة]

يسعدلي صباح المكاوية ياااااارب ❤
والله نعسااااانة وعيوني مغمضة بس قلت لازم اقولك وحشتيني
وربي لايحرمنا قلبك الطيب وكلامك العسل
وبجد لازم نحسن الظن بالله ويكون تطبيق مو كلام بس
والوقت دا اللي احنا فيه هو المحك للتطبيق ..

الكلام اعلاه بلهجة جونة :
والله كمانة ميتة من النعاس وعيوني تغمض وتفتح بس في قلبي كلام لازم اقولووو
انك وحشتينيييي وان شالله مايقطعني ربي من قلبك الابيض اللي زي البفتة وكلامك اللي ينقط عسل
كمانة ابا اقول انو لازم نحسن الظن بربنا مو كلام ! لااا دا لازم بالتطبيق
ووقتنا هادا ترى فيلو تطبيق كلامنا عشان ربي يسهل علينا 😁


حاولت قد مااقدر اكون جونة مستحيييل والله
نسخة عسولة ماتتكرر
الهي يفرحك بنونتك في حضنك

[جونة]

هههههههههههههههه والله انتي الي عسل مصفى يشيخه..
اااامين يارب واياكي وكلنا ..

[ثلاث وردات]

صباح العسسسسسسل حبيباتي الغالبين
جونة تسلمي ياروحي علي دعوتك لمامتي الله يسمع منك
نفسي انام علي بطنييييييييي بنسي بالليل وانام نص نومة ..الاقي البيبي
بيضرب فالسرير مضايق اروح راجعة لضهري اتكتم اروح يمين امل ..وهكذاااا
طووول الليل ..بدأت اعد الايام مليت والله الله يجازينا بولادة ميسرة يارب
ولاوحدة فينا تتعب في ولادتها سواء طبيعي او قيصري يارب قوي قلوبنا
الله يهدي جوزي وياخدني افتح ملف بكرة في المكان اللي حولد فيه
عشان ارتاح . واتفاهم مع الدكتور انو يولدني اخر شعبان . يارب سهل.

[ثلاث وردات]

جيجي نايمة .... والمحبة نايمة ....
احلام سعيييييدة.....

[sally 1]

بنات اليوم صمت قلت فرصه زوجي مو موجود بصوم قضى حق رمضان مأخرته مررره وكنت ناسيته والله لو ما ان ماما ذكرتني ان شاء الله ربي يتمم لي صيامي ع خير

[ثلاث وردات]

امين يارب ياسالي ربنا يتقبل واناوالله علي ايام بس خايفة من الهبوط
وكمان خايفة من الله اكتر الله يقدرني.واصومهم