تجمع اللي بيولدون في شهر ذو الحجه

[عسله]

لا مو من الاسبوع الاول
من دحينا اقولك مرا لاتخافي وتسوي زي لااكل ولانوم ارهقت نفسي ع الفاضي وزوجي كل شويه يتصل سويت زحمه هههههههه
وكليها ع ربك
وزي ماقالت الصمت عشقي
ريلاكس وتهدي اعصابك وااااااااااااااااخر حلاوه هههههههههههههههه

/

بس المشكله قالتلي ادفعي مااااااااااااااااااااااااااااااااعرفت بالله كيف حسوي بعدينا!!

[لياليـ]

الله يسلمك يا ام سامر وان شاء الله تطنينا عليك وعلى النونو

ام السعد الله يسعدك يارب ويسلمك
اللي اعرفه يضيق على الجنين الرحم وتكون حركته اقل من اول

اجوان حاولي تشربي حليب السعودية بارد

عسله الحمدلله على سلامتك وانك تطمنتي على نفسك والنونو
عقبال الولاده

الصمت عشقي هلا والله فيك

غلا الروح كل شيء تمام الخط واللون ماقيه اي رموز ...
اما الجو البارح ماشاء الله رهيب براد

[أم السعد]

ميرسي حبايبي كتير على مروركم
بس حبيباتي مو مساله ينو يضيق الرحم على الجنين انا ما حسيت بالحركه الا في الاشهر الاخيره كنت دايما اشتكي من قلتها في الشهور الوسطى انا خايفه بس طمنتوني ربنا يطمنكو ويكون كلامكو انشاء الله صح يا رب العالمين لانو زهقت من المستشفى

ليالي
ميرسي كتير على الدعوه الحلوه ربنا يخليكي ويتمم الي وليكي على خير ولكل الحوامل ويطمن قلبك يا رب
عسله
ميرسي حبيبتي
بس ليش ما حبيتي الدكتوره تكشف عليكي
تصوري انا مرات اروح الطوارئ وبلاقي دكتور مو دكتوره ويفحصني قدام زوجي بالاول كنت ما ارضى قدام زوجي بس من كتر الاضطرار اصبحت ما عدت اهتم
غلا الروح
ربنا يطمنك انا دخلت الصبح ما لقيتك بس تركتلك رساله وشكر ربنا يسعدك

الصمت عشقي
كيفك ما في سلام

[الصمت عشقي]

عسله غريبه قالت لك ادفعي!!!

طيب هي ماعلمتك كيف تدفعي

المهم لاتخافي اذا جى وقتها ربي بيسهل لك وبتعرفي كيف تدفعي

هلا خيتو لياليـ
كيفك عساك بخير مع التعب..؟

[الصمت عشقي]

عذرا عنوني ام السعد
انا دايم اغلط بينك وبين ام سامر
معليش عذريني خيتو
اخبارك يالغاليه
والله حتى انا احس حركت الجنين قليله
بس مرات احس برفسه في ضلوعي
قلت يمكن اروح بكره اتطمن ع البيبي وان شاء الله خير يارب

[أم السعد]

الصمت عشقي
معليش حبيبتي بس بيقولو ما يعتب عليكي الا لي يحبك
انا كمان باحس برفس بعض المرات في معدتي بس في اوقات تيجي تكون الحركه ضعيفه بس ليوم وامبارح كتير ضعيفه وها الشي خوفني
ما بحب اروح المستشفى وحتى المواعيد هن مع الدكتير لي متابعك بالشهر

[اجوان]

عسله ,,
انا بالتوقيع مبين بعدك باربع ايام تقريبا ,,يعني لاتقولي الموعد الجاي الدكتور بيكشف من تحت :(
انا مو خايفه انو يعور بس خجلانه من الدكتور مره :((((

الصمت عشقي,,
انشالله اليوم وانا رايحه اخد الحديد بكلم دكتور الطوارئ ,,


مامات امس لما كنت خارجه حسيت بالم اسفل بطني زي الم الدوره جلس خمس دقايق وراح ,,وقبل شويا كنت نايمه جاني الالم والله من قوتو صحاني من نومي وجلس برضو خمس دقايق شعور حسيت كانو الدوره حتجيني كدا,,
هوا دا الطلق ؟؟؟

طيب انتوا كدا يجيكم كل يوم؟؟

تصدقوا لمن جاني ماصدقت يروح ونقزت فتحت شنطة المستشفى ابغى ارتبها حسيت الموضوع خلاص جد فتحت الشنطه وحطيت منشفه وشنطه صغيره فيها معجون وفرشه اسنان وميبو وريالوكين وبعدها تنحت ماعرفت ايش احط احس مخي شوش ونفسي ابكي يالللللله :(((

دحين انتوا كم لبس تحطوا لكم؟؟
انا مشتريه قميص نفاس وحلو يعني بشك بسيط ابغى البسو اذا جوا الضيوف طيب اخد دا ومعاه بيجاما عشان باليل وبس يكفي؟؟

طيب النونو انا اخدت مهاد فخم ولبس من جوا وقبعه عشان الضيوف برضو يعني فخم ماينفع يتلبس طول اليوم بس بخليهم يلبسوا وقت يجوا الضيوف,,طيب وحاخد معاه لبس عشان ادا خرجنا من المستشفى ,,وايش غيروا كمان؟؟؟
يعني اخد برضو لبس عشان لما باقي اليوم تلبسو وكدا ولا خلاص لبس المستشفى يكفي؟؟؟

مرررررررررره احتاااااااج ماما جنبي من جد حاسه اني حاااااااااااااااايسه مع انها ناسيه كل حاجه عن الولاده وهدي التجهيزات بس وجودها يطمني :((

بس انتوا اخواتي واكيد حتفيدوني ......

[آفيض آحسآس]

السلآم عليكم جميعاً ..
مسآء آلخير ،‘
عسآكم بخير يَ رب ..

-

اجوآن قلبي انآ يجيني الالام الدوره وهذآ آخر اسبوع لي بالثآمن غير كذآ تجيني الالام موطبيعيه من تحت
وآلله لدرجه احس شي بينزل مني بس متوكله على الله ، وحآطه ببآلي ان هذآ طبيعي :)

وبآلنسبه لشنطة المستشفى انا مجهزتهآ من يوم دخلت الثآمن > حريصه ههههه
حطيت لي روب عآدي وبجآمه وملابس دآخليه نوعين
وحطيت للنونو لبسين عآديه وبربتوزين ووبطآنيه ومهآد ( لفه ) لاني اذا طلعت من المستشفى رآح
اروشهآ واكيد البسها احسن من البس حق المستشفى
طبعا من غير حفآظآت النونو يمكن 8
وفوط الصحيه يمكن 14 وحده
وكذآ حآسه اني نآسيه هم الشنطه ، لان لو جآك آلآم وآلآ شي مآرآح تستوعبين وش تحطين بآلشنطه

[آفيض آحسآس]

بنآت أنتم مثلي تجيكم معآنآة عند آلنوم :(
معآد انوم ولآ أعرف اتقلب زين اخاف انقلب بقوه ويصير شي في النونو ،
أمس كله على بعضه مآنمت آلآ سآعه وحده بس وبعدهآ قمت وطآر النوم

واحس بضغط مو طبيعي من تحت والا اخاف يطلع شي مني ،
الله يجيرنآ ولايذهب لنآ تعب ويرزقنآ بر اولادنآ وبنآتنآ ،

[حبيبة موني]

اجوان

خدي ملابس عاديه في المستشفى ،، يعني روب عادي وطرحه وبجامتين وملابسك الداخليه واغراضك الشخصيه ( صابون عطر شامبو معجون كريم والخرابيط دي )

والنونو

خدي لبسين داخليه وبربتوزين عاديه وبربتوز لاجيتو تطلعو من المستشفى يكون طقم مع الطاقيه والكوفله وحق الرجول واليدات ومريله وبيت الطفل مدس ولا مدري ايش اسمو وبطانيه للنونو او شال وبسسس اتوقع


<< ترى انا لسى ماجهزت الشنطه خخخخخخخخخ بس دي الاشياء اللي اتوقع نحتاجها وازا في نواقص اكتبوها لنا عشان نستفييد*