تجمع حــوامل التوائم

[حزن الزمان]

حبيبتي أميرة الشعر كل الشكر لك على التوضيح ...

[حزن الزمان]

رندة أسماء الأولاد سهلة وبسرعة تلاقين ... الله يخليهم لك يارب متى بين جنس الجنين في أسبوع
وهل هذي أول حمله لك ...وانا ما سويت ربط ... وينزل مرات معاي نفس ماقلتي ميه شوي وافراز ... خاطري اجيبهم بالسلامة بس تعبانة من التدريس والوقفة ومادري شسوي والدوام عندنا لين 28 /7 بالميلادي تخيلوووووو ...

[حزن الزمان]

عسولة وينك يا قلبي وحشتيني ...

[رنده]

المشاركة الأصلية كتبت بواسطة حزن الزمان

رندة أسماء الأولاد سهلة وبسرعة تلاقين ... الله يخليهم لك يارب متى بين جنس الجنين في أسبوع
وهل هذي أول حمله لك ...وانا ما سويت ربط ... وينزل مرات معاي نفس ماقلتي ميه شوي وافراز ... خاطري اجيبهم بالسلامة بس تعبانة من التدريس والوقفة ومادري شسوي والدوام عندنا لين 28 /7 بالميلادي تخيلوووووو ...

بين جنسهم في الشهر الرابع
اه هذا اول حمل الي
انشالله يارب اتجبيهم بالسلامة والله يعطيكي العافية
انت في اي شهر هلا وعرفتي شو جنسهم ولا لسا

[نونة العسولة]

سلاااام كروشااات

فديتكم وخاصتا حزونه عساج ماتفقدين غالي

الحمدلله انا بخير وبيبياتي بخير احس بضغط وثقل اكثر من قبل

كل يوم يزيد عندي وريولي للحين تورم اوقات ,,

كنت عند اهلي هالايام قلت اشبع منهم قبل مانسافر ان شاء الله

واليوم كنت عند الدكتورة طمنتني عنهم كل شي تمام ووزنهم ممتااااز لعمرهم

وقالت على السفر مافي مشكله بس اهم شي اتحرك بالطياره يعني اتمشى شوي

والله يعين ويسهل يارب.. شخباركم كلكم؟؟

[نـــــــارا]

شلونكم حوامل... شكراً لكم كلكم لأن رديتوا علي... كوثرية وعسولة وتوأمي فرحة عمري

أنا دخلت اليوم الشهر الرابع يعني بالأسبوع 13
وأشوف نفسي أفضل شوي حتى ما يجيني غثيان وايد من الأكل نفس قبل... ما ابي أحسد نفسي إن شاء الله دوم مو يوم

أنا ما خبرت ولا أحد أني حامل بتوأم غيركم! محد يعرف إلا أنا وزوجي
وحتى أمي على طول كل ما تشوفني أتوحم تقول لي أنا ما توحمت نفسج لايكون انتي حامل بتوأم
وأنا أقول لها من وين التوأم لا عيلتنا فيها توائم ولا أهل زوجي عندهم توائم ولاني متعالجة لأني توني متزوجة

الحمد لله صدق موضوع التوأم بالنسبة لي مفاجأة وصدفة غير متوقعة أبداً لأن ما عندنا بالوراثة والحمد لله أن مو بعلاج

ودوم أجاكر أمي وأقول لها ما بخبرج بالجنس وهي تقول لي بعرف لين بتشتري أغراض لأني بكون معاج وأنا أقول لها ما بشتري إلا بيج وأبيض وألوان حيادية

ودي بسرعة أعرف جنسهم
موعدي عند الدكتورة بعد أسبوعين يعني بكون بالأسبوع 15
يعني في احتمال ان تخبرني عن جنسهم؟؟؟؟

وحابة اسأل... في أي الحالات يسوون ربط للرحم؟ مادري ليش الموضوع مسوي لي أرق رغم اني الحمد لله حملي سليم وما عندي نزيف ولا شي بس سمعت ان حمل التوائم يحتاج ربط

[اميرة الشعر]

الربط يا نارا يسوونه باخر الشهر الثالث

اسالي الدكتورة هل تحتاجين او لا

لان الربط يحمي الاجنة بعد الله من الولادة المبكرة

[أستاذة ذوق]

أنا نفسك يانارا حملت وانا توني متزوجه وماتوقعت التوأم لاأنا ولا زوجي
مافي بالعايله توأم أنا أول وحده أجيب توأم وما أخذت منشطات ولا أي شي
عشان كذا كان الموضوع غريب بالنسبه لنا .
والربط مااظن ضروري انا مو مسويه والحمدلله أموري زينه
بس انتي اسألي الدكتوره وتأكدي
وأتوقع يقدرون يعرفون جنس الأجنه من الرابع
إذا كانت أجهزتهم متقدمه

[نـــــــارا]

الدكتورة كل مرة أروح لها تقول لي كل شي نورمال اللهم الوحام والتعب والنوم بس
والحمد لله رب العالمين من عرفت اني حامل ما شفت الدورة ولا نزل علي دم ولا حتى نقطة إن شاء الله ما احتاج ربط بروحي أخاف من هالسوالف!


الله يتمم لنا كلنا حملنا على خير ويقر عينا بشوفة توائمنا

[كوثرية]

وماتوقعت التوأم لاأنا ولا زوجي
مافي بالعايله توأم أنا أول وحده أجيب توأم وما أخذت منشطات ولا أي شي
عشان كذا كان الموضوع غريب بالنسبه لنا .

احنا الوراثة لاعبة فينا لعب

أنا محاصرة بوراثة التوائم من الجهتين

عندي خالة عندها توأم وعمتين

وأنا توأمي الرابع

إن شاء الله ما احتاج ربط بروحي أخاف من هالسوالف!

بالعكس أختي نارا
الربط ما يألم ويحسس الحامل بالإطمئنان أكثر على جنينها بحيث تعرف في شيء يساعدها على حمل الجنين