تجمع مواليد شهر ( ذو الحجة ) لعام 1434 ه بإذن الله

[¤♥ أنثى حآلمه ♥¤]

ام لموش الله كريم والله يهونها علينا يارب
بيللي هونيها وتهوووون وان شاء الله تبشرينا هاليوومين بسلامتك
غيمة ومطر انا بولدي رابع يوم بالعاشر ولدت وان شاء الله الليله تبشرينا
نور المغرب الله يهونها عليك ... انتي ارحم مني 2 سم ان شاء الله تهون عليك الباقي
انا بس نص سم والعنق قاسي اليوم قررت اروح اشتري لي فستان للعيد وان شاء الله الفرج قرييييب

[اخت عبدالرحمن]

مساء الخير كرووووشات

اخباركن

انثى حالمه انا شريت وخلصت عادي استعدواا للعيد م بقى شي

[ام لموووش]

اخت عبد الرحمن ، أنثى حالمة انا استعديت للعيد بجلابية تصلح حتى بعد الولادة هذا احسن حل
غيمة ومطر ترا الكشفية ولا شي مع ألم الطلق خخخخخخخخ شكلي حطمتك وازيدك انها مالها دخل بعد بسولة أو صعوبة خروج الطفل
الطلق الم ثاني الله يسهله علينا ويجعله بردا وسلاما
الله يسهل عليك ان شاء الله وعلى بيللي وتجون بكرة تبشرونا

[ام لموووش]

الا انا مستغربه محد ولد لحد الان والا انا فاتني شي قبل ادخل التجمع
الاحظ اول كنت اقرا في تجمع ذي القعدة لاني مالقيت تجمع لذي الحجة او بالاصح مادريت عنه
بس الاحظ تجمعهم كلهم ولدوا ورا بعض كل يوم يومين وحده تبشر بولادتها ، لايكون تجمعنا فيه شي لوووول��
الله يسهل ونولد كلنا بالسلامة

[¤♥ أنثى حآلمه ♥¤]

اخت عبد الرحمن معك حق .... ان شاء الله اشتري وارتاح
ام لمووووش حلووو انك شريتي جلابيه ... وان شاء الله تقومية بالسلامه
وابشرك 6 ولدوا معنا بالتجمع ... الاخت عنبر الورد وفديت الغالي وليتني مو انا ورجاوي وشوق وبرونزاج
وان شاء الله القادم افضل .......

[rjawe]

وحششششششششششتوني انا جيييييت

[¤♥ أنثى حآلمه ♥¤]

وانتي اكثثثثثر .... وينك اختفيتي نبي الاكشن '-'
وكيفك وكيف البنووووته

[اخت عبدالرحمن]

اهلين رجاووووووي كيفك وكيف البيبي

اخبار الامومه معك

[rjawe]

كل اللي باركولي الله يبارك فيكم يارب وعقبالككككم والله يسهلللكم
واما قصتي ...

في يوم الثلاثاء 25/11/ 1434 هـ

صحاني زوجي المغرب على اساس نروح الممشى نمشي وكنت ابغى اقوم اتحمم وكذا وقبل اقوم من السرير بس جلست
واحس بشيء ينفقع كأنها بلونه والا بمويات تنزززل دافيه ومستمممممممممممممممره وانا مع الخوووف قاعده ابكي
واقول لزوجي مويات وهوا يقولي فين موعارف مسكين وانا اقولوا مووويه الراس نزلت قلي يلا طيب اوديكي المستشفى قلت لا اصبر كلمت امي الله يخليها لي قالت لي لا دام مويات وماوقفت لازم تروحين وقمت بسرعه واتحممت والمويه لازالت ولبست وعلى طول ع السيارة والمويات ماوقفت ابدا وشوي والطلق بدأ احسس بمغص شديد يروح ويجي وطول الطريق وانا ادعي واصبر نفسي بالدعاء الحمدلله لين وصلت مستشفى فقيه ودخلوني على طول غرفة الملاحظه بعد قياس الضغط والحراره وغيرولي ملابسي وحطو لي جهاز التخطيط والمويات ماوقفت برضو وجات دكتوره لبنانيه مرررا سيئه وتصرخ بس وكشفت عليا لقيت الرحم 1 سانتي وبكيت واقول لزوجي ماابغاها تولدني بس تصرخ وطلعوني غرفه لدكتور عشان السونار ورجعوني تاني لغرفة الملاحظه وقعدت من المغرب الين الساعه 10 ونص اتألم بس من الطلق والرحم كان يفتح شويه شويه بعدين دخلوني غرفة الولاده كان 4 سانتي مفتوح وطلبت بنج مااعطوني غير كمامه لانهم خيروني بين ابره الظهر والبنج الكمامه ورفض زوجي وامي ابره الظهر لاني قبل الولاده انا رافضتها مرررا ووقت الطلق طلبت كل شي ابرة الظهر وعملية وشفط بس الحمدلله ربي اكرمني بدكتوره ثانيه مصرية اتعب اوصف طيبتها كانت متحملتني ورفضت تسويلي عمليه قالت راح اصبر عليكي حرام الرحم مفتوح ومابضيع تعبك وقعدت اصبر نفسي بالدعاء والقران وساعات ابكي من قوة الالم والساعه 3 جات الدكتوره تحاول معاي اني ادف كان فاتح الرحم 9 سانتي وحاولت قد مااقدر بس مافي فايده لين فتح 10 وحاولت اكثر من محاوله وكلها فاشله بعدها قلتلها ريحيني الله يريحك وشوي قالت اخر محاوله بس حاولي تدفي لما اقولك وسويت زي ماطلبت ودفيت وشوي مادريت عن نفسي الا صحيت على آذان الفجر ويقولولي خلاص ولدتي والحمدلله وطلعوني الغرفه كانت الساعه 7 الصباح ونمت والساعه 9 تدق الممرضة الباب وجايبه معاها احلى فراس والحمدلله فرحت ونسيت التعب بشوفتو سليم معافى وهذي قصتي وعقبالكم تفرحو بنوناتكم ويسهلكم ولاتنسو الدعاء وسورة الزلزلة وبث :$

[نور المغرب]

حبيبتي رجاوي
الحمد لله على سلامتك و انك خلصتي على خير و سلامه الله يخلي لك ولدك و يبارك لك فيه
احس الحمد لله ولادتك كانت سهلة و ميسرة و هذا فضل من رب العالمين
عقبالي يا رب و لكل الاخوات يا كريم دعواتك لنا