دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[زهره البيلسان]

ثلجه فوشيه

اشربي عصير الشمندر وكلي خضروات وفواكه لاتحطي اعتمادك كله على الدواء

[وفقني يارب]

نلي الله يسعدك قلبي ماقصرتي والله فديتك والله طيب لو ابي اجلس اسبوع؟؟ او اسبوع ونص؟ كم تكون يغني اليوم بكم عندهم؟ وغير كذا هذا شامل البنج الموضعي ؟
اما الحضانه مابيها ان شاء الله ولا احتاجها يارب

ثلجه والله من خوفي نسخت هالردود
والله وحده عالم وشاهد اني ماقصد شي ولا اعرف شي بمكه علشان دايم اسال ودايم اقول اي شي اسمعه

[نلي خانم]

وفقني
أنا والله ماأدري بكم يحسبون اليوم بس اللي أعرفه كتبته لك وأذا كنتي تتابعين عند صلاح حامد كلميه يسوي لك تخفيض وماأعتقد أنك تحتاجي أسبوع لأن أنا أعرف كذا وحده عنده من ثالث يوم يخرجون وبعد أسبوع تجي مراجعه عنده يفك الخياطه لكن ماتتنومي أسبوع أحسبي على 8000 بأذن الله تكفيك ولو كلمتيه على التخفيض يخليه7000 والبنج الموضعي ماعندي خلفيه عنه
يارب ماتحتاجي عمليه والله شي مره صعب الوحده تجلس تعاني كثير حتى البيت ماتقدر تشتغل فيه زي الناس اللهم أجرنا من القيصري

[طوق الياسمينا]

السلام عليكم يااحلى مكاويات
كيفكم وكيف الحمل معاكم ان شاء الله كلو تمام
امورة الله يسهلك الولادة تاخرتي كثير بس كثري حركة في البيت تلاقي نفسك خلاص ولادة
ثلجة كيفك حبيبتي وكيف الحمل يلا هانت باقي لك شوية وتولدي بالسلامة
وكيف المستشفى ان شاء الله ارتحتي لها
بس تصدقي انا مالي حظ فيها كل مارحت ابى الدكتورة تشوفني الاقي زحمة وولادات وعمليات وحوسة الين هاذاك اليوم اللي تعبت وجاني هبوط وقررت خلاص اتابع في بخش والحمد لله اهون من باشراحيل ماتنظري فية 2 عيادات نساء وولادة على الاقل يشوفوكي مو يطنشوك في الانتظار الين ماتطقي من الانتظار

[نلي خانم]

كروزه ربي يسعدك وأنتي كمان وحشتينا ياقمر الله يحفظ لك حماده يارب

[نلي خانم]

بنات شوفوا هالخبر نزل اليوم في صحيفة سبق الألكترونيه وقلت انسخه لكم تشوفوه


فهد المنجومي – سبق – مكة المكرمة: أوصت وزارة الصحة بأخلاء مبنى مستشفى النساء والولادة والأطفال بجرول فوراً؛ خوفاً على حياة المرضى والمراجعين ومنسوبي المستشفى؛ إثر التشققات والتصدعات، فيما كانت قد نقلت أكثر من 35 موظفاً من مبنى شؤون الموظفين الواقع غرب المستشفى؛ خوفاً من انهياره.

وكان الناطق الإعلامي بالشؤون الصحية بمنطقة مكة المكرمة فائق حسين قد أوضح حينها أن اللجنة الهندسية بالشؤون الصحية بالعاصمة المقدسة وقفت على التصدعات والتشققات بمبنى شؤون الموظفين، وأوصت بإخلائه؛ احترازاً خوفاً على حياة الموظفين، إلى أن يتم ترميمه وإعادته للوضع السليم.

وقام وكيل الوزير للتخطيط والتطوير الدكتور محمد الخشيم، برفقة مساعد المدير العام للشؤون الصحية بالعاصمة المقدسة الدكتور طالب الحجيلي، بمشاهد مبنى المستشفى والنظر إلى تقرير اللجنة الهندسية الذي أوصى بالإخلاء فوراً؛ خوفاً على حياة المرضى والمراجعين ومنسوبي المستشفى، فيما علمت "سبق" أن هناك دراسة لنقل المستشفى إلى مستشفى منى الوادي أو البرج الطبي بمشعر منى بصفة مؤقتة حتى انتهاء البرج الطبي الخاص بالنساء والولادة والأطفال بمدينة الملك عبدالله الطبية بالعزيزية أو استئجار أحد المستشفيات الخاصة "مستشفى بخش الطبي أو مستشفى بأشرحيل الطبي".

يُذكر أن مستشفى النساء والولادة والأطفال بجرول انتهى عمره الافتراضي؛ حيث يُقدّر بأكثر من 50 عاماً، وبه أكثر من 300 سرير و40 حضانة أطفال

[وفقني يارب]

نلي مشكوره قلبي ماقصرتي انا موعدي عنده ب26 محرم انتظره بفراغ الصبر علشان اساله عن كل شي ان شاء الله

[حجــآزيــۃ]

ي لطيف له 50 سنة الله يستر على اللي فيه

صباح الخير

[اموورة وكتكوتة]

صباح الخير يا حلويين..ان شاء الله تكونو تمام وبخير وعافية

زوجي طول امس مسوي نفسو تعبان ومريض وبدل ما هو يداريني ويدلعني صرت انا اللي اداريه واخد اجازة اليوم عشان يكمل الفيلم حقو ..

شكرررررااا لكل اللي كتبولي حبيباتي ربي يخليكم شكرراا

موني حبيبتي ان شاء الله عبورة تقوم بسلامة وتكون دحين ولدت بالسلامة يارب وبالنسبة لزيت الخروع انا شربتو وصار اللي صار بس وربي خوفتيني مررراا ان شاء الله خير بس

انشودة حبيبتي نصيحة لتروحي القرية اللي بالطايف لانو مشوار الطايف لحالو مو سهل وبعدين حتتعبي وتتاثر نفسيتك خلاص انتي حامل يعني معذورة

نلي حياتي انا مشيت لين قلت خلاص وما ادري ايش اسوي بس يقولو البكرية تتاخر مررررررررااا .. وبجرب الرمل اليوم اذا ابو الشباب خلص الفيلم الهندي حقو

فوشية حبيبتي انتي دخلة التاسع انصحك تاكلي سبانخ ليوم السبانخ وعصير برتقال مع حبوب الحديد عشان البرتقال يساعد على امتصاصو بسرعة وربي يسهلك ان شاء الله

حجازية اذا بكرية ربي يعينك حتتاخري زينا وربي يسهلك ياقلبي

طوق الياسمين زمان عنك كيفك وايش اخبارك ؟؟ والله انا بالبيت اشتغل واسوي بس مافي امل ربي يسر ان شاء الله ..

وفقني ربي الدكتور صلاح حامد شكلو كويس بس التونسي ما ادري عنهم احسهم بس يبغو فلوس .. طيب اذا ابغا اشوفو للدكتور لازم حجز من قبل شهر مو كدة ؟؟ وهو قلك حيولدك قيصري ولا انتي اللي تبغي القيصري ؟؟ لانك لسة في البداية
كروزة وانتي لكي وحشة حبيبتي ربي يحفظلك حمادة ويخليه

نلي حياتي يسلموو عالخبر المهم ماشاء الله عليكي .. وربي يعين الناس اللي فيه اصلا لازم يهدوه ويسووا واحد جديد ومرتب ونظيف ..

[وفقني يارب]

اموره اسالي الدكتور طيب قوليي له شربت خروع ويقولون ممكن يتبرز الولد شوفي وش رايه؟

ايه هو مايقابل الا بموعد س انا رحت وقلت للسستر الي عنده ان انا عندي مشكله بالحوض وابي استشير الدكتور ماعندي وقت انتظر مواعيد شوف يقبلني ولالا؟
كلمته وقال ادفعي الكشف وتعالي وقلت له انا عندي مشكله بالحوض ينفع اولد قيصري اوووالخ قال مدري بس نقول ان شاء الله طبيعي بس اشوف الاشعه اقرر واعلمك بالشهور الاخيره ان شاء الله وبس