تجمع حوامل ليبيا

[ميرنا]

ماتخفيش العيل لى مات حى عند ربى وانشالله يلقيكم انتى وابوه ويخششكم لجنة هو من طيور الجنة والله والله الناس حاسدينى على انى فى الاخرة عندى من يلقينى يام اسيل حتى الاخرة تبى وانا ويك الحمدالله عندنا من يخششنا لجنة انشاء الله // وراجلى يفسر فى الاحلام توة لم يجيه نحكيله على حلم راجالك لانه يجوه من كل مكان لىتفسير الاحلام // واما عن التحليل ارجى نين ايجى موعد الدورة وديرى تحليل والله البنات فى المنتدى ايقولنا عندنا جهاز تعرفى به الحمل وجهاز تعرفى به التبويض راجلى عند صيدلية ويجيب فى الادواية من بنغازى ومن اطرابلس وطبرق ودايمة انقوله دورالى على هذه الاجهازة جهاز الحمل بس الذى وجدهو وموش نفس الاجهزة لى عند السعوديا ت لى فى المنتدى نحن شريط من الورق وتحطيه فى البول اكرامك الله وبعد عشرة ايام من الدورة وهم عندهم جهز من الزجاج وفيه اشارات للحمل وجهز التبويض عندهم خمس اشرط فى باكو ولم تبداى فى ايام اتبويض تاخذى كل يوم شريط وتشوفى اقوى يوم للاباضة عكسنا نحن دون ما عديتى لدكتورة ودفعتى محة كبدك وبيش تعرفى نحن الطب متاخر جدا فى السعودية فى مستشفى كلهم من المانيا قالو لهم بدل ما اتعدو اللمانيا هذا مستشفى كامل طاقم المانى كله عطهم ربى ونحن لى امفتحه عندنا هى لى تقرا من النت

[ام اسيل]

والله عندك حق لكن عطيني عقلك شن يصبرني لعند موعد الدورة والله مليت من المراجاة وسلفاتي الاثنين حوامل خاطري نفرح راجلي كيف خوته

[حبل الوصل]

اهلين بأم أسيل وميرنا
نحكيلكم عن مشواري اليوم
عديت للدكتورة وقالتلى مافيش بويضة فيه تجمع وعلى حسب قولها تقول من آثار التبويض يعنى ان البويضة انفجرت وان شاءالله خير

[ميرنا]

حبل الوصل ماشالله طالما انفجرت يعنى تبويضك اكويس والمبيض يقوم بعمله على اكمل وجه
بس انشالله غير جماعتى فى هاليومين

[ميرنا]

خاطرى انفرح راجلى ياام اسيل حطيتى يدك عل جرح

[ام اسيل]

المشاركة الأصلية كتبت بواسطة ميرنا

حبل الوصل ماشالله طالما انفجرت يعنى تبويضك اكويس والمبيض يقوم بعمله على اكمل وجه
بس انشالله غير جماعتى فى هاليومين

ياميرنا مش غير بعدك راجلها كان في طرابلس ما ننحكليكش عطاته علي راسه لين بطلت مش فاطنتيلها لها يومين ما خشتش التجمع مش فاضية هههههههه ان شاء الله ياحبل الوصل يرزقك ويعطيك يارب

[ام اسيل]

انا يا بنات ماشية لمة نعدي نوتي روحي توا نلقاكم في الليل اليوم خلينا نكسدو مش ترقدن بدري

[ميرنا]

المشاركة الأصلية كتبت بواسطة ام اسيل

انا يا بنات ماشية لمة نعدي نوتي روحي توا نلقاكم في الليل اليوم خلينا نكسدو مش ترقدن بدري

باهى طمنتينى على حبل الوصل صحة ياحبل الوصل

ام اسيل انتى ماشية لمة وانا اليوم على الدروج نبى انعدى انسيقهم مع السلام يابنات وان كان افضيت انتلقو فى الليل

[ام اسيل]

حبل الوصل كيف حالك ان شاء ربي يعطيك ما في بالك وقوليلي من دكتورتك ليبية ولا لا

[ام اسيل]

انا خشيت زي الهبلة بروحي لا لقيت سبهاوية ولا درناوية ولا بنغازية ولا طرابلسية كساااااااااااااااااااااااااااااااد شكلي نعدي نرقد وخلاص .. . حبل الوصل اول ما خشيت لقيتك ضاوية لكن شكلك سكرتي والله قبل خاطري نهدرز معاك لينا كم يوم ما تلاقينا