تجمع مواليد شهر ( ذو الحجة ) لعام 1434 ه بإذن الله

[روح المدينه]

السلام عليكم
كيفكم
مبررررروك اللي ولدوا
كلهم والحمدالله ع سلامتهم



انا ماولدت خلص التاسع اليووووم والنفسيه دماااااااار بس ابكي مدري ليش
احس بدوخه وكتمه مدري من ايش
وقررت اولد بخاص لان الحكومي سيييييييييييييييئ بمعني الكلمه رحت مرا ولدوا حرمتين بالطواري مارحمهم بالعكس صاروا يخاصموا ليش هي الولتده بيدهاااا
انثى اشكرك ع سوالك والله يسهل لي ولك ولانيقه وعيون امها والهاديه ووتومي ام لموش وكل الصامدات

[كآبتشينو]

السلام عليكم

اخباركم بنات ..؟ اشتقت لكم مررره ،، ربي يعينكم ويهون عليكم يارب

بقول لكم اكشن ولادتي ..

طبعا عيدت اول عيد وماكان فيني ولا شي ولا حسيت بطلق ولا الم ولا بدف ولا باي بوادر ولاده ..

بس كنت هلكانه فيني النوم وتعب السهر وتعب العيد ..

ثاني يوم العيد صحيت الصباح ودخلت دورة المياه ورجعت سريري والا فحاءه حسيت بمويه انكبت

خفت وجاني خوووف الولاده .. رحت تروشت جسمي فقط بماي حار وكلت تمر وامي الله يعافيها سوت لي كوب قرفه ( دارسين ) وخذت معي شنطة الولاده وتمر

ورحت المستشفى على الساعه ثمان الصبح وماكان فيني طلق .. كشفت علي قال مفتوح ٢ سانتي وكتبت لي تنويم

وسووي لي تخطيط وماكان فيه طلق وسونار كل شي تمام الحمدلله ونصحتني الدكتوره اني امشي ..

والحمدلله مشيت في اسياب المستشفى وكنت اقرا قران سورة الزلزله والانشقاق .. والحمدلله بدت الطلوووق تبدا معي ومع كل طلقه كنت اخذ نفس شهيق وزفير ،،

واكلت التمر اللي معي وكنت ادعي ربي انه يسهل علي وعلي جميع الحوامل يارب ..

وعلى الساعه اربع العصر كشفت علي قالت مفتوح اربعه ودخلتني غرفة الولاده ،،

وازداد الطلق علي وجاتني وحده بكستانيه اكشف علي طلعت روحي .. ككان كشفها يعور الله يسامحها بس مدري وش سووت فيني قالت مفتوح سبع ونص

هنا قلت الحمدلله جا الفرج ،،

والحمدلله على الساعه ست ونص المغرب ولدت وجبت احلى بنت ربي يحفظها لي ..

واللهم لك الحمد .. بعدها خيطتني وارتحت الحمدلله

الحين الخياطه معذبتني لانها صايره طوليه وامساك وتعب ..

انصحكم يابنات تاخذون معكم تمر بالمستشفى و اقرو قراااان والدعاء اهم شي ..
وابعدو عن الصراخ وبدال الصراخ قولي يالله هوون .. اذكري ربك بكل وقت وربي يسهل عليكم يارب

بنسبة لشنطة المستشفى انا اخذت شنطه متوسطه وتحسفت ماحتجت لكل شي فيها ..
يعني الفوط الصحيه هم جابوها لي وحفايض البيبي منهم بس حطي كم حبه احتياط ..
وانا نسيت مناديل المرطبه للحفايض وهذا اكبر غلطه :(
وخذي قبعه للبيبي ..
وخذي جوارب لك ..
وخذي ملابس داخليه اهم شي لك ..
واشربو قرفه قبل لاتروحون المستشفى .. ونصيحه بنات اخذو معكم المستشفى فطيره لانك بتحسين بجوع وعشان تعطيك اشوي طاقه ..


هذا كل شي في بالي الحين واي سؤال انا حاضره :)

وربي يهوووووووون عليكم ويسهل عليكم ولادتكم :)

[عيون امها]

بنات
من امس بالليل معي تحجر والم مثل الحزام من بطني وظهري بس مطنشته على الاخر حتى لما امشي يجيني الالم وامشي مثل البطريق وقتها ههههههههههه
تتوقعون طلق وا مثل المره اللي راحت .. اروح لهم ويقولو مافيك الا العافيه
بس انا قررت اني اكون صااااااااااااامده معكم الين خلاص استوي على الاخر



كابتشينو
جزاك الله كل خير .. حاولي تعالجين الامساك حتى مايصير معك بواسير
كثري مويه وعصيرات واشربي مرقه .. لاتاخذي برتقال عشان الامساك الحوامض راح تخفف دم النفاس

[ani8h]

ام تولين ..
الحمدلله بخير فديتك ..
بوسيلي حموودي ♥

روح المدينه ..
ياعممري انتي باقي صاااامده معانا ..
الله يسسسهل علينا اجمعيييين يارب ..

كابتشينوو ..
الله يخليلك العروسه ..
لازم تعالجي الامساك ..عشان ترتاحي وماتتعبك الخياطه اكثر ..
كثري مويه ..
الله يخفف عليك ♡

عيون امها ..
نفس حالتي معايا تحجر فضيييييع ..
ولما تتحجر بطني الله لايوريك الالم اللي يجي ..
وظهري يعورني بس خفيييييف مره ..

[ani8h]

للحين مو متطمنه للطلق الصناعي ..
خوووف مدري قلق والله مدري وش احساسي ..
اكيد الدكتوره مابتعطيني هوا اذا ماني بحاجته ..
بس مخوفني كلام الحريم انه اقوى من الطلق الطبيعي ..ومحد يتحمله ووووو........
الله يكتب اللي فيه الخيييير لي وللجميييع ♥

[اخت عبدالرحمن]

انيقه الحمدلله طلق صناعي ولا قيصريه


تقوميييين بالسلامه انتي والبيبي

[اخت عبدالرحمن]

اتكلي ع ربك لا تسمعين كلام احد وربي بيكتب لك ولادتك سهالات من عنده

[اخت عبدالرحمن]

كابتشينووووو


الحمدلله ع سلامتك


جزاك الله خير وربي يجعل بنوتك من مواليد السعاده

[اخت عبدالرحمن]

روووووح المدينه


استغفري وادعي ربك وان شاء الله نفسيتك تتحسن


ربي يسهل لك

[عيون امها]

انيقه
انا مع اخت عبد الرحمن طلق صناعي ولا العمليه وهي تجربه ولازم نمر فيها
يمكن وقتها يجي الطلق من نفسه وماتحتاجي الصناعي
بس الم كم ساعه وتولدي و10 ايام تعب الخياطه وتصيري مثل الحصان
ولا تجلسي 6 شهور ممنوع الصراخ ممنوع الحركه العنيفه ممنوع شيل الاغراض الثقيله ممنوع الملاهي ممنوع حركات عنيفه مع زوجك ... يعني حرمان من اشياء كثيره
بس ايش نقول كله يهون لعيون اطفالنا الحمد لله ع كل حال