.·¤ تجمع الحوامل اللي ولادتهم في محرم¤·.

[ام التوينز3]

المشاركة الأصلية كتبت بواسطة نبعة الحب

ام اسكندر مشكورة يا قلبي بنات حلفتك بالله تدعولي حالتي ما يعلم بيها الا الله

اليوم سويت سونار وقالت لي الدكتورة شفت شي بقلب الجنين واحتمال في تشوهات ويوم الثلاثاء راح اسوي فحص من ماء السائل راح ياخذون مني ما اعرف شكتب احس راح اموت من الحزن دعواتكم تكون النتيجة سليمة

ادعولي بصلاة الفجر

الله يطمن قلبك وان شاء الله خير لاتحزني وتوكلي على الله افرشي سجادتك وادعي ولا تنزلي يدك حتى تدعي كل الي في خاطرك هذا ربي العالمين اكرم الاكرمين وما بعد العسر الايسر باذن الله

[ام التوينز3]

شوفو الي يصرفوها لنا المستشفى maternaمع كالسيوم اسمه osteocare مره حلوه وما انصح احد بترك الفتمينات لانها مهمه لك وللجنين

[Mishael]

لاحول ولاقوة الا بالله اختي نبعه لاتتضايقين وتضيقين صدر البيبي وتتعبينه
قل لن يصيبنا الا ماكتب الله لنا ،،الحمدالله على كل حال حبيبتي وسعي صدرك ولو علمتم الغيب لاخترتم الواقع
ووش قالت لك نوع التشوه انا اخوي عنده ثقب بالقلب والحمدالله مشاءالله تبارك الله عايش بس نموه بطيء لانه داون
وبنت صديقتي عندها ثقبين ومشاءالله تبارك الله لما تمت الست سنوات تسكرة الثقوب وكمل قلبها
الله يقر عينك فيه وتشوفيه سليم معافى كثري الدعاء انتي امه ومستجابه دعوتك واكثري من الصدقه والاستغفار
يارب يقومك بالسلامه ويفرح قلبك فيه يارب

[ام اسكندر]

ام يارا معليش بدل ما اسوي اقتباس للرد سويت تعديل للرد

السموحة منك لا تآخذيني

كنت ابي اكتب لك ذا الكلام


سبب القيصري عندي هو عدم نزول راس الجنين في الحوض لضيقه

وانا اقصد بالمشيمة الامامية انها تكون ملاصقة لبطنك
اما اللي تسبب القيصري هو ان المشيمة تكون تحت مقابلة لعنق الرحم يعني تمنع الجنين من الخروج لانها تبي تخرج قبله

شكلي غلطانة بالاتجاهات
وربي لايقدر علينا الا المشيمة الطبيعية

[ام اسكندر]

عيش

ماجاء موعدك ؟؟؟

متشوقة اسمع اخبارك
دام مصيري متعلق بمصيرك^_^

وبالله اسألي الدكتورة هل في بالمستشفى رباعي ابعاد او لا

لسا اليوم بكلم زوجي قلت له احجز في بقشان ع تاسع العيد

[ام اسكندر]

نبعة

وااااااااااا ياقلبي
مو معقول
اكيد الدكتورة شاكة شك خاطئ
مانتي ناقصة
ولا تتعبي نفسيتك عشان مايأثر ع نمو جنينك
وربي يطمن قلبك

[ام اسكندر]

مشاعل

وش ذا الهبل اللي في هالممرضة
سبحان الله امك انتبهت
شكلها حست من الشبه ان البنت اختلفت عن اللي ولدتها
عاد تخيلي امك ماحست ولا انتبهت !!! كان ربتك حرمة تكرهك لانك بنت
ربي ييسر لك وعشتي مع اهلك

انا طول الحمل باسكندر وزوجي خايف يبدلو ابنه
خصوصا في رمضان جات حلقة شفناها من طاش ماطاش عن تبديل الابناء
ومن يومها وهو موسوس
حتى لما شاف ابنه بالحضانة قعد يفتش فيه يتأكد هل الولد يشبهه او لا
شاف اصابعه عشان وراثة فينا الاصابع العريضة وشاف اصابع رجوله
وكمان شاف اذنه عشان في شحمة اذنه ملتصقة بطريقة سبحان الله نفس التصاق شحمة اسكندر
وسبحان الله اسكندر نسخة من ابوه بالملامح
حتى الممرضة الهندية قالت لزوجي هذا البيبي سيم سيم شكل انتا

اللي تولد قيصري ماتشوف ابنها ولا راح تنتبه لو بدلوه
عكس اللي تولد طبيعي تشوفه ويحطوه ع صدرها لذلك تتأكد يوم ترجع البيت انه نفس البيبي

اخت زوجي دايما تولد طبيعي جابت 3 اولاد
لين البنت الرابعة ولدتها قيصري بنج كامل
وجابوها لها بعد عدة ساعات من الولادة
انكرتها وقالت الله اعلم هيا بنتي او لا
وطلبت زوجها يسوي فحص dna يتأكد هل هي بنته او لا
وزوجها قال اعقلي شوفيها كيف تشبهك وتشبه ابننا الكبير
واصرت واستكبرت انها ماهي بنتها وتقول ماشفتها ابدآ لما ولدتها يمكن غالطوني
وطلبت امها تجيب لها كل البنات اللي انولدو بنفس اليوم تجمعهم من الغرف
وراحت امها واستأذنت من الامهات وكانت تاخذ البنت مع مرافقة الام وترويها لاخت زوجي وهي تقول لااااااا هاذولا مايشبهوني
واقتنعت اخيرا ببنتها
وفعلا البنت تشبه امهــــــــا بس ما ادري وش فيها شكت

[عيش الحياة]

ام اسكندر
موعدي بعد اسبوع وشوي وانا احس الايام طويلة وحابة اروح اطمن لأن ولدي هذه الاسبوعين مستلم بطني دق ولطم الله يحفظ حتى اليوم حط راحت يدو وطاح على بطني والله حسيت ضغط قوي
هههه طبعا مصيرك معاي بس ليكون الطفل ساجد هههه
ان شاء الله افتكر واسألها واذا حابة اتطسلي على المستشفى واسألي
تبي ادق واسألك انا ترى عادي؟؟؟

[عيش الحياة]

عاد انا يا ام اسكندر ما شفت ولدي وقت الولادة قبل ما يخرج الراس خلاص اغمى علي ولا شفت ولا شي افتكر اخر شي لما كنت ادف وبعدها ما افتكر شي ولما فقت اسأل الممرضه انا ولدت ولا لسا هههه وما شفتو الا بعد ثلاث ساعات

[ام اسكندر]

المشاركة الأصلية كتبت بواسطة عيش الحياة

تبي ادق واسألك انا ترى عادي؟؟؟

ايه ولله اذا ماعليكي امر
فيني فضول غير طبيعي وزوجي ابرد من الثلج ومقتنع ان عنده بنت وفرحان فيها
وانا مازلت موسوسة
وربي يحفظها لنا اهم شي سلامتها

امس رحت عمرة بعد الفجر وشفت الاعرج والمعاق والمشلول
قلت يارب ارزق جنيني الخلقة التامة والعافية والسلامة

وربي يسلم بطوننا من جون سينا اللي عندي واللي عندك
تراني امر بنفس الحالة مع ابني
وعندي احساس ان بنتي خلاص حتخرج فطسة من كثر مايضغط ويلكم وجهها