يا بنات أن بدأت الحقن المجهرى ببروتوكول جديد اسمه الانتوجنست ادعولى بليييز

[meshmesha]

المشاركة الأصلية كتبت بواسطة ابتسامه رغم الالم

هههههههههه لا حبيبتي والله كل يوم ادخل اطمن عليك ياقلبي ربي يفرحك ويرزقك بالحمل السليم لازياده فيه ولا نقصان

ومن ناحيه انك بتعيطي بعد مافقتي من البنج انا زيك وما بعرف ليش وظليت كل اليوم ببكي هههههههه لكن هذا في عمليتي الاولى اما الثانيه فعادي قمت اسولف هههه

الله يبشرك بالخير ياعمري ويرزقك عاجلا غير اجل يارب

ابتسامة الجميلة :)
ربنا يكرمك يارب انك بتدخلى مخصوص تطمنى عليا ،، استمرى فى دعائك عشان لسة المستشفى مكلمتنيش تقولى ايه الاخبار ، ادعيلى وانا كمان ادعيلك ونفضل كدة ندعى لبعض بظهر الغيب والملايكة تقولنا ولكى بالمثل ونبقى انا وانتى حوامل الشهر دا يارب وولادك يتصاحبوا على ولادى :)
يارب يبشرنى ويبشرك ويبشر كل مشتاقة يارب يا كريم

[سوزان الرياض]

الله يرزقك توام ربي على كل شي قدير

[ابتسامه رغم الالم]

ههههههههههههه موتيني ضحك عى اولادك يتصاحبو مع اولادي ياعمري انتي الله يرزقك يارب وتبشرينا بحملك عاجلا غير اجل

[meshmesha]

المشاركة الأصلية كتبت بواسطة سوزان الرياض

الله يرزقك توام ربي على كل شي قدير

يارب يا سوزان يارب انا وانتى وكل بنات المسلمين يارب يجبر بخاطرنا يارب

[meshmesha]

المشاركة الأصلية كتبت بواسطة ابتسامه رغم الالم

ههههههههههههه موتيني ضحك عى اولادك يتصاحبو مع اولادي ياعمري انتي الله يرزقك يارب وتبشرينا بحملك عاجلا غير اجل

ياستى خلينا نضحك شوية مش احسن من التوتر اللى الواحد عايش فيه وبعدين ايه المشكلة يعنى لما ولادك يتصاحبوا على ولادى هو انتى من اى دولة ؟

[meshmesha]

اخواتى العزيزات
السلام عليكن ورحمة الله وبركاته

معلش النت كان قاطع عندى الايام اللى فاتت ومدخلتش اقولكم على اخر التطورات ،، المستشفى كلمتنى يوم الاربعاء الماضى وقالوا لى انى هنقل يوم الخميس ( يعنى تالت يوم) طبعا انا اتضايقت شوية وقلت الحمد لله لعله خير ،، رحت تانى يوم المستشفى وحجزت غرفة لأن نظام المستشفى ان بعد الارجاع بيسيبوكى نايمة على ضهرك ساعتين فى غرفة الافاقة وبعدين بتلبسى وبتروحى ، المهم حجزنا غرفة لحد 8 باليل وقبل ما يحضرونى للعملية طلبت اعرف كم جنين اتلقح ردوا عليا ان الدكتورة هتبلغنى اثناء النقل بس انا اصريت اعرف قبلها وجوزى معايا المهم اتصلت الممرضة بالحضانة وخلتى اكلم الدكتور وطلبت منه اعرف فجاب الفايل بتاعى وقالى " مدام احنا سحبنا 8 بويضات ناضجة قلت حلو اوى ، اتلقح منهم 6 قلت خير وبركة ، منهم 2 لم ينقسموا فتم استبعادهم قلت مفيش مشكلة ، قالى اتبقى اربعة دول اللى هنرجعهوملك قلت ازاى هى درجاتهم ايه قالى اجنة متقدمة رديت عليه ايوة درجاتهم ايه يعنى اولى والا تانية والا تالتة قالى لا كويسين اصل احنا مش بنحسبها كدة بظبط ، قلتله دكتور انا قارية وفاهمة كويس لو سمحت قولى وانا مش هضايق دى حاجة بتاعة ربنا رد عليا قال لى " واحد درجة تانية وثلاثة درجة ثالثة "،
اييييييييييييههههه يعنى ولا جنين درجة اولى
قالى على فكرة مفيش مشكلة خالص متوتريش نفسك دى بتبقى حسب انقسام الخلايا اللى ظاهر فى المعمل انما ممكن الدرجة التالثة يبقى احسن من الاولى عشان كدة احنا نقلنا فى اليوم الثالث لأن انسب مكان للوضع دا بيكون رحم الام وربنا هو اللى بينفخ الروح
طبعا انا استجمعت اعصابى وشكرته على زوقه وقفلت واول ما قفلت التليفون انفجرت فى العياط وجوزى قعد يقولى بصى لنص الكوب المليان وربنا هو الرزاق محدش عارف الخير فين الكلام دا كله انا عارفاه بس الصدمة بصراحة خلتنى مش عارفة اتمالك نفسى ،، المهم دخلت العمليات وانا هموت من الزنقة طبعا وكان بيتهيألى انى هعمل بيبى على الدكتورة وهى بتشتغل
بس ربنا ستر الحمد لله وبعدين نزلت الغرفة وريحت لحد باليل
وبعدين روحت البيت وزى ما دكتورة الرعاية الطبية قالت فردت الكرسى بتاع العربية ونمت

وانتهى اليوم دا الحمد لله بس من قبل يوم الترجيع وانا عندى الم فى المعدة والقولون غريب ومستمر معايا لحد دلوقتى ومش قادرة افهم ايه السبب ،، كمان من بعد السحب وانا حاسة بألم اسفل بطنى كأن بطنى مفتوحة وبعد الترجيع بيوم الالم ابتدى يزيد فى جنبى اليمين وبعدين امبارح ابتدى فى جنبى الشمال كمان هو دا طبيعى والا كدة فى حاجة عندى مش مظبوطة افيدونى افادكم الله

[نور السما]

الله يرزقك بالذرية الصالحة المعافى عاجلا غير اجلا امين يارب العالمين

[meshmesha]

المشاركة الأصلية كتبت بواسطة نور السما

الله يرزقك بالذرية الصالحة المعافى عاجلا غير اجلا امين يارب العالمين

شكرا يا حبيبتى يارب اللهم امين ليا انا وانتى وكل بنات المسلمين

[ابتسامه رغم الالم]

حبيبتي الفففففففففف مبروك ترجيع الاجنه وعقبال نبارك لك بالحمل يارب

ولا تقلقي من ناحيه درجه الاجنه والله كلها من رب العالمين لو اراد لك راح يقول كن فيكون بتذكر قصه حكاها الدكتور انو في ست في الاربعين من عمرها واتت لترجيع الاجنه ولكن كان مافيه غير اثنين وكلهم من الدرجه الرابعه وكانو محتارين بترجيعها ولكن قررو انهم يرجعوها ولكن هي طبيا نسبه الحمل عندها كانت معدومه وفي الخير كانت الصاعقه على الاطباء انو الست حملت وبالاثنين يعني صار عندها توائم وانجبتهم وهي في الاربعين ومن الدرجه الرابعه

حكيتلك اياها من اجل ان تتكلي وتثقي برب العالمين
وعندك انا مثلا رجعلي 5 اجنه ومن الدرجه الاولى وفي الاخير نسبه الحمل 0 لان الله لم يرد لي ذالك الا في أوانه

حبيبتي اسأل الله لي ولك الحمل وتبشرينا في الايام القادمه

وحبيبتي انا من السعوديه وان شاء الله يصبحو اولادنا صحبه في الدعوه الى الله شو رايك ههههههههههه

[ابتسامه رغم الالم]

والم البطن والانتفاخ من السحب كلنا بيصير هيك وان شاء الله يخف كثري شرب الماء والله يرزقك حبيبتي