اللي تبغى توزيعات وماتقدر على اسعار التاجرات... الحل عندي

[حلم الامومة]

الله يعطيك العافيه

[الفاتنة]

تسلمو حبابيبي على المرور وان شاء الله احاول اشوفلكم في الشرقية اماكن زي كدا اسعارها حلوة

[الفاتنة]

ماشاء الله حلوة معقول دي درزنها ب7 والله مرة حلوة

الله يقومك بالسلامة وتشوفها ولدك جنبك سليم ومعافى يارب

[رونق الصباح]

الله يقومك بالسلامة والله كلامك صحيح ميه ميه

[جوجو22]

انا من جده بس ابغى اعرف بالضبط ايش تقصدوو بالاستندات وايش ممكن القى في الخاسكيه مثلا لانو انا في السابع وقاعده اقضي للبيبي ولسى ماشريت دي الهدايا ابغى اشياء حلوه ومميزه كتير سئلتهم عن الخاسكيه قالو لي اشيائو بلديه ومو حلوه ايش رايكم
لبييييييز ردوو عليا

[MOOR BAZZAR]

المشاركة الأصلية كتبت بواسطة جوجو22

انا من جده بس ابغى اعرف بالضبط ايش تقصدوو بالاستندات وايش ممكن القى في الخاسكيه مثلا لانو انا في السابع وقاعده اقضي للبيبي ولسى ماشريت دي الهدايا ابغى اشياء حلوه ومميزه كتير سئلتهم عن الخاسكيه قالو لي اشيائو بلديه ومو حلوه ايش رايكم
لبييييييز ردوو عليا

الأستاندات ياعسل اللي يحطوا فيها التوزيعات زي التبسي وينحط على قاعده من الخشب

مصنوع

والخاسكيه صح رخيص وكلو بالدرزن وبالجمله بس الناس ازواق انا عن نفسي

ماافكر اخد من عندوا شي بضاعتوا راح تلاقيها في كل الاسواق

[الفاتنة]

المشاركة الأصلية كتبت بواسطة MOOR BAZZAR

الأستاندات ياعسل اللي يحطوا فيها التوزيعات زي التبسي وينحط على قاعده من الخشب

مصنوع

والخاسكيه صح رخيص وكلو بالدرزن وبالجمله بس الناس ازواق انا عن نفسي

ماافكر اخد من عندوا شي بضاعتوا راح تلاقيها في كل الاسواق

حرام عليك في اشياء رائعة وغير كدا مهي منتشرة في الاسواق

صح في اشياء مكررة بس بالمقابل في اشياء حتى ماقد شوفتها ابدا الا عندهم
والواحد يحكم على السوق كامل موعلى محل والا 2
انا بيت اهلي في ديك النواحي يعني في الشهر اروح 3 مرات تقريبا واعرف كل شي من الطفش اروح افرفر في الاسواق ههههه

[الفاتنة]

المشاركة الأصلية كتبت بواسطة جوجو22

انا من جده بس ابغى اعرف بالضبط ايش تقصدوو بالاستندات وايش ممكن القى في الخاسكيه مثلا لانو انا في السابع وقاعده اقضي للبيبي ولسى ماشريت دي الهدايا ابغى اشياء حلوه ومميزه كتير سئلتهم عن الخاسكيه قالو لي اشيائو بلديه ومو حلوه ايش رايكم
لبييييييز ردوو عليا

بالعكس حبيبتي في اشياء حلوة وفي اشياء عادية وفي اشياء اقل من عادية

بس والله مو كلو بلدي وترى اغلب اللي في المنتديات عندهم وفي اشياء احلى بكتير وانتي لو تعرفيني ماراح تشكي بدوقي نهائي ولله الحمد برأي الجميع

سواء الشموع او الميداليات او التحف العادية بس انا احس مالها داعي اللي تجي بس منظر زي التحف يعني الشموع والميداليات افضل وفي اشياء اخرى يستفيد منها الضيف اكتر من التحف ويسلمو على المرور
وروحي وماراح تندمي بادن الله وتقولي الفاتنة معاها حق بس ادخلي كل الاماكن ولاتحكمي على مكان واحد والا اتنين

[um3bdullah]

مشكوووووووووووورة حبيبتي

[MOOR BAZZAR]

كلامك صحيح100%

الخاسكيه ماخلى شي

بس كون إني اجيب بضاعه بتراب الفلوس من الخاسكيه وابيعها بالشي الفلاني دي اللي فعلا

إستغلال عيني عينك زي مايقولواوحتى اللي تجيب بضاعتها من برا وتبيعها اضعاف اضعاف

سعرها برضوا استغلال بحجه

انوا بضاعتها مستورده !!!

وتطلع قيمه البضاعه الضعف وقيمه شحنها من بلدها

انا بصراحه من قبل ابدأ تجارتي في توزيعات المواليد كانت نصيحه بابا ليا بخصوص تكاليف الشحن(طالما البضاعه بضاعتك وإنتي بتجيبيها من بلدها إنتي تتحملي تكاليفها) وحسيت فعلا كلاموا سليم الزبونه مهي مسؤوله عن تكاليف الشحن
وطالما إنتي بدأتي في دي التجاره مو معقول بدأتيها وماعندك رأس المال ..لكن اللي اشوفوا في المنتديات كل مين جات وقالت عندي توزيعات مواليد وتحطلك اسعارها وكل شروطها وكم تكاليف الشحن..يعني حسيتها طبعا مهي خسرانه شي بين يوم وليله فكرت تجيب توزيعات من برا وقالت يلا طالما كووولو على الزبونه يكفيني المكسب وبس...بس انا اشوف غير كده تماما بدأتي تجاره بضاعه لازم عندك راس مال تبدأي فيه مو يلا اشتغلال في استغلال ولاحظت الشي دا كتييييييييييير عند بنات عن جد مالهم في المجال دا بس سلكوا فيه لمجرد الربح وبس لكن نتيجه الشغل شكلا ومضمونا انا أعطيها صفر من الميه
ودا والله مو قطع ارزاق بس عن جد عندك مهاره في التزييين والتنسيق اوكي ماعندك مشكله لكن شفتي الناس هابه على دا المجال قولتي يلا معاهم الله يخلي الخاسكيه وطخي في الاسعار
واكسبي ايش ماكان الشغل..
معليش طولت عليكم بس عن جد انا معاكم لأني دايما افر النت واشوف توزيعات والله والله والله لو يقولولي ببلاش ماأخدها ..بس الناس ازواق