هنا تجمع (الولاده القيصريه )ساعدونا بخبرتكم

[قلب حبيبي ونبضه]

مرحبا اخواتي حبيباتي ،،، صباح الخير
ماجاني النوم من الكحه ودخلت الموضوع بكتب قصتي ..
(( بحملي الاول كان عندي نزول بالمشيمه وجاني نزيف اول الشهور ولما صرت بالسادس قالت لي الدكتوره انه ولادتي قيصري الصراحه ماهمني كان عندي هموم اكبر من كذا يعني ماهمني قيصري طبيعي كله عادي ومع علم الدكتوره بأن ولادتي قيصري قالت خلينا نجرب وساعدينا على ولاده طبيعيه وانا اوكى عادي نحاول طبعا ماجاني طلق ولاشي يعني بس شفت مويه نزلت مني رحت المستشفى طوني طلق صناعي لمده يومين اخر شي قلت لهم تعبت مقدر اتحمل صار يجيني دوخه اخذوني على العمليات وانا مبسوطه اني تخلصت من الم الطلق الصناعي وهو يدفون السرير كنت اعد المبات اللي بالسقف مرره رايقه ... دخلنا الغرفه وقلت مابغى بنج كامل ابغى ابره ظهر قالو اوكى جاء الدكتور عطاني الابره وراح حطو قدام وجهي ستاره وجاء ممرض عند راسي جلس يسولف على وانا كل شي عادي مو خايفه ولا حزينه لاني كنت احس اني مريت بحزن والم وخوف اكبر من هذا يعني حرام احزن على هديه من الله ... سمعت وقتها صرخه كلوووووووش والممرض يقول شبهك البيبي يانصاااااااااااب اي شبهي وهو متورم هههههههههههههههه اخذو البيبي على طاوله وجلست اشوف وش يسوون له اللي يفحصه واللي ينضفه واللي يشوف اذانه ومدري ايش اخر شي قلت بشوفه من قريب ..قربوه وشفته حسيت بدمعه حاره على خدي معقوله انا ام ههههههههه الله احلى شعور واحلى دمعه .. اخذو البيبي وانا شالوني لغرفه ثانيه عندي ممرضه كل شوي تلمس ارجولي وعندي زوجي وكلمت امي وابوي طلعوني غرفتي .. جتني الدكتوره الصباح قالت ليه منسدحه قومي امشي وتبي تفك الشاش اللي على العمليه واخاف على بالي غرز قالت شوفي مافي شي صادقه مافي شي اثر بسييط مره .. صرت امشي وبعد اربع ايام طلعت البيت ..
وتوته توته خلصت الحتوته

بنات الحين بعد ماطولت عليكم بالقصه بسالكم انا الحين حامل بالشهر السابع ابي اولد قيصري بس الدكتوره هاوشتني .. انا بسالكم انا حملت بعد سنتين يعني هل يضر الطلق الصناعي اذا اخذته بحملي بولادتي الثاني ...
ونسيت اقولكم اللي تولد قيصري مايصيررررر بتاتا البته تشيل شي ثقيل او تسحب شي او تدف شي ثقيل خطر على العمليه وخطر على ظهرها اذا هي ابره ظهر ولادتها

ودمتم بحفظ الرحمان..السموحه على الاطاله

[قلب حبيبي ونبضه]

ورجعت للموضوع مره ثانيه,,,,,,,,,,,قررت لي الدكتوره قيصري وانا ضاق صدري واول كنت ابي قيصري

[ملكة المشاعر]

انا ولدت قيصري قبل مااولد بي 3 ايام نزلت موية الراس مني وعلى طول رحت المستشفى كشفت الدكتور وقالت مفتوح الرحم 1ونص وقالتلي مستحيل تخرجي من المستشفى وجلست جاء تاني يوم وسوالي سونارعشان يشوفو وضع البيبي لقو رحمي مافيه مويه جاف بي المره قالت الدكتوره لازم طلق صناعي سارو يحطولي تحاميل طلق صناعي وكل مايحطولي يجي طلق ويروح جالست على هاد الحال لي تاني يوم وجات الدكتوره وسوتلي توسيع لي رحم بعدها النفتح 4 سانتي نزلوني على غرفة المخاض ومن الساعه 9الصباح الين 4 العصر وهما يحطو ابرت طلق صناعي انفتح ارحم 9 سانتي حاولت اولد طبيعي بس خف نبض البيبي وكمان البيبي ماتحمل الطلق الصناعي والتف الحبل السري على رقبتو وقال الدكتور لازم قيصريه وولدت قيصريه بس بي بنج كامل والله مرررررره تعبت بس الحمدالله على كل حال

وهادي قصتي واسفه على الاطاله

[ريم الجبلين]

انا ولادتي الاولى قيصريه بعد معاناه من الطلق الصناعي من الصباح الساعه السابعه إلى الساعه وحده بالليل بعدها ضعف نبض الجنين وانا خلاص احس بالموووت من الطلق ودخلت العمليات و الحمدلله صدق حسيت بتعب بعد العمليه لكن مو مثل آلالم الطلق الصناعي موووت بعدها بسنتين حملت وكان فبالي أولد طبيعي و أكثر من الدعاء أن الله يسهل ولادتي ... طوفت بالحمل وقالوا موي الجنين قليل مرره كنت اراجع عند مستوصف خاص قالت لازم تروحين للمستشفى وهم يقرروا قلت انا أخاف اولد طبيعي ينفتح الجرح الاول قالت انتي الحين لكي سنتين و9شهور جايبه ما ينفتح ........... بعدين جاني طلق طبيعي باليل كان خفيف يجي ويروح لما جت الساعه 8ونص الصباح رحت للمستشفى وسوت الدكتوره كشف قالت مفتوح 1سم بس بحولك لقسم التنويم قلت لا وقعت وطلعت وسبحان الله من رجعت للبيت جاني طلق وكان حامي و متواصل و اصرخ و ادعي الله يسهل علي يار رررب يارررب وهلي عندي و امي تبكي تقول روحي للمستشفى قلت لا بتحمل جا وقت المغرب خلاص ماعاد اتحمل ولا قدرت اتحرك جابوا اهلي عربه وشالوني رحت للمستشفى وودي قيصري برتاح خلاص تعذبت قالت الدكتوره بكشف لقت ارحم مفتوح 4سم قلت انا والده قيصري قبل قالت 3-4 ساعات وان شاءالله تولدي طبيعي بنحاول جت ممرضه سعوديه قالت حاولي متصرخين عشان ما يستعجلون عليكي بالعمليه يشهد الله اني تصبرت وكنت ادعي الله بكل لحظه تعبت حييييييل سبحان الله طلق متواصل و حاااار حاااار كأنه جمر فبطني جت الساعه 3الفجر الرحم مفتوح 10 سم وحاولت طبيعي و الطلق حاااار و متواصل بس الجنين مانزل وجاء طبيب استشاري قال خلاص بصلح عمليه واخذوني للعمليات و الله يابنات اقولهم بسرررررعه عطوني بنج احس بمووووت الطلق و أول ماحطو بخار البنج على وجهي استنشقه بسررررعه وقووه ودي اتبنج و ارتاح وفعلا ماحسيت إلا وهم يصحوني و الحمد لله كانت نفسيتي حلوووووه من صحيت من البنج وانا اقول الحمدلله واللي الله كاتبه لي هو الخير ان شاءالله وممكن بالولاده الطبيعيه شر علي و الله دفعه عني سبحانه هو مقدر كل شي وجبت بنوته صارلي الحين والده 20 يوم.........................

[القمر الحزين]

أنا لي تجربة بالعملية القيصرية وبالولادة الطبيعية أول حمل لي ولدت بعملية وبالثاني والثالث طبيعي وللأسف بالرابع عملية ولكن شفت انه الطبيعي أحلى من العملية وتحسي بالامومة وشعور وايد حلو صحيح تعب بس هذا هو الاحساس الحقيقي للولادة والامومة ولكن للأسف حملت بالخامس وصارلي أربع شهور وحابه أولد طبيعي بس كل ما أروح لدكتورة أو أكلمها بالتلفون تقول لي لازم عملية وهذا الي تاعب نفسيتي ومخوفني اذا في مجال أولد طبيعي مع أي دكتورة معروفة في الامارات وحد عارف شطارتها ممكن حد يطمني ويدلني عليها وجزاه الله ألف خير

[ريم الجبلين]

يا اختي ام العمليات وكلي امرك لله وان شاء الله تقومي بالسلامة ........بقولك كلام دكتوره مصريه شاطره مررره كنت اراجع عندها قبل مااولد كانت تقول لا تخافين من القيصري اصلا الآن صارت الولاده القيصريه هي الطبيعيه من كثر الاخطاء الطبيه في الولاده الطبيعيه ممكن تسبب خلع أو عاهه للجنين تستمرمعه وتسبب الآم نفسيه له بعدين أهم شي الخلقة السويه و تقومي بالسلامة و تقول بعد ان ولدت وحده بمصر 7 مرات كلها قيصري ولا فيها اي مضاعفات ........... لاتنسني اختي أم العمليات من دعائك

[ريم الجبلين]

حبيت أسأل وياليت اذا عندكم معلومات تفيدوني...........
كم عدد المرات اللي يكون فيها الحمل مافيه اي مشاكل على صحة الام اللي تولد قيصري انا سمعت انه إلى 8 إلى9مرات ممكن تولدي قيصري ماادري هالكلام صح اولا .....
وفيه ناس خوفوني قالوا بس5 مرات ..........تكفوووون جاوبوني
السؤال الثاني..
كم الفتره اللي اخذها بين كل حمل و الثاني أنا سألت الدكتوره قالت سنه وبعدها ممكن تحملي بس انا أخذت 2و9شهور وجبت بقيصري واثناء الحمل كنت احس بعمليتي الاولى ولا اقدر انام على جنب في الشهور الاخيره من الحمل لاني احس بالم مكان العمليه .........
ياليتي اللي عنده خبره ترد وهل حست بعمليات السابقة اثناء الحمل

[ام العمليات]

السلام عليكم ورحمة الله وبركاته
صباح الخير اختي ريم الجبلين كيف الحال ان شاء الله بخير

جزاك الله خير وسدد خطاك الى مايحبه ويرضاه

اختي افضل شي للحمل قيصري هو 5 مرات لان الرحم ماعاد يتحمل بس انا حظي الله كاتب لي الشقا وان شاء الله كل شي بأجره

ثانيا الفتره احسن شي 3 سنوات وبعدها تقدرين تحملين والله يوفقك ويرزقك بالاطفال الصالحين اللهم اميييييييييييييييييييييييييييييييييييييييييييييين

[koko_2008]

انا ولدت الولادة الاولى لى بعملية قيصرية وكانت متعبة جداااااااااااااااااااااااااااااااااااااااااااا
اتمنى انى عندما احمل مرة اخرى اولد طبيعى

[LOOLOO]

السلام عليكم ورحمتة الله وبركاته
خواتي الان انا بالشهر الخامس وهذا حملي الثاااني طبعا حملي الاول عمليه بسبب الرحم يقول الدكتور عندك ميلان في الرحم وسبحان الله مقسوم يقول انتي حالتك يجون عندي علشان يتعالجون يسير حمل حتى لو صار لازم مثبتات واللهم لك الحمد والشكر على النعمه يااارب فقرر يقول حالتك صعبه لازم عمليه والله انها تعب والله يهون علينا وعليكم ويجعله في موازين حسناتنا يااااااااارب