الا عامله طفل انابيب قريب تتفضل

[@لــــيــــدي@]

السلام عليكم ورحمة الله

بداية انا ماليا مواضيع ومشاركات كثيره في هذا المنتدا الرائع ,, لكن اول مافكرة انزل موضوعي ع طول جا ببالي منتداحوامل
فانشاء الله استفيد وتستفيدو من طرح الموضوع عن ( أطفال الانابيب ) .. ويارب يرزق كل وحده محرومه من الاطفال الذريه الصالحه يارب
نبدأ بسم الله ..
انا ليا مشواااار وقصه طويله مع اطفال الانابيب .. عملت محاولات كثيره 12 محاوله ومره ماتنجح ومره تنجح بس مايكمل الحمل ..
مع انه كل شي سليم التحاليل والاشعه بس الجنين مايكمل نموه ويوقف , ومابياس من رحمت ربي ارجع تاني اسويها لانها الطريقه الوحيده الا بيصير فيها حمل ..
وقبل ثلاثه شهور عملتها وصار حمل وفرحت كثير بس الفرحه ماكملت وطلع الحمل خارج الرحم
الدكتور قالي رحمك بيرفض اي جسم غريب يدخل فيه ويجلس يحارب دا الجسم الغريب لما يطلعه منه يااما (عن طريق المهبل او يرجعه للانبوب ( قناة فالوب ) ...
قوتله والحل ..؟

قال سويها تاني قريب عشان يكون الرحم لسه متهيأ بس ارتاحي كمان ثلاثه شهور وتعالي .. والخطوه الجديده الا بيسويها

من يوم ترجيع الاجنه بيعطيني ابر اسمها ( اينوهيب) دي تحافظ على الاجنه وتحميها من اضطرابات الرحم ومحاربته لها تعملها زي الحمايه والتغليف ..

والله سويت كل الا قالي عليه وانا دحين في اليوم الرابع من ترجيع الاجنه وبااخذ الابره دي كل يوم واسأل الله الكريم انه يكتبلي ويكتب لكل محرومه الذريه الصالحه يارب ..

المفروض موعد تحليل الحمل الخميس مو دا الخميس القادم باذن الله بس على اعصابي جالسه عارفه كل شي بايرادة ربي بس مو بيدي

على فكره الا خلاني اتشجع على الابر .. بنت عمتي ماحملت الا لما اخدت دي الابر كانت تاخدها كل يوم لشهر التاسع

امانه اي وحده لها نصايح والا خبره في دا الموضوع تقولها لنا لاتبخل علينا


اللهم يارافع السماء والارض بدون أعمدة أرفع جنيني ولاتسقطه