دردشة بنات فلسطين , دردشة حوامل فلسطين , تجمع بنات فلسطين

احساس أنثى · 05-28-2013, 09:07 PM

مساكم فل
اخي عزمنا ع البحر ع الكورنيش مين يجي يشرد من الحر
لانو احتمال تقطع ع ال10

فوفو يالله هانت
نور حسب بشرتك وتابعي الموضه ع النت شوفي القصات والتلوان يلي بتناسب الصيف

جارة القمر · 05-28-2013, 09:47 PM

احساس:
هلا ارجعت رحت تمشيت انا واولادي وشريت من الدكان ....... وتتهنو بمشواركم

نور العمر:

انت من بيت لحم صح؟

لولو الفلسطينية · 05-28-2013, 10:05 PM

مسا الخير يا بنات
دودو
سلامتك ام عمورة ديري بالك و اشربي مية على قد ما بتقدري لاتها الالتهابات ممكن لا سمح الله ادا كانت كتيرة بتضر البيبي
الله يقوملنا اياكي انتي و عمورة بالسلامة يااا رب
سلميلنا على مامتك
انجوي يا عسل
حلا
سلامتك الف سلامه
ارتاحي و حاولي تاكلي الأشياء الي بتشد البطن زي البطاطا و الاشياء الي فيها نشا و ان شاء الله يا رب بتتحسني
لولو و احساس
نعيما
باقي الصبايا كلكم كلكم يسعد مساكم

لولو الفلسطينية · 05-28-2013, 10:15 PM

يا الله يا بنات حتى انا كتير تعبانه و امبارح قضيتها بالمستشفى
الي من اول امبارح عندي وجع و نغزات في بطني و ضهري و كل شوية بحس كانو شي طلع و رجع من تحت يعني دفع زيااااااادة و رحت عالمستشفى و لما عملولي تخطيط طلع عندي طلق يعني في نص ساعة حوالي اربع طلقات و لما الدكتورة شافت الطلق عملتلي فحص داخلي و طلع عندي توسع سانتي واحد تقريبا و حكتلي لااااازم تضلي مرتاحة بس عالاقل لتعدي عشر ايام من التاسع لانه لسا بدري
و طبعا لسا الوجع عندي لحد هلأ و الله حتى لما ادخل عالحمام و انتو بكرامة بحس كاني بضغط على حالي عشان اولد يعني كتير بصير يضغط و يوجع من تحت حتى الدكتورة لما فحصتني حكتلي مبين انو ضاغط لتحت كتير كتير
الله بسترها ان شاء الله
الله يهونها عالجميع

فوفو89 · 05-29-2013, 07:51 AM

صبـــــــــــــــاح الخيـــــــــــــــر يا حلوين

كيـــــــف اصبحتو اليوم ؟

لولو
سلامتك يا عسل ما تشوفي شر
الله يكون بعونك ويهونها عليكي ويقومك بالسلامة

حلا الماس · 05-29-2013, 08:19 AM

صباح الخير

كل الصبايا تسلمولي وما تشوفوا شر يا رب .. الحمد لله حاسة حالي اهون اليوم
يعني اقل ما فيها خف المغص شوية

حبيبتي يا لولو
يلا هانت يا بنت كلها ايام ويتصيري ماما :) .. انتي حاولي ترتاحي وما تضغطي على بطنك كتيير .. خففي من الجماع لانو محرض للرحم وقصة انو عندك توسع عادي اصلا لازم تتوسعي بالتاسع حتى لو ما في اي طلق .. وان شاء الله بتقومي بالسلامة يا رب

فوفو
يسعد صباحو النشيط . كيفك اليوم ورزونة كيفها ؟؟ مبروك عليكي الشهر السادس عقبال نباركلك وانتي والدة بالسلامة والنونو بحضنك بالف عافية

الصبايا الحلوات بلا ما اذكر اسماء يسعدلي صباحكم يا رب .. يلا التموا طلع الصبح وبدا الدوام .. يلا بلا كسل :)

حواء مثالية · 05-29-2013, 08:40 AM

صباح الخير

حلا اصحيت على صوتك وانتي تنادي علينا سلامتك يا قمر الله يخفف عنك يا رب

لولو بالسلامة ان شاء الله

قربت كثير

جااااااااااارة حبيبتي انتي والله بعلم بمعزتك عندي

الحمدلله انه عجبك بيت الشعر وخلي ذكرى مني الك

ويارب يجي يوم نلتقي في كثير حابة اشوفك

فوفو89 · 05-29-2013, 09:36 AM

اهلا حلا
يسعد صباحك
منيح كتير انه خف المغص ،، سلامتك
انا الحمدلله منيحه ورزونه كمان منيحه وبتبوس ايديكي ،، تسلميلي
وانتي كيف البوبو ؟؟ الله يخليلك اياه ويخليلك اخوانه

حواء
يسعد صباحك
كيفك اليوم

بدي اسألكم
شو التجهيزات الخاصة بالبيبي ؟
انا بعرف بعض منهم وما بعرفهم كلهم ،،وكمان ما بعرف قديش العدد من كل قطعة ،،كل ما اتذكر شغلة بكتبها بالقائمة عشان اشتريهم
كمان محتارة صيفي ولا شتوي ،، لانه انا موعد ولادتي في 28-9
شو بتنصحوني يا اهل الخبرة ؟ :) ^__^

حلا الماس · 05-29-2013, 09:54 AM

فوفو
الله يسلمك ويبعد عنك يا رب ...
انا منيحة والبيبي بخير الحمد لله امبارح الدكتور لما فحصني حكالي انو الرأس نازل لتحت وان شاء الله بيضل هيك وما بيرجع يلف هالازعر

برجع بحكيلك عن الاواعي لوقت تاني لأنو هلأ ولادي صحيوا والايباد بدو شحن :)

سلام ... سي يو

احساس أنثى · 05-29-2013, 10:43 AM

يسعد صباحكم صبايا
سلامتكم ياحلوين

لولو يالله هانت هوني ع حالي ربي يقومك بالسلامه

فوفو انا ولدت زوزو بشهر 9 البيبي مهما كان مابيلبس نص حرام
بسى مولود جديد يعني بدو كم ربيعي لشهر 11 ببدا الشتوي
انا بحب التبانات للبيبي احسن من البياجامات لسى صغير عليهم
والداخلي اكتر شي انا جبتو والكوافيل كمان

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات فلسطين, دردشة حوامل فلسطين, تجمع بنات فلسطين	سماسم	إستفسارات حوامل من الشهر السابع إلى الشهر التاسع	22928	03-27-2013 08:07 PM
السياحة في فلسطين قمة من الجمال 2012 , صور من مدينة نابلس في فلسطين الرائعة 2013	خليجية وافتخر	المـنـتـدى الـعـام	0	06-10-2012 07:46 PM
فلسطين الحبيبة نابلس المتميزة 2013 - صور سياحية من فلسطين 2012 - السياحة فى فلسطين 20	خليجية وافتخر	المـنـتـدى الـعـام	0	06-04-2012 06:17 PM
فلسطين الجميلة 2013 - صور فلسطين الحبيبة 2012 - معالم سياحية فى فلسطين الحبيبة 2013	خليجية وافتخر	المـنـتـدى الـعـام	0	06-01-2012 09:00 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM