تجمع حــوامل التوائم

[ام الحلوين""]

المشاركة الأصلية كتبت بواسطة قلائد العز

تصدقون يابنات قعدت اهوجس ذاك اليوم بالحمل وتعبه وتذكرت قول الله في كتابه الحكيم

( حملته أمه وهناً على وهن )

فسر العلماء هذه الآيه على أن الوهن جاء نكره بكل الكلمتين ولم يعرف بأل وهذا دلاله على أمر
عجيب أن الوهن متجدد ومتغير على الأم الحامل يعني كل يوم عندها شي جديد من التعب
مره تقول حرقان ومره غثيان ومره ثقل يالله الشكوى لك ومره إمساك أعزكم الله
ومره ومره ومره وأنتم خابرين اظنكم بديتوا تعدون معي .....
يالله ياربي ترحم والدي كما ربياني صغيرا وتجزى أميمتي الجنه وتشفيها وتعافيها
كلنا نعاني وكلنا نعدددددددد أهم شي نعد الأيام واللي حاطه جدول واللي مسويه لها تقويم خاص
تشطب كل يوم .... واللي مصلحه لها سلم بالأسابيع وهات ياعد ..... ما أطولك يالللللليل

ويوم ضاقت بي الوسيعه ذاك اليوم اللي أنا قلت بالأول أني أهوجس فيه ... جا على بالي دعاء السفر وبدل ماأقوله نفسه
قلت يالله ياربي تهون علي شهور حملي وتطوي عني بعدهن
والله ييسر لنا ولكن يالحبيبات وربي يهون على الجميع شهور الحمل ويطوي عنا وعنكن بعدهن
ويفرح نظرتنا بسلامتنا وسلامة أجنتنا ويعيذهم بكلماته التامات من شر ما خلق من الجن والأنس ويجعلهم عز للإسلام والمسلمين ويقر عيوننا بصلاح دينهم وأخلاقهم وخلقتهم
( ولا يفتنا بهم )
اللهم آآآآآآآآآآمين

والصلاة والسلام على خير المرسلين

عذراً على التفكير بصوت عالٍ

هلا قلائد العز

يازينك انتي وتفكيرك كلامك فعلاً هذا الي افكرفية ويوم قلتي كل وحده حاطة لها

تقويم خاص وتشطب كنك تتكلمين عني الله يجزاك خير ويطوي الايام علي خير

ويقومنا بسلامة يارب

[لغة الحب]

اهلين بنااات اخباركم ياحلوين

[قلائد العز]

هلا أم الحلوين
اللهم آآآآآآآمين


وبعد مافكرت وفكرت وضاق صدري من حسبة هالأيام اللي كلن يجيب فيها راي وراي

قال أيش أررررررررربعين أسبوع ياعلها اربعين عود بعين العدو

ويالله تتم حملنا على خير وسلامه بدون ما نحزر بهالاسابيع

ترى صدق حسبات هالأسابيع ياملغها خاصة إذا فرحتي إنك دخلتي شهر وجاك أحد يقولك

لا ترى ماعندك سالفه تووووووك ماحسبتي صح هذا الأسبوع تبع ذاك الشهر

أقوووووول

بس أنا قررت أحسب حسبة جدتي على هلال الشهر ...

ويوم جا رمضان شهر الخير والبركه والإحسان والطاعه أهم شي

قلت أيه ورى ما أحسب باقي الشهور بختمات القرآن منها طاعه وعباده وخير وبركه علي بإذن الله

يعني كل ختمه قضى شهرعلى أساس كل يوم جزء ...

تتوقعون تعب وجهد ؟؟؟ لا والله إلا إحتساب وقرب من الله بالطاعه

اجل ما مداني قاريه روايه اكثر من ثلاثمية صفحه بخمس أيام ياما حطيت الكتاب على كرشتي

ياما على طرف الكرسي أو ركبتي !!!! مشتهيه ومرابطه ماشاء الله علي بس على غير منفعه

الله يوفقنا وإياكن لطاعته ورضاه و يسددنا للخير حيث كان ويجعلنا مفاتيح للخير مغاليق للشر

وإياكن يالغاليات

اللهم آآآآمين

وصلى الله على خير المرسلين

مازلت أهوجس وأفكر

ا

[محجبه]

المشاركة الأصلية كتبت بواسطة قلائد العز

تصدقون يابنات قعدت اهوجس ذاك اليوم بالحمل وتعبه وتذكرت قول الله في كتابه الحكيم

( حملته أمه وهناً على وهن )

فسر العلماء هذه الآيه على أن الوهن جاء نكره بكل الكلمتين ولم يعرف بأل وهذا دلاله على أمر
عجيب أن الوهن متجدد ومتغير على الأم الحامل يعني كل يوم عندها شي جديد من التعب
مره تقول حرقان ومره غثيان ومره ثقل يالله الشكوى لك ومره إمساك أعزكم الله
ومره ومره ومره وأنتم خابرين اظنكم بديتوا تعدون معي .....
يالله ياربي ترحم والدي كما ربياني صغيرا وتجزى أميمتي الجنه وتشفيها وتعافيها
كلنا نعاني وكلنا نعدددددددد أهم شي نعد الأيام واللي حاطه جدول واللي مسويه لها تقويم خاص
تشطب كل يوم .... واللي مصلحه لها سلم بالأسابيع وهات ياعد ..... ما أطولك يالللللليل

ويوم ضاقت بي الوسيعه ذاك اليوم اللي أنا قلت بالأول أني أهوجس فيه ... جا على بالي دعاء السفر وبدل ماأقوله نفسه
قلت يالله ياربي تهون علي شهور حملي وتطوي عني بعدهن
والله ييسر لنا ولكن يالحبيبات وربي يهون على الجميع شهور الحمل ويطوي عنا وعنكن بعدهن
ويفرح نظرتنا بسلامتنا وسلامة أجنتنا ويعيذهم بكلماته التامات من شر ما خلق من الجن والأنس ويجعلهم عز للإسلام والمسلمين ويقر عيوننا بصلاح دينهم وأخلاقهم وخلقتهم
( ولا يفتنا بهم )
اللهم آآآآآآآآآآمين

والصلاة والسلام على خير المرسلين

عذراً على التفكير بصوت عالٍ

قلائد العزززز صراااحه انك وحشتيني المنتدى يصير بعض الاحيان مافيه الا انا بعدين اتوووووحش اقول مابقى الا محجبه
تدور هي وكرشته
اولا تراااي موب شروفه باي شهر انتي وحطي توقيع؟
ثانيا والله انك كلماتك مثل الماء البارد ولها الاثر لاتحرمينا من كلماتك الرئعه وتعرفين قلوبنا الحين رهيفه وحساسه ووالله اني لاحس بثقل الساعات والشيطان لاعب دوره افكر وافكر لانه بطني احس انه بينفجر يالله لك الحمد والله مانحس الا بانفسننا وياما ناس يعانون
من الامراااض وماحسيت فيهم الا يوم ضعفنا واصابنا التعب والعجز
شكرا لكي من اعمااااااقي

[قلائد العز]

هلا هلا محجبه عساك ماتفقدين غالي
وأنتم وااااااحشيني دايماً ياعمري

ولعيونك هذا توقيعي شوفيه بسرعه لأني مخبيته

مدري ليه يمكن حاله نفسيه مصاحبه لأعراض الحمل !!

أو صدمه تعرضت لها جعلتني أضع دائماً عدم إظهار التوقيع !!

أو خوف من الحسد والعين على جمال هالكوريات يالله حسن الخلق وهون الطلق !!




يالله تعافيني وتشفيني وتحسب لي الأجر

[نواعم النعومه]

يجنن توقيعك ياقلائد العز يالبى قلوبهم يانااااااااااس

[نورة نايف]

تصبحووون على خير

[البرنسيسة..؟]

تصبحــــون علــى خــير

[زود الغلا]

صباح الخير عليكم
مبارك عليكم الشهر
وعساكم تصومونة كل سنة وتعودونة

[ام البنين]

000زود0000000صباااحك ورد
مبااارك علينا وعليكم والمسلمييين اجمعين
كيفك مع الحمل والتعب ؟