تجمع حوامل ليبيا

[ام روفيدة]

السلام عليكم كيف حالكم اليوم كلكم وسامحوني مازلت انعاني من اكتئاب الولادة كنت انخش نقرا اخباركم ونطلع وما عنديش نية نكتب وشكرا لكل من سأل عليا وبما ان عيون تشجعت وكتبت قصتها مع الولادة حتى اني بادن الله بنكتب قصة ولادتي ان شاء الله

[ام روفيدة]

حنين كيف حالك ومعليشي فترة وتفوت تو ترتاحي من الترجيع ان شاء الله ونصيحة استمتعي بكل يوم في الحمل والله العظيم وارقدي امتى ما تبي واطلعي انتي وراجلك براحتك لأن هدا كله بيبدا صعب مع البيبي والله مرات حتى الماكلة ما تلقيش وقت تاكلي وبالدات التوامة اكيدة اصعب من واحد ربي يثبتهم لك وتنوضي بالسلامة ليك وليهم اللهم امين

[حنين88]

اهو مصبرة روحي يام روفيدة الصبر وخلاص والف لاباس عليك قداش ليك جايبة وياريتك تحكينا قصتك حتى انتي خلي نستفيدو

[ღॐ آية ღॐ]

ام ردينه والله ليك وحشة
والله ما نحسابك كنتي حامل في شهرك
الحمد لله على سلامتك وسلامة البيبي

[ام روفيدة]

اني يا حنين ليا 3 شهور ونصف جايبة ومازلت انعاني من اكتئاب الولادة وبإدن الله يوم الاحد نكتب قصة ولادتي

[ام روفيدة]

الحمد لله على سلامتك يا ام ردينة وبارك الله لك في الموهوب لك وشكرت الواهب وبلغ اشده ورزقت بره اللهم امين واسمه حلو على الاخر حتى اني كان خاطري انسمي عباده لكن راجلي قال نبي انسمي حازم

[ليبياقلبي]

سورينام قصتك ضحكتني وفي هدكا الوقت تبدي زي المهبولة وهيا نستنوا في قصة فراس
ام ردينة الف الحمد لله علا السلامة وحلو اسم عبادة قبل اختي بتسميه مشا جابت توام ضوض ولاد سميت مبشر ومقبل محلاهم ياحنو كان جوك ضوض ولاد سميهم هكي وبالنسبة ليا في الصيف ديما نمشي لمصر وعندي اقارب في شهاب تعرفي واحد اسمه احمد الدروقي يشتغل في السفارة وانت شغل ولا قراية ويارب نجيونطلعوا معا بعض
نسرينا يارب الشهر الجاي حامل\
تيمو ووووووووووينك اكتبي قصتك
ام روفيدة ربي يبعد عليك الاكتئاب
انا اليوم مشيت لطربلس انا واختي وراجلي مع دلك روحت النفسية صفر بكل رحت حساسة من ابسط الشي ومضايقة روحت بخرت الحوش وتوا سهرانة معاكم
لولي انت جايبة ولد ولا بنت وفي انتضار قصتك

[أم سعد]

السلام عليكم

صباح الخير

[نسرينا]

وعليكم السلام

صباح النور ام سعد .

مشكورة كل من حكت قصته ... والله العظيم شيء يرعش ، ربي يجازيكم على تحملكم ويجعلن اولادكم صالحين بارين بيكم ...

وربي يطعمنا اجمعيييييييييييييييين ويسهل عللي مازالو ...

اللهم امين

.

[أم سعد]

اللهم آآآآآآآآآمين