دردشة بنات فلسطين , دردشة حوامل فلسطين , تجمع بنات فلسطين

حلا الماس · 06-01-2013, 08:29 AM

صباح الخير صبايا

السؤال القوي : ويييييييييييييييييييينكم ؟؟!!؟؟!!؟؟!!؟؟!!؟؟!!

شايفة اختفاء شبه تام لبنات الدردشة ... ! يعني بحكي وصدى صوتي بيجاوب

يسعدلي إياكم يا رب

أنتوا كتار وبخاف اذكر أسماء أنسا بعضكم لهيك يا رب تكونوا بخير جميعا :)

بيبو يسعد صباحك يا عسل .. انتي هون ولا تؤ ؟؟

مين هون

حلا الماس · 06-01-2013, 08:41 AM

بنات شوفوا توقيعي ما احلاه صرت بالتامن .. عقبالكم يا رب ونقوم كلنا بالسلامة

ربي يرزق كل مشتهية عن قريب يا رب

فوفو89 · 06-01-2013, 10:07 AM

صباحوووووووو صبايا

كيفكم اليوم

عنجد نشاطكم متراجع كثيير

جارة
يسعد صباحك
سما نابلس بيحكو كثير حلو ،،بس انا ولا مرة رحت عليه ،، لانه بنحب نروح ع رفيديا نوكل هناك ونقزدر ونتمشى
كثير في مطاعم اكلها طيبة في رفيديا

انبثاقة
اهلا فيكي
كيفك وشو خبارك
انا ما بآمن بهالشغلات ،، بس الوحد بيتوسوس ،، بس الحمدلله طلعت مش منزلة ،، طلع عندها تسمم حمل وكان في خطر ع حياتها ،،وعملولها عملية قيصرية وبنتها هس بالحضانة ،، يا حرام وزنها كيلو عشانها بالشهر السابع
الله يرزقك الذرية الصالحة انبثاقة

حلا
يسعد صباحك
كيفك اليوم
عنجد البنات مختفيات
مبروك دخولك الثامن وعقبال ما تقومي بالسلامة يا رب

بيبو
يسعد صباحك
كيف اصبحتي

حلا الماس · 06-01-2013, 10:25 AM

حبيبتي يا فوفو
الله يسعد صباحك يا رب كيفك اليوم والحمل كيف ماشي معك بهالشوب ؟!!

الله يبارك فيكي عقبال نقوم كلنا بالسلامة يا رب :)

الغائبات كتار من هلأ ... كيف برمضان !!

ام عبدالله لولو · 06-01-2013, 10:35 AM

صباح الخير ياصبايا
شو اخباركم يا صبايا مالككم كسلانات اشتقتلكم كثير

beboo · 06-01-2013, 10:51 AM

باك

حلا

مبرووك دخولك بالثامن ياعسل عقبال قومتك بالسلامة

فوفو

يسعد صباحك حبيبتي

ام عبدالله

اه والله في كسل مو طبيعي يمكن لانهم بإجازة هلا وكمان مع الشووووووووب الكتير اليوم درجة الحرارة 31

فوفو89 · 06-01-2013, 11:03 AM

حلا
الحمدلله انا منيحة كتير والحمل منيح الحمدلله
بس الشووووووووووب اشي مش طبيعي
حطيت جنبي قنينة مي مثلجة والمروحة ع اعلى سرعة وبوكل بوزة
انتي كيفك ةكيف الحمل معك والشوب

هلا ام عبدالله
كفك وكيف البيبي

انا بدي اعمل ملوخية للغدا وانتو؟؟

حلا الماس · 06-01-2013, 11:12 AM

حبيباتي يا صبايا

بيبو
نورتي حبيبتي
الشوب اشي مش طبيعي انسي الوضع دمار ... لازم انضل تحت الدوش عشان نكون مناح
انا تمام والحمل ماشي يلا هانت باقي شهرين بس وبرتاح .. بس والله حاسة الوحام رجع من جديد
طمنيني عنك انتي وبيبو كيفو

فوفو
الله يسعد هالطلة
لا تشكيلي ببكيلك :( ... حالتي من حالتك الشوب مش طبيعي .. مش قادرة اشتغل ولا شغلة بس بدي أضل متمددة عالتخت والمروحة شغالة
صحتيين عالملوخية انا مبارح عملتها .. اليوم بدي اعمل معكرونة أن شاء الله

ام عبد الله
صباحو الحلو .. كيفك يا قمر شو أخبارك ؟ وعبود كيفو هاليوميين ؟؟
شايفة كيف صايرة الدردشة نايمة !!

~{{ DoDo }}~ · 06-01-2013, 11:39 AM

مرحبا صبايااااا كيفكم
اشتقتلكم كتير كتير كتير
منوريييين حلا وفوفو وام عبد الله وبيبو
وكل الصبايا ان شاء الله تكونوا بخير

انا لسا صاااامدة
جهزت حالي لكل شي بس باقي اولد
وبدي اشد حيلي بالمشي وبلشت اكل تمر ههههه الله يستر
دعوااااتكم وربي يهونها عليكم كلكم

حلا حبيبتي مبروك دخول التامن هاانت
ام عبدالله منورة اشتقتلك
فوفو يعطيكي العافية يارب وبالسلامة يا قمر
بيبو كيفك بوسيلي بيبو الحلو

عاملين كوسة باللبن اليوم تفضلوا ؛)

حلا الماس · 06-01-2013, 11:58 AM

دودو
حبيبتي ابوس روحك على هالطلة الحلوة
والله أني اشتقتلك كتييييير يا بنت .. شو أخبارك طمنيني عنك ؟؟ وأمك كيفها ؟؟ سلامي إلها

الله يبارك فيكي .. يلا هانت حاسة حملي عدا بسرعة والأيام بتجري جري والأيام صارت معدودة خلص لازم أبدا التجهيز لأنو بدا الجد
صحتيين عالكوسا كتير طيب الأسبوع الماضي عملتو انا ... اليوم معكرونة أن شاء الله
ضلي ادخلي طمنينا عنك ... وإزا عندك حساب عالفيس بوك أبعتيلي الرابط عالخاص عشان أضيفك وأضل اطمن عليكي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات فلسطين, دردشة حوامل فلسطين, تجمع بنات فلسطين	سماسم	إستفسارات حوامل من الشهر السابع إلى الشهر التاسع	22928	03-27-2013 08:07 PM
السياحة في فلسطين قمة من الجمال 2012 , صور من مدينة نابلس في فلسطين الرائعة 2013	خليجية وافتخر	المـنـتـدى الـعـام	0	06-10-2012 07:46 PM
فلسطين الحبيبة نابلس المتميزة 2013 - صور سياحية من فلسطين 2012 - السياحة فى فلسطين 20	خليجية وافتخر	المـنـتـدى الـعـام	0	06-04-2012 06:17 PM
فلسطين الجميلة 2013 - صور فلسطين الحبيبة 2012 - معالم سياحية فى فلسطين الحبيبة 2013	خليجية وافتخر	المـنـتـدى الـعـام	0	06-01-2012 09:00 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM