دردشة بنات العراق, دردشة حوامل العراق , تجمع بنات العراق

[فوفو العراقية]

الله يسلمكم بنات
مشكورات حبيباتي
اني السكر في بداية ارتفاعه
واني من اليوم بديت بحمية غذائية
بس المشكلة دا اجوع هواي
وكل شوية احتاج اكل احس وكأني ماكلت شي
بس كلما اجوع اكل سلطة خيار وطماطة وفجل وجبن شوية
بس حايرة شلون ابطل الركي وااااااااااااااااااااااااع محبطة.

حبيبتي ام ايهومي بس احصل فرصة راح استفسرلج تدللين.

[أم أيهومي]

هلوو نورا حبي اني بخير حياتوو وتسلمين حبي هاي عيونج حلوة وليموني النهار كله يضحك بشوش على امه ههههههههههههه

حبي لتخافين من الطريق بس اكعدي كعده مريحه وتبريد ماكو شي ان شاء الله اني بالثامن ورجعت من سليمانيه لبغداد
والحمد لله مصار اي شي ولا حسيت بالطريق بس خلي السائق ينتبه من المطبات والطسات وبالسلامه توصلين حبي

[أم أيهومي]

تسلمين حبي فوفو واني بالانتظار

حسب علمي الركي فوفو ميأثر عالسكر لانه عباره عن مي بالعكس ينزل السكر لانه مدرر

[توتايه]

لا نجوله بالعكس بابا اذا ياكل قطعه ركي وحده كبل يعلك للقمه

ولج فوفو الوحام وراح شتسوين بالركي ميخالف وباعي كل شوويه اكليلج عسى لو بسكت دايت مال سكر ميأثر والفجل يصعد السكر هم للعلم والاطلاع وشلون الوكيح الدفرات مشتغله مو؟

[**نورا**]

الله يسلمج حبي ام ليموني البشوش ههههههههههههههههههه
فوفو حبي اكلي من الكشر الداخلي للركي هم طيب وهم نسبة الحلا بي اقل وانشالله من تحللين مره لاخ يطلع السكر طبيعي ومتحتاجين حميه خاصه ومن هالشغلات

[**نورا**]

تصبحون عله خير بنات واحلام سعيده وديرو بالكم عله نفسكم وجهالكم والبوبوات مالتكم هم

[صعب تنساني]

سلاموووووووووووووا احد موجود؟؟؟؟؟؟؟؟؟

[أم أيهومي]

وانتي من اهل الخير نورا حبي

والله توتايه اني اشوف جيرانه بيه سكر والنهار كله ياكل ركي


اهلين صعوووووووووووبه

[فوفو العراقية]

صباح الخير
فديت القلوب الحنونه
ام ايهومي
وتوتاية
ونورا
مشكورات ياقوليباتي عالنصايح
اني صديقتي اللي البارحه جنت طالعه وياهة هاي خبرة امراض سكر ههههههههههه
لان والدتهة الله يرحمها جان عدهة سكر لسنوات طويلة وهية دخلت مدرسة تمريض لمرضى السكر
وتنطي ابر وتعرف شنو ينزل السكر وشنو يرفعه
وهية نصحتني انه الفراكه تصعده وخصوصا العنب لو عنباية وحده
والركي مياثر قلته بس هم اخاف منه
والفجل كالت ينزل السكر والوزن بعد
والخظار والبرغل والسلطة تنزلة وتثبته هم
واني هيج اعتمدت
اني سالت الاخصائية مال الحمل وكالت التمن مسموح مع انه معروف يرفع السكر
وكالت لازم خبز اسمررر
وحليب خالي الدسم
لان السكريات والدهون ترفع السكر
والله حيرة
مزعج كلش السكر وخصوصا اني في اول طلوعه...
مشكورات حبيباتي ماقصرتو ربي يجزيكم كل خير...

[عسل بغداد]

صباح الخير بنات شلونكم اخباركم
زنوبه مبروك تأكدتي من الجنس

فوفو عندج العافيه انشالله
نورا حبي سفره سعيده مقدما تروحين وترجعين بالسلامه
توتايه وام ايهومي وفروحه شلونكم حباب اخباركم

مي وهبه صارلهم كم يوم ماكو منو تعرف اخبارهم