دردشة بنات فلسطين , دردشة حوامل فلسطين , تجمع بنات فلسطين

[احساس أنثى]

فوفو
يالله بتهون هيا البكريه الا ماتتأخر غالبا هيك انا اخدت اسيوع زياده في زوزو
وكنتاخر شهري برمضان وماامشي مااقدر خلص بعد الفطور افرش هههههههه
يعني لما يجي الطلق بيجي بس ادعي انو ماتتأخري كتير ويعطوكي طلق صناعي بقولو متعب

حماتي بدها البنت / بس الغالب متوقعلي ولد :)
يلي من الله كويس بس يحي بتمام الصحه يارب

ام مروان وين انتي بتغيبي وبتطلي زي القمر

انبثاقه والله الحليب مفيد لا تشربيه غمسيه مع بسكوت قرشله كلي رز بحليب عشان تاخدي الفايده

شويه حتقطع الكهربا واااااااع

[حواء مثالية]

سلالالالالالالام عليكم

كيفكم يا بناااااااااااااااات الكم وحشة

[جارة القمر]

مساء الخيرات والليرات

[لولو حمادة]

مسا ء الخير

كيفكم صبايا؟
اشتقتلكم كثير

[جارة القمر]

هلا
لولو ونحن اشتئنالك وين هالغيبة.........؟


حواء:

مبروك ما عملتو تعي خبريني بالتفصيل

[غُمُوض أُنثَى]

صبآحكُم ورد وفل ويآسمين يآ صَبآيــآ ،،

توقعّت افوت الآقي كلكم والدآت خصوصآ لولو ودودو وانتم لسآ صآمدين ههههههه ^^
الله يقومكو بالسلآمة يـــــــــآ’رب :)


سلآمآت للكل بدون استئنآآآآء أكيد ،، شو آخر اخبآركم يآ صبآيآ توحشتكم برشآآآآ

احسآس كيف وحآمك ؟! انا وحآمي خفيف جدآ حآسآه يعني ما بستفرغ بس احيآنآ معدتي بتقلب وببطل بدي اكل شي
واحيآنآ بدوخ فجآة وانا وآقفة بس غير هيك ولآشي حآسة وحامي في الحمل الاولاني كان اقوى يعني كنت اقرف من روآئح معينة بس هادا الحمل مش حاسة بالمرة بالوحام عادي هالشي ؟! ان شاء الله يضل هيك يآرب

انا بآقيلي اسبوع وبخلص الشهر التاني ان شاء الله


يا بنات سلفتي اتجوزت قبل شهر بالزبط واليوم بشرتنا انها حآمل يعني انا وياها مع بعض بس انا سابقة بشهر
بحكي اهل غزة ما بضيعوا وقت ما شاء الله عطول من اول شهر بيحملوآ ههههههههه طيب اين حقوق العريس !!!
الله يقومنا بالسلامة يارب


شو اخبآر حيفآ يآ بنات كأنها مش مبينة ؟!!!!


بدي أسألكم يا صبآيآ عيد ميلاد زوجي بكرآ ان شاء الله وانا عملت اصناف حلوة بس ضايل المالحة وماتحكولي معجنات لانه مافيا حيل صراحة

الحلويات عملت : ليالي لبنان ، كيكة قدرة قادر ، كيكة بالكريمة والكرز ، كرت الشوكلاتة ، كرات الرافييلو
طبعا عملتهم ع مراحل يعني كل يوم كنت اعمل شغلة واحط بالتلاجة

الموالح حابة اعمل : مثلثات التوست زي المقبلات يعني بتكون ، كانيلوني بالجبنة والسبانخ ، تبولة ، سبرينج رول
هدول حسيتهم اسهل اشي بنعملو عطول اما المعجنات بدها غلبة

شو في اقتراحات او اضافات بليز احكولي :( وبيكفوآ هدول والا لأ ، لاني عازمة تقريبا 5 اشخاص

ويسعد صبآحكم :)

[فوفو89]

يسعد صباحكم جميعا

كيف اصبحتوو


غموض
هلا بيكي
وكل عام وزوجك بخير ويخليكم لبعض ،،
بتقدري تعملي كبة ،،اذا غلبة عليكي بتقدري تشتريها جاهزة وانتي عليكي تقليها بالبيت
او اعملي سمبوسك ،، او معكرونة بالبشاميل ،، او معجنات بعجينة العشر دقايق سهلة وسريعة ما بدها وقت ،،
مع اني شايفة انك عاملة شغلات كتير بالنسبة لعدد الاشخاص ..

والله يهنيكم يارب

باقي الصبايا والكروشات يسعد صباحكم

[beboo]

صباح الفل ياصبايا

كيفكم وشو اخباركم

وكيف صبحتو وشو طابخين هههههه كل الاسئلة مرة وحدة

[حلا الماس]

صباح الخير يا حلوين

غموض
هلا حبيبتي منورة .. كيفك ؟؟ فرحتلك انو وحامك خفيف بس ما تحكي كتير بلاش تحسدي حالك :)
عيد سعيد لجوزك ... فوفو يعطيها العافية ما قصرت بالأفكار

حواء
ام عزو الحلوة اشتقنالك يا حلوة ... شو الأخبار طمنيني عنك؟؟

جارة وإحساس
منورات الدردشة

فوفو يسعد هالصباح يا رب ... كيفك اليوم ؟؟
طمنيني أيدك خف وجعها ولا اسعان موجوعة ؟؟

انا اااااااخ يا سناني :( مبارح رجعت من عند الدكتور راسي بيوجعني مع انو ما حفرت طواحين بس لما شال التكلس الي عندي انزعجت كتييير ولسة ما كملت باقيلي كمان جلسة بكرة ...

وين البنات .... مين هون ؟؟

[حلا الماس]

بيبو
هلا حبيبتي يسعد هالصباح يا رب
انا منيحة ومشتاقة ... انتي الي وين الك كم يوم غاطسة ؟؟؟

بالنسبة للطبيخ اليوم سمك أن شاء الله :)