دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[دلوعة سمسم]

ثلجة ياحلوة خلاص اخليكي تولدي قبلي عشان ولدك يصير اكبر من بنتي عشان تصير صغنونة ومدلعة...الحمد للة في تحسن كثير في النسبة بس اهم شي استمري على الحبوب والاكل الصحي ومين اللي قالتلك سوي اشعة على الحوض الدكتورة بسمة؟ وترى الكشف من تحت يخليكي تولدي اختي لما طفشت وكان نفسها تولد خلت الدكتورة تكشف عليها واليوم الثاني ولدت تعرفي انا كل ماأروح عند الكتورة بسمة مراجعة تقولي خليني اكشف بس انا ماأدري لية متخوفة اقولها لا..وبالنسبة للوزن ياقلبي لاتخافي انا سويت ثالث يوم في التاسع سونار وكان ثلاثة كيلو وهما يقولوا الجنين في التاسع كل اسبوع يزيد 225غم وتري على فكرة كل ماكان الجنين كبير احسن يساعد امة وقت الطلق يدف نفسة انا ولدي لما جبتة كان ثلاثة كيلو ونص وكانت ولادتي وللة الحمد ميسرة

[ثلجه فوشيه]

لا مو بسمه وحده ثانيه أراجع عندها أنا قلت بس وقت الولاده اروح لبسمه
ودي الدكتوره أنا سالتها عن اشعه الحوض وطلبتها منها ابغى اتطمن بس انو حجم
الحوض عندي كوويس ...
بالنسبه للكشف من تحت والله أنا خايفه منو بس مدام يخليني اولد بسويه واتوكل على الله

[أ ح ــتواني وأح ــتويته]

هاااااااااااااااااي

يسعدمساااااااااكم

كيفكم ياعسولات؟؟

[أ ح ــتواني وأح ــتويته]

وينكم ليش يوم اجي مافي وحده منكم معي,,,,,,<<<<تهي تهي تهي

[MALAK2010]

[صهيل انثى]

السلام عليكم
كيفكم كروشات ان شاء الله تكون بخيرات ؟

[كروزه]

مسااااااااااااااااااااء الخير

كيفكم

ام الغالين وثلجه فوشيه اخباركم انا الحمد الله تمام وحماده كمان

صهيل نور التجمع مره بستفيدي من البنات هنا وبتحسي ان في احد يشاركك

[نلي خانم]

بنات هذي وصفه لقيتها في النت ونسختها لكم كما هي أنا ماأعرف أحد جربها قلت لكم أنا لقيتها بالنت....


ياجماعه انا مجربه هذه الوصفه وعائلتي مجربتها كلنا نمدح فيها ومجربين فرق الولاده باستخدامها ومن غيرها...

عمل هذه الوصفه:
تفتح الرحم شويه شويه في مدة اسبوعين وانت ماتشعرى بحاجه
(ولله سلفتي راحت تراجع عند الدكتوره إلا الدكتوره استغربت قالت لها:الرحم عندك مفتوح اربعه سم انتى منتي حاسه بشي؟؟
وانا رحت للدكتوره وكنت بكر يعني حامل باول طفل ليا جاتني اوجاع زي الآم الدوره الشهريه ورحت وكنت امزح مع زوجي اقوله أتخيل تكون ولاده؟؟لأن الالام كانت مش جامده كثير
إلا الدكتوره تقولي الرحم مفتوح عندك سبعه سم؟؟)

الوصفه وطريقة عملها:

الوصفه عباره عن:
كمون + ينسون + نينخه + شمر + حلبه + محلب + حبه سوداء(حبة البركه)
طبعا كل الحتويات هاذى حبوب مش مطحونه
اما طريقة تناولها فهي كالتالى:
ملعقه صغيره من كل صنف تغلى في كاستين ماء الى ان يصبح المقدار بحجم كأس تقريبا تصفى وتحلى بالعسل وتشرب مع صحن صغير رطب
تشرب هذه الوصفه بعد مرور اسبوعين من الشهر التاسع كل يوم مره واحده

الله يسعدكم انشروا هاذى الوصفه لكل اللي تعرفوه
ترى انا ما اشوف حامل إلا اعطيها الوصفه سواء كنت اعرفها ولا لأ
الله يسهل لكل وحده حامل و يرزق اللي ماعندها اطفال.......
ولا تغفلوا عن نقطه مهمممه جدا جدا وهى الاساس لتسهيل الولاده وهى

الدعاء ..الدعاء..الدعاء........فالله عز وجل بيده تسهيل جميع الامور في حياتنا
والاكثار من تلاوة القرآن الكريم.......

[ام ميسومة]

ياربي يسعدك يانلي الخلطة ذي قريتها وكتب اغراضها لزوجي بس شكيت اني نسيت حاجة فضيعت الموقع ربي يوفقك ويسهل عليك

[نلي خانم]

الله يسهلك ياأم ميسومه ويسهل لجميع بنات التجمع ويكتبلنا أسهل ولادات
انا بأذن الله ناويه أجربها بعد ماامشي بالتاسع اسبوعين ببدا فيها
انتي أذا جربتيها خبرينا بعدين عن النتائج