تجمع حوامل ليبيا

نسرينا · 12-07-2010, 02:30 PM

ههههههههههههههههههههههههههههههه

اني دوامي تم وبنروح نتلاقوا في الليل واخره

اسمعوا بنقوللكم

لولي قالت اني ضعيفة ونبي نسمن
مشيت قلتلها عاد عالوجبات

البنت معادش خشت ههههههههههههههههههههههههههههههههههههههههههههه

.

هيا سلام توا

.

poucie · 12-07-2010, 02:33 PM

ايه هكي طمنتوني عليكم ههههههه

لولى2010 · 12-07-2010, 03:49 PM

خيرات بنات شن الاخبار
نسرينا فرقت حالى ممكن هدا الى منقصنى راجلى يرقد بكرى وانا نعسعس وبعدين يصعب عليا نوضه ههههههههههههههههههه

ام الصبيان · 12-07-2010, 05:25 PM

السلام عليكم
كيفكم ياكروشات ليبيا
بالله يارليت وحدة تساعدني انا حاليا مش في ليبياونبي انوصي يبعثولي ملابس بيبيات من ليبيا فقولولي الله ايبارك فيكم شن ناخذ من ليبيا لان توا ليا 3 سنوات ماشفت ليبيا بالاضافة بكرية ولا نعرف شي في حوايجهم
ياريت بسرعة لان اللي بيجيبهم ليا بيجي الجمعة والا السبت

تيمو ليبيا · 12-07-2010, 07:14 PM

السلام عليكم كيف حالكم يابنات خساره تهدريزكم كله في ليل وانا عندي صبح بكري ربي وينسكم ببعض ام الصبيان حتي اني مش في ليبيا وماما جتني من شهر لما ولدت وجبتلي حاجات البيبي اهم حاجه اهم حاجه القماط قبل كل شي والتاني امتع الظهر واحني في ماليزيا ديما جو صيف ميستعملوش في كنتيرات وجبتلي كنتيرات ولبس وحاجات النفاس انتي عارفه انتي في اما بلاد باش انقولك شني تستحقي

ام الصبيان · 12-07-2010, 07:48 PM

اقتباس:

المشاركة الأصلية كتبت بواسطة تيمو ليبيا

السلام عليكم كيف حالكم يابنات خساره تهدريزكم كله في ليل وانا عندي صبح بكري ربي وينسكم ببعض ام الصبيان حتي اني مش في ليبيا وماما جتني من شهر لما ولدت وجبتلي حاجات البيبي اهم حاجه اهم حاجه القماط قبل كل شي والتاني امتع الظهر واحني في ماليزيا ديما جو صيف ميستعملوش في كنتيرات وجبتلي كنتيرات ولبس وحاجات النفاس انتي عارفه انتي في اما بلاد باش انقولك شني تستحقي

انا ياغالية في فرنسا والجو برد عندنا قوليلي شني حاجات النفاس وشني الكنتيرات معليش وسعي صدرك معايا

ام الصبيان · 12-07-2010, 07:51 PM

سؤال ثاني شنو هذا امتاع الظهر قصدك كابس طبي والا شي ثاني ومبروك ما جاك ويتربى في عزك ان شاءالله

أم ردينة · 12-07-2010, 08:00 PM

لولي حتى نوزن زيك بالزبط 52 وطولي 1_53 ومنبيش نسمن لاني قصيره شويه انتي قداش طولك فكك من السمن شنو بديري بيه اخي مش حلوو .... نسرينا كيف حالك اني معادش نبي صغار والحمد لله وليد وبنيه يا سر نعمه من الله .. هذا الولد طلعلي عيني عياط بشكل يرضع ويعيط معرفتش خيره

أم ردينة · 12-07-2010, 08:04 PM

اهلين ام الصبيان انشالله علي خير يا رب ... خودي كنتيران نص كم اللي فيها البطم من الاسفل ومعاها كامجو غليظ شويه والقماط وخلاص..يعني كم كنتيره وكم كامجو وطروف وبطنيه

ام الصبيان · 12-07-2010, 08:33 PM

اهلين ام ردينة الله ايخليلك صغارك توا عرفتها الكنتيرات وفعلا اللقماط مهم هانا مافيش والكامجو ان شاءالله نعتمدوهن
قوليلي بالنسبة لحاجات النفاس شن تاخذوا بعد الولادة