تجمع حــوامل التوائم

[أم فاطمة]

صباح الخير على وجوه الخير

انا شرهانة عليكم ولا وحدة فكرت تسأل عني بس يالله بكون احسن ويسأل عنكم كلكم بس ماراح اذكر اسامي لاني ما اجمع من النسيان شخبار الكروشات والامهات الجدد مع الصيام

انا الحمد لله صيامي وفطوري السنة هذي صحي يعني افطر بتمر وعصير او لبن الى الساعة 9 بالليل اتعشى واتسحر وخلاص بس الشد العضلي الي يجيني في بطني حولين السرة مقطعني من الالم تتوقعون شسوي معاه لاني مو قادرة اتحمله

وعلى ابرة الرئة انا سالت الدكتور بالمستشفى الحكومي قال نعطيها للي عندها اعراض ولادة مبكرة

[حبيب قلبي عبود]

صباح الخيرات زود الغلا الظاهر انتي ماتشوفي الصفحات اللي طافت انا حبيب قلبي عبود؟؟ ام عطية غيرت

[حبيب قلبي عبود]

كيف حالكم بنات وش اخباركم وحشتوني مع الصيام يدوب ارقد واقوم اسوي فطور عبود وعيالة وتالي انام من التعب والثقل والطبخ

[حبيب قلبي عبود]

ام فاطمة وش اخبارك مع الثقل والصوم ؟وينك البرنسيسة

[حبيب قلبي عبود]

ام البنين كلة اجر وعافية ان شاءالله

[زود الغلا]

صباح الخير اليوم البنات سهر لي الصبح
حبيب قلب عبود .............حياتي والله فقدتك ....صح انا غطيت فترة عن المنتدى ويوم رجعت ماقريت الصفحات اللي طافت .
بشريني عنك .

[فراوله حمرا]

بنات جاوبوني الله يجزيكم خير

امس كنت صايمه ومن امس عندي الم اسفل بطني ذبحني ذبح

مين مره بحالتي ةايش السبب يمكن من الثقل الزايد

[محجبه]

المشاركة الأصلية كتبت بواسطة محجبه

ام البنين ونونه العسوله وباقي البنااااات صدق يقولون في الشهور السابع والثامن ماتقدرين تتنفسين يضغطون على النفس منهم مادري انا اصدق اي احد يقولي كلاااااام علموني عن وضعكم الحين انا حيل هواجيس وتفكير اقول الحين تشقق بطني صار ماشاء الله مثل الكوره اشلون بالشهوره الاخيره الله يبلغكم شوفه جناينكم

ماحد رد اهئ اهئ اهئ اهئء

[الذوق]

هلا محجبه معليش انتي ماسالتيني بس اسمحي لي اجاوبك اانا بنص السابع احس بثقل فضييييييع واحيانا كثير احس بطني تتحبك ونفسي يتعب لو مااحط مخده تحت راسي بس اقول يلا هانت وانتي في اية شهر وكيفك مع الصوم

[نـــــــارا]

أنا مادري شصايدني من أمس

حكة في كل جسمي كأنها حساسية ويصير احمرار خفيف ويروح بس الحكة مستمرة في كف يديني وقاعة رجلي وفي ذراعي ورجليني وبطني وظهري وحتى شعري

كأني جربانة بسم الله علي.. بس مو عارفة شالحل
أنا جسمي يومياً أدهنه صبح وليل بكريمات عن التشققات
بس شاكة أن جايتني حساسية من شي

مو قادرة من كثر ما أحك

وما عندي بانيو كان تنقعت فيه مع زيوت يمكن تخفف عني

في أحد جاها مثلي؟