دردشة حوامل اهل فلسطين الغاليات ^_^

[جارة القمر]

صباح الورد والياسمين بام عموره .......كيفك ؟؟

يلا شو بدك تطبخي اليوم ؟؟؟
وكيف انت بالطبيخ والحلويات؟؟؟
وتعلمتي شي طبخه خليجيه طبعا غير الكبسه ؟

[umm 3amr]

هلا والله
بالنسبة للطبيخ ماشي حالي عندي نفس
والحلويات ما جربت غير البسبوسة والكيك العادي والمبروشة وهريسة القزحة والحلبة
وحلو التلاجة بالبسكويت بس
الاكل الخليجي ما بعرف شي اصلا اكلهم اغلبه رز بختلف بالاسم مندي ومظبي اشهر اكلتين جربتهن بالمطعم عبارة عن رز مفلفل ومليان بهارات الاختلاف دجاج مشوي او مقلي
والكبسة سعودية ورز بخاري
المهم رز برز والاماراتيين ما بنشوفهم غير صدف دبي فيها من كل جنسيات العالم بتحسيها دولة اجنبية او هنديه ههههههه
طبخة اليوم لسة محتارة صايرة اطبخ مرتين مرة الصبح لان زوجي بعيد شغلة كتير وما برجع غير بالليل وبحكيلي مل من اكل المول الي جنبه كله وبطعمي 2 شباب معاه
وانتي شو ابتطبخي ؟
والمعجنات كيف بتزبطيها بدي عجينتها

[umm 3amr]

الصراحة نفسي اجدد الطبخات مكررات
مقلوبه بانواعها.. صواني بانواعها.. الشوربات ملوخية او سبانخ او خضار او فاصوليا خضرا او بيضا او لوبيا او اللبن او بامية
والمحاشي والملفوف ورق العنب والمخشي والمنسف ضفته للقائمة لمن اجيت هون
ومحشي دجاج ولمن بدي غير بحط على الرز خضار مقلية بحبها مع شوربة اللبن
وما ننسى المجدرة وشورة فول ولبن
وايام بجيب اشيا جاهزة متل الكبة او الاشيا السريعة متل البرغر وهيك شغلات
انتي عندك شي جديد؟ قبل رمضان

[umm 3amr]

فية اكلت شوربة حامض زهر وكل الشوربات بدفن رز جنبهن

[jana]

hiiiiii kefkommm

[umm 3amr]

tmam وانتي ؟؟؟
وين هالغيبة

[جارة القمر]

هلا جنى كيفك..؟

ام عمر ما شالله ماشالله .........والله انا ما بعمل نصهم ........

بس في طبخه كتير بحبها اخوي وخوالي درسو بتركيا وتعلموها وعلمونيا ياها
اسمها اسكندر
ومقاديرها:
صدر دجاج مقطع مربعات الكميه حسب ما بدك انا بضع
مقدار لشخصين ونص ههههههههه النص يزن

بتفرمي بصله مو ناعم ، وسط

وعلبه مشروم (فطر)

و البهار الاساسي هو الكاري (لونه اصفر بيحرق شوي )

الطريقة :بتضعي زيت قليل مو كتير شوي بنضع
البصل بنقلبه شوي ما بنحمره وبعدها بنضع الدجاج وبنسكر الطنجره
بيصير عليها مي من الدجاج بعد فتره من طبخها بضيفي الفطر
بس المهم ما ينشف الجاج وما يتحمر كتير يعني قبل ما يصير لونه اشقر
بتضعي ماء يعني مقدارها متل ما بتعملي الباميه والملوخبه يعني تكفيكم
وبتخليه يغلي لتحسي انه خلص تقريبا استوى بتحطي الكاري نص معلقه
لانه حاد و ملح +ماجي واهم شي تحطي ملعقة كبير ممسوحه طحين
بس ما تحطبها مباشره على الاكل لازم تذوبيها بفنجان ماء بارد وضيفيه
وتغليها ، بيطلع بالاخر شوربه كثيفه بس مو كتير يعني اقل من كثيفه بشوي

وبتحضري جنبها رز تأكل اما معه او بدون
او خبز
وصحه وهنا هي كتتتتتتتتتتتير طيبه وسهله وسريعه ما بتأخد وقت


الحلويات ما شالله عليها مرت اخوي فنانه وانا بتعلم منها يوم الجمعه ببيت اهلي عامله
انا ومرت اخوي عيد ميلاد ليزون وبنتها لانه بينهم يوم يعني انا وهي مع بعض
ميلادنا
ويوم السبت بدي اعمل حفله ببيتي واعزم اهل العماره وبيت حماي انا ساكنه بعماره
مع عمام زوجي وبيت حماي بس زوجات اعمام زوجي رائعات جداااااااااااا
وبحب كل فتره اعمل حلويات وناديهم عندي
ياريت بتقدروا تيجوا عندي انت وبنت فلسطين وجنى وكل الصبايا

[بنت فلسطين]

مرحبااااا والله يا ريت يا هديل نقدر نيجي ما بنتأخر عنك ورشا كيفك شو اخبارك هادا انتي فنانه في الطبيخ وساكته ما خليتي شي والله الطبخه الي حكتها هديل شكلها مشجعه فكرك اجربها انا ما عندي طبخات جديده نفس الشي ونفس الطبيخ
كنت غاطسه يعني بتقدروا تحكوا شوبينج تحضيرات للولاده ومبارح كنت اخيط عمكينة الخياطه متل النسوان المعدلات خخخخ بتسلى وبتفشش كانت نفسيتي متل العما لحد ما قررت اشغل حالي والتهي بالخياطه جنى حبيبتي كيفك شو اخبار حملك والبيبي الصغير تاكدتي انو ولد ولا غير رايو البيبي هههه انشالله بنقوم بالسلامه يا رب

[جارة القمر]

هلا هلا ام رامي ...بس ما قلتيلنا اسمك ولى قلتي وانا ما انتبهت؟

بالنسبه للطبخه والله زاكيه انا بحبها

ام عمر انا عجينتي بعملها صغيره كتير بس موادها مكونه من

طحين +زيت ذره+ وزيت زيتون
لبن رايب+ باكينج بودر
وملح+ ورشة سكر +وبدوب الخميره بماء دافي
ومرات بضع بيضه مو دايما ...حسب المزاج
وازا العجين ضلت قاسيه بضع شوي حليب
اما عجينة البيتزا :
طحين+معلقة نشا+برش او بودرة الثوم وبصل
وزيت ذره+ملح ورشة سكر +خميره مذابه

طبعا انا بدون مقادير بالعين بشوف.....

شفت بالمنتدى طريقة عمل بسيوسة الجالاكسي بجد شهتني بدي اعملها وهي الرابط

http://forum.hwaml.com/t61864.html

[جارة القمر]

ام رامي ياااااااااااااي احلى شي تجهيز البيبي وخاصه البنوتات
ازا بتقدري صوريهم ونزلي الصور