دردشة حوامل أهل جدة - دردشة بنات جدة - تجمع حوامل مدينة جدة

متغليه لعيوني · 06-22-2011, 02:19 AM

اختي r4mانا نفسك من يوم دخلت السادس وظهري يوجعني بس انتي نبهتيني لموضوع الدواء حق الكالسيوم انا مو منتظمه عليه ممكن عشاننامو مهتمين بصحتنا زين من البدايه الله يارب يخفف علينا ويسهل حملنا وولادتنا يارب العالمين كنت بسالكم يابنات انا صاير نومي مو تمام كله قلق واتقلب يمين يسار وعندي قلق هذا يصير معاكم ولا انا لوحدي في الموضوع ذااااا الله ييسر ليا وييسر لكم يارب جميعا

•.ღ˚نور˚ღ.*• · 06-22-2011, 02:33 AM

متغلية ياقلبي الوضع مرررة عادي
ارق ومافيه وضعية مريحة بالنوم،، الحمل وتعبه حكاية غريبة :)
بس حاولي قد ماتقدري يكون نومك ع جنبك اليسار.. والكالسيوم والفيتامينات
حتى لو استمريت عليهم بعد الولادة افضل لتعويض النقص وحنا اصلا منتشر بيننا
هشاشة العظام ومع الحمل النقص بزيادة،،
وربي يهوون عليك وعلى كل الحوامل يا رب وكله بأجر ان شاء الله..

متغليه لعيوني · 06-22-2011, 02:42 AM

تسلمي يانور الله يباركلك كلام ميه على ميه والله نوم ابدااا مافي زي العالم الله يعطينا الاجر يارب اما بنسبه للعظام والله انا اشتكي خير شر من رجولي من قبل الحمل وزاد دحين ظهري والحمدالله في كل حال وجميع الاحوال وربي يتمم علينا باقي الشهور حق الحمل ويسهلنا الولاده يارب انتي في اي شهر وعند مين تراجعي اي مستشفى واي دكتوره

•.ღ˚نور˚ღ.*• · 06-22-2011, 04:53 AM

ربي يهون عليك ياقلبي
أنا ولدت من 5 شهور جبت (( راشد )) وكنت اتابع بالمركز الطبي الدولي
بس بالنسبة للحبوب والمكملات من كالسيوم وفيتامينات من قبل مااحمل كنت اخذهم
من ارمال " g n c " ودكتوري قال كويس وبعد ماتولدي استمري عليهم
لان اساسا أنا عندي نقص كالسيوم،، وحتى لماولدت طبيب الاطفال تبع ولدي عرف
قال لي انتي بحملك كان عندك ناقص كالسيوم عرف من نافوخ"غادية" البيبي
وكتب له فيتامين د3 لحد مايمشي ان شاء الله..
واللي رجعني هنا اشتقت للتجمع وولدي كبر شوي وأبوه بدوامه شفتات وانا بعيد عن اهلي،، هم بالشرقية وانا بجدة ومن توفت أمي قبل ولادتي ب10 ايام وانا حياتي كلها
فراغ وملل،، ربي يرحمها كانت أمي وحبيبتي وصديقتي وكل دنيتي،،مامر علي يوم من غير ما اسمع صوته،، ولقاي فيها بالجنة بإذن الحي القيوم..

متغليه لعيوني · 06-22-2011, 12:07 PM

الله يرحمها ويغمد روحها الجنه ويرفع منزلتها يارب ولكي الاجر با الصبر والثبات الحمدالله على كل حال ياقلبي الله يخليلك زوجك وولدك وكل من يعز عليكي وانا موجوده في هدره او ملل عندك انا كمان في جده وربي يسعد قلبك با الي يفرحه يارب وتصدقي كلامك عن الفيتامينات مزبوط انا يبغالي استخدمهم على طول عشان مايتطور عندي الوضع ويصير اسوء ويارب يسعدك

أم عبدالرحمن السلفية · 06-22-2011, 06:38 PM

نور الله يرحم والدتك ويغفر لها ...
- غنوجة ,,, انتي زيي في الحمل لانو آخر دورة لي 4 صفر والدكتورة قال بتولدين في وسط ذو القعدة
يعني شدي حيلك وابدأي جهزي نفسك لانو ح يجي رمضان وزحمة العيد والفلوس ح تطير عليك ,,, الله يسهل علينا

ظل القمر 22 · 06-22-2011, 09:27 PM

مساء الخير ..كيفكم يابنات
انا بكريه في نهاية الشهر الرابع ومعايا مغص يروح يجي موعدي اليوم مع الدكتوره كشفت على نبض الجنين الحمدلله سليم قالتلي لازم افحصك من تحت انا وقتها جاتني فجعه ومارضيت قالت يمكن الرحم عندك مفتوح ولا عندك تهديد ولادة مبكره لاني عندي التهاب في البول وسوت لي تحليل مزرعة بول
مره تحسفت اني ماخليتها تكشف عليا من تحت قلقت مره ياليت اللي تعرف شي او خلفيه عن ذا لموضوع ترد عليا ضروري الله يسعدكم ويسهل لكل حامل ولادتها ويفرج همها يارب

حرم الشريف · 06-22-2011, 10:07 PM

يامساء الراحة ياظل القمر ..
تمام ربي يطمنك ع حالك أكتر وأكتر ..
والله يا عسل انا بكرية ودوبي داخلة التاسع وماعندي خلفية بس اللي اشوفو انك تراجعي دكتورتك من تاني عشان تطمِني نفسك أكتر وربنا يكرمك بمثل دعواتك الطيّبة يا عسل .

ظل القمر 22 · 06-22-2011, 11:55 PM

حرم الشريف الله يريح قلبك ويهون عليكي ساعة الولاده وتقومي بالف سلامه وتشوفي نونتك بصحه وعافي يارب....

غنوجهـ · 06-23-2011, 01:39 AM

ام عبد الرحمن ....
مشكوووره ,,بس انا الدكتور قالي الولاده على 2 الحج ..
انا توقعت انو زايدني عشره اياام.. بمعنى انو ماهو حاسبلي اي يوم من شهر صفر..