هنا تجمع حوامل الشهر (الرابع والخامس والسادس)

[هدوء انثى]

مرهفة بتروحين وتخليني؟
يلااا وراكم وراكم هع

[ام علاوي99]

بنات متى حسيتو بحركه البيبي قويه
انا ببدايه الخامس وحركه بسيطه حدا
ارجووووووووووووووووووكم جاوبوني

[السنيوره14]

ام علاوي انا في الشهر الخامس والحركة مو مره قويه انا اذكر بحملي الاول في الشهر السادس والسابع تكون الحركة قويه
لا تخافين خاصة اذا كنت بكر

[ابنائي حياتي]

انا سالت الدكتورة حكتلي ما في خوف لو اتاخرت الحركة

[مرهفة الإحساس]

أم علاوي انا بكرية والحركة معايا صارت قوية من نص الخامس حسيت بالحركة بيكون احساس جميل يالا يا قلبي خلاص قربتي

[ابنائي حياتي]

مرهفة متى اول مرة حسيتي بحركة النونو

[أم ح ــنونـہ]

هلا كروشات
اخ تعبت اليوم كتير
من العصر للساعه 10 وانا في المركز
طبعا دخلت عند الدكتوره هناء بدران
وعملت لي تصوير وقالت البيبي زي الفل
وانها بنوته ووزنها 1 كيلو الا 100 جرام
بس قالت انها ماخذه الوضع المقعدي
بس قالت عادي مو مشكله
صراحه عسوله وطيبه وريحتني ربنا يوفقها
حتى الممرضه تبعتها عسوله مثلها
المهم طلبت مني تحاليل عشان تطمن
ورحنا على مكتب التأمين لأن لازم يرسلوا لشركة التأمين فاكس
عشان يوافقوا ونبدأ نتابع على التامين
وقعدنا نستنى الموافقه ساعتين وفي الآخر قالوا يمكن بكره تيجي
بصراحه مره انقهرت منهم خلونا ننتظر على الفاضي
وزوجي قال خلاص لما تيجي الموافقه نرجع تاني
ورجعنا البيت على الساعه 10
بس كنت مررره تعبانه الله يعين
بس المركز الطبي الدولي ما شاء الله
جناااااااان والخدمه فيه زي الفل
الله يتمم حملي على خير وأولد بالسلامه
قولوا آمين


حبيت انقل لكم اخباري ^^

[ابنائي حياتي]

باذن الله خير يا سوسو
الله يفرح بالكم يارب ويسهل اموركم

[هدوء انثى]

فديتك ياسوسو
ربي يتمم عليك بالف خير انتي والقمررر
ومعليش الله يعينك تروحين بكره مع هالتحاليل
ويارب كل شيء خير

[هدوء انثى]

ياقلبي انا في بداية الخامس كانت خفيفه
لكن من وصلت للنصف بدات احس باقوى واحيانا اشوف بطني يتحرك وعند النوم يرفس كثير والان لي اسبوعين من السادس يتحرك اكثرررر ماشاء الله شيء غريب لكن حلو
لاااحقه الايام جايه وراح يلعب كرة القدم قريب هع