دردشة حوامل أهل القصيم - دردشة بنات القصيم - تجمع حوامل القصيم

[محجبه]

ام احلا بنوته
وين حبيبتي والله فاقدتك حييييييييل انا قلت ربي يستر عليه يمكن ولدت لا وبتترك الابر كمل الناقص بصمت
الله يتمم عليييييييييك
بالنسبه لسراير التوام فيه بس مدري وينهن

[ام احلا بنوته]

لا ياعمري انا الحمدلله طيبه اولد ولا ابشركم بس للحين ماتركتهن الابرالدكتوره تقول خطر تتركينهن يمكن يجي طلق
ويوم الاربعاء رحت للمستشفى علشان اخذ الابره وقالت الدكتوره لازم ناخذ تخطيط قلب وعلى الطلق واخذتلي تخطيط وقالت عندك طلق مستمر وقالت لازم تحويل للولاده اخذت التحويل وطلعت للبيت مارحت احس ماله داعي يجي ويروح مو مستمر
وش رايكم

[ملكه]

هلاااا بكروشات القصيم

انا راح اولد في مشفى الولادة ببريدة بس ماعرف احسن دكتورة خياطة وتوليد دلوووني الله يعافيكم

[ام احلا بنوته]

اهلين فيك اختي ملكه
الله يتمم عليك ام عن مستشفى الولاده اللي اعرفه انه حظك نصيبك على حسب المنوبه يعني ماتختارين الدكتوره اللي تبغين

[محجبه]

بنااااات اختي حامل بالشهور الاولى والرحم دايم توجع منه
مادري وتسالكم وش الدكتوره اللي تكتشف الامها لانه يوم يطلع مويه من رحمه ويوم دم ربي يكرمكم
وش رايكم عصمت عنده سالفه ولا هويدا من اللي يعرف امراض الحريم صح مع تفكيري ان مااحس ان عندنا دكتورة تشخص صح

[محجبه]

بنااااااااات الله يعافيكم اللي عنده معلومه بدكتورة مو للمتابعه لعلاج الرحم ومشاكله لاتبخل علي ربي يجزاكم خير

[**طيور الجنه **]

هلااااا كروشااات ..
انارحت الحسون سنتر واشتريت بجامه بس مالقيت بلايز حلوه من تعرف وين اللقيها
محجبه ماعرف عن دكتوره خاصه بالرحم طيب ليش ماتروح الحبيب يمكن تلاقي احد ينفعه والله يشفيه يارب

[فوشياء]

المشاركة الأصلية كتبت بواسطة **طيور الجنه **

هلااااا كروشااات ..
انارحت الحسون سنتر واشتريت بجامه بس مالقيت بلايز حلوه من تعرف وين اللقيها
محجبه ماعرف عن دكتوره خاصه بالرحم طيب ليش ماتروح الحبيب يمكن تلاقي احد ينفعه والله يشفيه يارب

شوفي محل سنبل فيه بلايز حلوه وفيه محل متخصص بالحوامل بالنخيل واختي طيور الجنه انا ذالحين اشوف بالنخيل والعثيم وغالب المحلات المتخصصه بالبس النسائي فيه بلايز تصلح للحوامل ومررررره كيوت يعني مو لازم تكون مخصصه للحوامل اهم شي تكون فضفاضه واسعه والله يتمم لك على خير وادعيلي اولد بالسلامه لاني بعد يومين ادخل التاسع

[فوشياء]

المشاركة الأصلية كتبت بواسطة محجبه

بنااااااااات الله يعافيكم اللي عنده معلومه بدكتورة مو للمتابعه لعلاج الرحم ومشاكله لاتبخل علي ربي يجزاكم خير

اختي محجبه فيه دكتوره حنان في عيادات المستقبل مره يمدحونه اختي وزجة اخوي كانو يتابعون عنده ومره مره الناس تمدح فيها وفيه دكتوره احلام هذي انا اروح لها ومره ممتازه فيه دكتوره سجيلا نورين مستشفى سليمان الحبيب هذي اتابع معها حملي وناويه انشالله اخليها تولدني مره زينه لكن دايم مزحومه ..واخيرا وليس اخرا ادعولي الله ييسرلي ويسهل علي ولادتي ويجعلها ولاده طبيعيه ويقر عيني بصحتي وصحة مولودتي الاولى بعد سبع سنوات زواج

[محجبه]

المشاركة الأصلية كتبت بواسطة فوشياء

اختي محجبه فيه دكتوره حنان في عيادات المستقبل مره يمدحونه اختي وزجة اخوي كانو يتابعون عنده ومره مره الناس تمدح فيها وفيه دكتوره احلام هذي انا اروح لها ومره ممتازه فيه دكتوره سجيلا نورين مستشفى سليمان الحبيب هذي اتابع معها حملي وناويه انشالله اخليها تولدني مره زينه لكن دايم مزحومه ..واخيرا وليس اخرا ادعولي الله ييسرلي ويسهل علي ولادتي ويجعلها ولاده طبيعيه ويقر عيني بصحتي وصحة مولودتي الاولى بعد سبع سنوات زواج

الله يجزاتس الف خير ويهون عليك ويخلي لك الصغنونه يارب ويصلحها واذا تبين ولاده طبيعيه انوقع الحبيب يستعجلون عمليه ويفرحون كل قرايبي يولدون عنده عمليه
ليش ماتروحين للوفاء او الولاده والله ماودي لك بعمليه لانها تتعب والطبيعي ياسلام
مجربتهن كلهن بشرينا عن ولادتك