مواليد<<شهر ربيع الثاني♂ ♀ فبراير (1435,2014)

[ام احلى بنوتين]

ماشاءالله مبروووك ياحساس الله يتمم لك وتولدي بالسلامة ياارب
واسم الين حلووو ومناسب مع ليان الله يحفظهم لك..

[ام احلى بنوتين]

صباح النور فوفو
لازم تاكلي الحديد انا وياك زي بعض وانا قد بديت اكل الحديد من اسبوعين وحتى زادو لي الجرعه مرتين في اليوم عشان نسبة الدم 9

[قوووت القلوب]

فووفو خلاص ابدي انا وانتي وام احلى بنوتين نفس الشي
وخلاص الجنين يبين بسونار

[احساس طفوله]

صباح الورد؛؛؛؛؛ جريحه كلهم يقولون لي نفس كلامك بس انا خايفه مرررره من الولاده لما كنت بكريه عادي الةضع عندي لاني ماجربتها اما الولاده الثانيه انا عارفه كل شي الله ييسرها لنا ويرزقنا ولاده سهله ياااارب؛؛؛؛؛؛ ام احلى بنوتين الله يخليك يارب تسلمي لي ماقصرتي؛؛؛؛؛ فوفو خلاص ابدي من تدخلين الرابع تاخذينهم

[عشرينية]

ظهر الخير عليكم جميعا
يوووووووووووه فاتتني سواليف كثيرة
امس كنت مضيوفة
صاحباتي تجمعوا عندي
ويوم طلعوا 2 ونص حسيت حالي هلكانة ورحت نمت زي الميتة من الارهاق
والله ماتعبت حالي مره بس صايرة من ادنى شي اتعب
والنوم اعوذ بالله ذابحني

[ندووش]

يسعد مسائكم بكل خير يا احلى حوامل

[ندووش]

عندى موضوع يا ليت اى وحده عندها خبرها تفيدني بالراى الصحيح

عندى ولد عمره سنتين و دى اعلمه الحمام

ودى افتك من الحفائظ قبل ما يجي البيبي الجديد

الامهات الحوامل الا عندهم بنات اولاد كبار كيف تعلموا ياليت تعلميني الطريقة

اتوقع امنية و ام الحلوين عندهم بنات كبار

نفسي اعلم ولدى و ارتاح عندي وقت لين ما اولد

حبيت اوضح نقطة ولدي يعرف الحمام لم اقوله يالله حمام يروح من نفسه حتى ينزل الحفائط

ياليت تساعدوني

[امنيه 28]

ندوش
انا عن نفسي تأخرت بتعليم بنتي لاني عصبيه وخفت اعصب عليها لو تسويها ع نفسها وتصير تخاف وتتبول لا ارادي
لذلك علمتها وعمرها ٣ سنوات بالضبط وبصراحه حتى خواتي يعلمو اولادهم بالعمر هذا اريح لك وللطفل
وحسب نباهة الطفل
اذا كان طفل نبيه وشفتي رغبته بالتعلم علميه قبل تثقلين
بس لاتعصبين نهائي عليه
واذا شلتي البامبرز دخليه الحمام كل ساعه وكافئيه بعد كل مره يسويها وشجعيه وحمسيه
ينبسطون
وكل يوم يمر زيدي الوقت بس لايتعدى ٣ ساعات لحد مايضبط اعصابه ويصير التحكم ارادي
واشتري ملابس داخليه ملونه عليها رسومات

هذا اللي اتذكره
بس زي ماقلت لك انا علمت يارا وعمرها ٣ سنوات :)
اتمنى اني افدتك لو بشي بسيط

موفقه خير يااارب
*

[ندووش]

فديتك يا امنية

ما قصرتي

انا محتارة اخاف اعلمه فتره و اتركه

بس بشووووف و اقرر صح

[امنيه 28]

ايه انا اقول اذا قررتي لاترجعين بقرارك
وانا اقترح تأجلين لانك بفترة النفاس مو فاضيه تودينه ويمكن يحاول يلفت انتباهك ويرفض يروح الا معك

الله ييسر لك ياحلوه :)