تجمع حوامل ليبيا

[حبل الوصل]

أم أسيل مفيش مرة نتلاقو شن اخبارك ياعسل وشن حال صغارك
عيون شن حال سارة وحمودى وربي يشفيه ليك هذا زى ولدى زمان ديما مريض لكن تو يتغلب عليه ان شاءالله
نسرينا شن حالك انت توة في العمل
سورينام شن حالك وحال سارة وخوها
لولى شن اخبارك انتى وليونة اصغاري اساميهم إخلاص وعمر
حنين ربي يفكك من الوحم ويخفف عليك الثقل ويسهل ولادتك
ليبيا شن حالك ربي يقومك بالسلامة
تيمو شن حال بنيتنا وشن دايرة انتى وياها
اية شن حال ايوب وان شاءالله تكملى شهرك وتجيبي على خيروعتبة مباركة ان شاءالله
ام سعد ربي يسهل ولادتك وتخشي بيتك على خير وعتبة مباركة يارب
ميرنا خلاص نسيتنا ربي يعينك

[نسرينا]

ههههههههههههههههههههههههههه

مراااااااااااااااااااااحب حبل الوصل

يومك طيب ان شاء الله

ايه يا حلوة اني في العمل توا
.

[نسرينا]

دبر عليا كانك صاحبي
دبر عليا كانك صاحبي

يابنات دبروا عليا وقولوا شنو الرأي ...!!

اني على قولة لولي ، نقشي عالخليجي وشعري اسوووووود طبيعي ، بس جاي في نفسي نغيره وانديره خصلات لكن بالصبغة مش ميش وتفتيح لون ،لان حتى في عرسي خليته اسود ،
بس في نفس الوقت مش هاين عليا لون شعري ،

، التغيير حلو بس مترددة
كيف الحل ؟؟

[ღॐ آية ღॐ]

حبل الوصل كيف حالك وكيف حال صغيويرتك
وكيف حال اختك وصغيويرتها ..
ان شاء الله كلكم طيبين؟؟

[ღॐ آية ღॐ]

نسرينا كيف الحال
ونصيحة مني كورجي وغيري لون شعرك
راهو الرجاله يحبو التغير
وبعدين اوكان سخر ربي وحملتي رح تنحرمي من اصبغه
لذالك ننصحك تغيريه في القريب العاجل
بس ماتنسيش اتقولينا كيف طلع ان شاء الله

[ღॐ آية ღॐ]

المشاركة الأصلية كتبت بواسطة سورينام

آية وام سعد .. انشاالله عتبة مباركة عليكم وتكون عتبة خير وتشوفو فيه صغاركم على خير يااارب

الله يبارك فيك حبيبتي ويحفضلك صغيويرتك
ومعليشي تحملي الحبسه فترة وتفوت بادن لله
والله حتى انا مهناك طلوع قعدة في الحوش متسطحة وخلاص
ربي يسهل علينا ويتبتلنا الاجر

[نسرينا]

زعما ؟؟

والله ماني عارفة يا أية ...

كلهم ايقولولي غيري ،،، هي الفكرة واردة وخاصة ان المزينة متعي تونسية وشااااااااطرة ، قالتلي انغيرهولك على مسؤوليتي وحيعجبك ، وبصراحة اني عندي ثقة في المزينات التونسيات اكثر من غيرهم وخاااااااصة في الصبغات والميش ...

.

[ღॐ آية ღॐ]

صحيح فالحات على قولتنا
بس حتى السوريات مزوقات والمزينه الي تجيني للحوش سورية ومشاء الله عليها100%
بس انا بنزيد نشجعك بعد كلامها غيري وتوكلي على ربي
واكيد>> زوزك رح يعجبة التغير.

[نسرينا]

خلاااااااااااااااااااااص

اول مناسبة قريبة ان شاء الله بنغيره

خلاص خلاص قررت هههههههههه

على مسؤوليتك يا أية ، لو جي مش مش يعني ،،، بنحرش فيك زوزي هههههههه

[ღॐ آية ღॐ]

اكيد بادن لله رح يطلع حلو صدقيني..
وخلاص على مسؤوليتي
اتحمل جميع المسئوليات هههههههههههه