تجمع اللي بيولدون في شهر ذو الحجه

ريم ام لولو · 10-27-2011, 01:40 AM

الصمت عشقي صديقتي وينك
شكلها راحت المستشفى وولدوها

يارب عسا امورها بخير

غيبتك تنهي حضوري · 10-27-2011, 01:47 AM

والله شي يخوووووف ذا الميبووو
انا عني صراحه خلاص مابستخدمو
بستخدم اللي امي وعماتي وخالاتي وجداتي يستخدموهـ
منقوع المرهـ ومامنه ضرر وتستخدميه وانتي واثقه

سبحان الله الله يعييينهم من قلب
يارب يخيطوني زي الناس انا خايفه من الخياطه مو من الولادهـ
الله يسهل للجميع يارب العالمين

سبحانك الله وبحمدك لا إله الا الله
اللهم نسألك حسن الخلق وهون الطلق لكل حامل يارب العالمين

اجوان · 10-27-2011, 01:48 AM

كيفكم مامات،،
انا رحت لخالتي وسعت صدري شويا بس تعبت من الجلسه مره ،،

حبيبة موني،،
شوفي هيا تقول تنقعت بمويه وملح واتوقع غلط الوحده تتنقع واتوقع هدا اللي فكك خيوطها يعني اشوف كل العالم تمدح ميبو جت دي طلعت لنا من تحت الارض عندها نظريه عجيبه!!!
عموما مايمنع اننا نسال دكاترنا قبل ،،
بعدين اللي اعرفو انو المره لوحدها تنشف الخياطه وتخليها الم وتشد ،،

عموما انا ماحاستخدم شي قبل لا ااسال دكتوري بس انا شريت ميبو وحطيتو في الشنطه...

كلي عناد · 10-27-2011, 02:03 AM

قلبي مدينه الف مبرررررروووك

وعقبال المتاخرات في التاااسع

وعقبالي اول مادخل التاسع خخخ

حبيبة موني · 10-27-2011, 02:10 AM

والله مادري يابنات

انا خفت منو بصراحه ماراح استخدمو بستخدم الغسول اللي حتكتبو الدكتوره وبس وربنا يعيييييننا على دي الخياطه

حبيبة موني · 10-27-2011, 02:14 AM

اجوان

كويس غيرتي جو ،، الا سؤؤؤااااال الين دحين منتي حاسه بشي يدل انو في ولاده

انا مااااعندي احاااسييس ترى ،، بس الشي الوحيد اللي احسو (عظمة هداك المكان اللي مدري ايش اسمو مررررررره توجعني) << عرفتو عظمة مثلث برمودا هععع
في احد زيي؟؟ مررره يوجع لمن ابا اقوم ولا اتقلب *

maroooma · 10-27-2011, 02:31 AM

حبيباتي المويه والملح معقم مايفك الخيوط ولا شي أنا لمن ولدت بسليمان فقيه من اول يوم جابوها ليا اكياس فيها ملح وجابولي الحوض اللي يتحط عالكرسي لمده يومين وانا عندهم وانا طالعه قالولي اشتري زيه وسوي زي كدا كل يوم
وانا استخدمتها كل يوم مره واستخدمت منقوع القرض كل يوم مره لمده 5 او 10 دقائق بالكثير والمره كل كم يوم لانها تنشف وتشد الخيوط تخليها تعورك اصلا هيا زي المضاد موكويس كثرتها مو تتنقعي فيها لا تحديها بعلبه وتشطفي فيها ترى كمان تفتح المنطقه
والملهم استخدمي اللي تكتبه لك الدكتوره عند الخروج أنا كتبولي مرهم نسيت اسمه بس خلاص انتي كلمي الدكتوره لمن تزورك وهيا راح تقولك
هذا اللي أنا سويته الحمدلله باول اسبوع التئمت نص الغرز وراجعت الدكتوره وقالتلي تماااام بس باقي غرزتين يعني على اسبوعين وانت خلاص مرتاحه منها
والحمدلله أبدا ما عورتني الغرز او ضايقتني الا بالأيام الاولى
وهاذي تجربتي وهذا اللي راح امشي عليه بولادتي الجايه انشاءالله
ولا استخدموا الديتول انتبهوا المويه والملح كفايه ولازم تنشفوا المنطقه كويس كل ماتروحوا الحمام وبعد ماتتنقعي اشطفي بالمويه مو تمسحي على طول
انشاءالله تكونوا استفدتوا اهم شي لاتكونوا مهووسين بدي المنطقه وتكثروا المرهم والتنقيع
لان كل شي زاد عن حده ما ينفع بالعكس ممكن يضر
والله الحمدلله أنا مرتاحه وما بشكي من شي أبدا والحمدلله *

maroooma · 10-27-2011, 02:38 AM

حبيبه موني
أنا هادي المنطقه واللي حواليها كلها من جوا ومن برا ههههههه تالمني
من الثامن وقبل الدكتوره تقول عادي هادي الام الحوض ومع كل ولاده تزيد أنا بحملي قبل ما حسيت فيها بس الان مررره تالمني *

maroooma · 10-27-2011, 02:43 AM

من كلامي حسيت أني كبيره هههههههه
مع أني ولدت وعمري 18 ونص يعني صغيره بس الحياه تعلم ههههههه

GhoOosha · 10-27-2011, 02:55 AM

قلبي مدينه..يااااااحياتي..الله يتمملك بالعافيه والصحه ويجعله من مواليد السعاده ياارب

اجل نطيتي من فوقي وفتحتي الباب هاه ؟؟ هههههههههههههههههههههههههه بس لما اشوفك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الحوامل اللاتي سيلدن بشهر رجب 1432	يالبيه ياانا	إستفسارات مرحلة الولادة	13690	07-03-2011 03:39 AM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM
تجمع الحوامل الاتي سيلدن في ذو الحجة	بيوني	إستفسارات مرحلة الولادة	3806	01-09-2011 10:00 PM
تجمع الحوامل الاتي سيلدن شهر 5 (صحبه طيبه )	مرمر احمد	إستفسارات حوامل من الشهر السابع إلى الشهر التاسع	1	11-29-2009 02:27 AM