تجمع حوامل الأشهر الأخيره(السابع,الثامن,التاسع)

[ام سناء]

الف الف الف مبروك خفايا وبنت ابيها
والحمد لله على سلامتكم وعقبالنا يارب

[ام سناء]

طيبتي حبيبتي شوفي الرزق من الله مو من الناس والي الله كاتبلها رزق ما احد يقدر يرده لو يسوي كل شي
انت انتبهي لنفسك وللبيبي وادعي بأدعية الفرج وازالة الهم في هاليوم الفضيل وان شاء الله ربي بيفرجها عليك
وزوجك واهلة لا تدعين عليهم بس قولي حسبي الله ونعم الوكيل والله هو الي بياخذلك حقك وبتشوفي بعينك عاجلاً او آجلاً

[نبض الأمل]

بنت ابيها مبرووووووووك الف مبرووك..
والحمدالله على سلامتك وسلامة النونو ..
وقصتك ماشاء الله كانني اشوفها ..والله لايحرمني هاللحظة وكل حامل..
والله يرزق كل من تريد الحمل بالحمل السليم المعافاة..

اختي طيبتي اكبر همومي..
والله انني حاسة فيك ياقلبي..وان شاء الله ربي يكتب لك الأجر ويجعل مافيك في ميزان حسناتك..
واكيد الظالم لابد له من يوم يندم فيه... انتي ادعي الله والحي بالدعاء ..
واليك هذا الدعاء ( سيؤتينا الله من فضله انا الى الله راغبون)
قال عنه الشيخ المغامسي انه دعاء المعجزات قوليه بعد التشهد...
والله يفرج همي وهمك وهم كل المسلمين يااااااااااارب..
الوحدة يكفيها تعب الحمل .. وبعض الناس مايحسون ولايرحمون..
ان شاء الله لن ننساك من الدعاء بتفريج الهم ورد كيد الظالمين في نحورهم..
وكرري حسبي الله ونعم الوكيل....

[Um-shaika]

الحمدلله عالسلامة بنت ابيها يتربى بعزج وعز ابوه

بنات ادعو لي انا تعبانة من امس .. طلق البنت متعب وايد بارد واخاف اشرب شي واضر نفسي واضر البيبي

[شذى الحربي]

صباح الخير ع الجميع ،، الف مبروك للي ولدو وعقبالنا يارب

[خفايا الدنيا]

صباح الخير بنات فديتكم وحدة وحدة
والله يبارك في حياتكم يارب ويسهل ولادتكم
ويقومكم بالسلامة ان شا الله

بنت أبيها الف مليوووووووووون مبرووووووك ياحياتي
كيف شعور الامومة حلو صح حمستيني اكتب قصتي
بس البيبي ماشا الله مو تارك لي وقت بس احاول الحين اكتبها

غلاج فديتك حبيبتي انا قبل ما اولد كنت ماشية ع الكورنيش
بالليل وولدت الظهر اليوم الثاني ربي يسهل عليك وعلى كل حامل ياااارب

[يغار الحلى]

هلا خفايا منوووووووووره ياعسسسل

كيفكم كروشات جميعاً ؟؟

آتمنى ان تكونوا بخير

طيبتي اكثري من قول لا اله إلا أنت سبحانك اني كنت من الظالمين واكثري من الأستغفاااار

الله يفرج همك و يسخرلك زوجــك يااااااااااارب

[خفايا الدنيا]

جيتكم بقصة ولادتي
اول شي بنات انا كنت رايحة السوق يوم الجمعة ومشيت كثير
واليوم اللي بعده صار ينزل علي دم وقرأت انا ان الدم من علامات قرب الولادة
ممكن اخذ يوم او يومين استمر الدم معاي ومادة مخاطية معاه يوم السبت والأحد
والاثنين وكنت بيوم الاثنين قاعدة عند التلفزيون وحسيت بمغص يتكرر كل فترة والثانية
بس مؤ بانتظام يجي نص دقيقة ويروح نص ساعه وكذا المهم انا كنت شايلة هم لان الدم
الي شفته مؤ مرتاحة منه مرة احمر ومرة بني ومرة وردي كل شوي لون وبعدين صحا زوجي
مع العشا تعشينا من برا لإني ماكنت طابخة فطور وبعد العشا قال خلينا نروح الكورنيش نمشي
مسكين طفش من كثرة مااتشكى من الافرازات الملونة وماقلت له اني احس بمغص والم المهم رحنا نمشي
تقريبا نص ساعه او اكثر شوي بعدها حسيت بتعب قلت له ابي موكا بارد شربنا ورحنا البيت ع الفجر بديت احسب
المدة بين كل الم والثاني حصلتها تقريبا ربع ساعه قلت بتحمل وداوم زوجي 5 قلت له انتبه لجوالك ويوم جات الساعه
7 ماقدرت أتحمل الألم يشد علي ماقدرت انام ولا انسدح اتسبحت واتصلت عليه وانطلاق ع المستشفى هناك قاست قالت مفتوح3
تنويم وجلس جهاز التخطيط والقلب على بطني صوته ينرفز و كل شوي يجون يتطمنون على وضع التخطيط
وع الساعه 9 ونص بدات تقل النبضات البيبي وجاو كلهم تجمعو عندي وانا خايفة موت وزوجي يقعد عندي شوي ويطلع
وقت الفحص وجات الممرضة عطتني حقنة عشان افضي بطني وع طول رحت الحمام ورجعت حطت لي التخطيط
وع الساعه 10 جابت الطلق الصناعي حطته مع المغذي وانا ادعي ربي وسلمت امري له وأخذت جوالي قعدت اطقطق ع الواتس
اب مع اختي نسولف ماقلت لها اني بولد عشان امي ماتخاف وتشيل همي وشوي شوي بدا الألم يزيد ويضرب في الظهر وانا اقول سيستر
ترا الكمام ماينفع شفطت امه ومانفع كمسكن كسرت خاطرها قامت جابت إبرة مسكن عطتني بالفخذ وانا كل ماجا الألم اذكر ربي يوم جات الساعه 11 ونص قال زوجي شكلك مطولة يمكن اروح البيت قمت زعلت وتضايقت وقلت له ابيك معاي وجودك مهم كسرت خاطره وقعد معاي
شوي وتجي الدكتورة تفتح كيس الماي ببلاستيك وبدا الطلق يزيد وجات بعد ساعه تقيس صار 5 سم وقلت لزوجي شكلي مؤ مطولة وبيبدا يفتح بسرعه بعد كذا وكل ماجات طلقة اتشنج كأن احد كهربني
وأبكي وزوجي مسكين ماقصر يكبس ظهري وارتاح شوي وع الساعه 1 بدا الألم عندي يشتد ويقرب وقته اكثر مااقدر ارتاح الا يرجع قلت لزوجي فيه شي بيطلع مني وبسرعة جات الممرضة والدكتورة وطلعوه برا وهنا بديت اصرخ والممرضة تقول مافي كذا ابكي سكري فمك وادفعي اذا جا الألم وجات الدكتورة مدري وسعت او المهم كشفت قالت يلا مش فاضل حاجة ادفعي بقووووة وانا ابكي حسيت طاقتي
خلصت وكل مااحس بشي يطلع مني وقت الطلقة اصرخ خايفة وهم يهدوني ويحمسوني اخر شي قالت الدكتورة 10 سم يلا ساعدينا وانا احاول أكتم نفسي اذا جات الطلقة وادفع على تحت كأني ب اطلع شي وبعد معاناة ودفع مرات طلع حبيب قلبي باسل الساعه 1 و50د وبس شفته راح التعب وحسيت بشعور غير ربي لايحرمكم منا ويفرحكم بشوفة ظناكم انا جبت باسل بتاريخ 26 رمضان وكان محدد ولادتي تاريخ 29 رمضان بس هو حب يعيد معانا من بدري فديته
الله يهون عليكم حبيباتي وتبشرونا بولادتكم قريب

[خفايا الدنيا]

ام شيخة الله يسهل عليك حبيبتي ويقومك بالسلامة يااااارب

[عسيريه والطله بهيه]

اللهم لك الحمد حتى ترضى مبروك للي ولدوا وعقبالنا يارب اساله جل شانه ان يهون الطلق وييسر الولاده ويرزقنا اطفالا اصحاء اللهم امين