تجمع حوامل المدينة المنورة

[نور الدنيا]

اهلين رهف نصيحتي لك سوي خياطه تجميليه 0

[أم الحلو مهند]

السلام عليكم جميعا
كيف الحال ياعسولات
أنا أول مرة أدخل على القسم دا يابنات
أنا جديدة تقريبا على المنتدى بس فرحت انه بنات المدينة مجتمعين :)

أعرفكم على نفسي لو بتقبلوني معاكم..

أم مهند

عندي مهند القمر ربي يحفظه 3سنوات ونص

ودحين حامل والحمد لله في أول السابع

انا متابعة عند دكتورة فاطمة السيد في العقالي

وهي ولدتني في مهند ربي يسعدها

ماشاء الله عليها ذوق واخلاق وأمااااانة شديدة واهتمام بصراحة أنصحكم فيها

ولادتي كانت قيصري بس ماشاء الله تبارك الله الجرح مو مبين أبدا ولا كان عندي أي مشاكل فيه تماما مع متابعتها لي باستمرار الله يجزاها خير


عندي سؤال للي عندها فكرة عن مستشفى الولادة..
هل ممكن تجي معايا دكتورتي تولدني فيه في القسم الخاص؟؟؟

[صبا]

انا بعد من المدينة وباراجع في الوطني عند دكتورة \ نجمه غوث بس هي دكتوره كبير بسن وحريم كثيرا يمدحونها

[حنونه بزمن قاسي]

هلاوغلاا ومرحبا وربي ع بالي انا من المدينه هلالالالالالالالالالالالالاوغلاااااااااااااااااااا اااااااااا
انا معااااااكم بس ابي مساااعده انا شريت حليب حوامل مكمل غذائي اسمه فبى ميلك كيف طريقة استخدامه الله يرضى عليكم

[صبا]

اهلا وسهلا اختي بس بصراحه انا ماعرف الحليب الله يسهل علي وعليك يارب

حبيت اسالكم عن اسما محلات تبيع ملابس حوامل للخرجات والبيت

[حنونه بزمن قاسي]

في السلطانه مررره رووووووووووووعه

[دلع]

اهلين ام مهند
نورتي التجمع..والله ماعندي فكرة عن مستشفى الولاده اذا يستقبلون دكتوره من مستشفى ثاني..
الله يسهل عليك الولاده وتولدين طبيعي وماتحتاجين للعمليه..

[دلع]

صبا اعتقد ان نجمه ماتولد لوحدها لانها كبيره يجي معاها الدكتور هشام
هذي تجربة زميلتي..الله يعينك عليها مره عصبيه..واذا انت اول حمل لك انصحك غيري المستشفى..
وبالنسبة لسؤالك عن محلات الملابس في عندك باسلامه في قباء عنده ملابس خرجات حلوه وشيك كمان الدخيل في سلطانه فيه محلات للحوامل مره حلوه..وسيتي ماكس اللي فمجمع المنار عنده قسم للحوامل ملابسه جنان..

[دلع]

هلا حنونه
والله ماعرف شي عن الحليب

[أم الحلو مهند]

تسلمي دلع
النور نورك ياقمر..

وياريت اللي تعرف منكم تدلني

وكيف مستشفى الزهراء؟؟ لأن دكتورتي ممكن تولدني عندهم