تجمع اللي بيولدوا في شهر ربيع الثاني 1434

[أم جنى فديتها]

الحين يامناووي عندي الم من تحت عند المقعده ههههه وحتى اذا تحركت الكتكوته يالمني....

[LMAR]

مساء الخير كروشات
ياهلا بالكل
وبالاخص ام الزين
حياك الله بتجمعنا نورتي ياعسل



بنات ايش فيكم الكل او الاغلبية يشكي من التعب والالم والطفش
والروتين
قولوا الحمدالله واحتسبوا كل التعب عند رب العالمين
وربي انا بتمر الايام بسرعه
عارفه بتقولوا نفضفض لبعض
بس احيان احس اسلوبكم نابع من طفش وملل من الوضيعه اللي احنا فيها من تحجر والالام وطوووول الايام
لونا نرفع من معنويات بعض ونخفف على نفسيات البعض
مثل اختنا ريما لما طلبت من الدكتور يولدها
وش كان رد الدكتور لها
اتوقع هي لو لقت تشجيع من بنات التجمع بكلمات لامست تعبها واحساسها وبنفسيتها الزفت كان ماجاء ببالها
هالتفكير ابدا
انا ادري عن نفسية الحامل بالاشهر الاخيرة
وكيف بتكون
منها شوق للجنين
وخوف من الولادة والامها بس بالاخير
نقووول الحمدالله
الكل دون استثناء كان يسعى للحمل وكان يبيه
وكل شئ بالحياة له متاعب
وحلاوة الشئ بتعبة
وربي انا احيان نفسيتي عدم
بس وربي لما ادخل المنتدى تتغير النفسيه 180درجة
اغير السوالف ونسولف عن ايش اخر التجيهزات وايش بنسوي بنفاسنا
حبيباتي الكروشات انا مابيكن تتحسسن من كلامي ورأيئ بس جد كل هاذا ينصب في مصلحتنا ونفسياتنا في الاشهر الجايه
اللي احنى فعلا محتاجات للهدؤء النفسي قبل كل شئ

[أم جنى فديتها]

صحيح يالمار..انا بعد زيك احيان مزاجي زفت وما اطيق شي وبس ابي اقضي وقتي فاي شي
ومالي الا هالمنتدى ادخل واتكلم فاي شي ..
الحمد لله على كل حال.. الله لايضيع تعبنا انشاء الله الحمد لله حمدا كثيرآ...
.....

[عديل الروح3]

ام جنى وش ذا
طيب اكتبي كل شي وبشنو تستخدميته
في اشياء توني اعرفها

[LMAR]

انا شريت رشاد لاني بحطة مع التمر وكل نفاسي باكل منه
وبجيب مرة ومحلب وعنزروت وانقعهم واشربهم لانها تنظف الرحم من الدم الفاسد
وبجيب حلب لان بطحنة واكله الايام الاولى من النفاس منها تقوي الكالسيوم بالجسم ومغذي طبيعي
وبجيب يانسون وكراويه للغازات بعد الولادة
وفلفل ابيض وماش بحطة مع الشوربه مفيد جدا جدا للتضيق وتنظيف الرحم والمهبل من المويات
واخر شئ بشري ارطا وبخلطها مع مرة وملح خشن عشان الخياط من تحت للي يولدوا طبيعي
وبس حبيت افيدكم
طبعا كل هالاعشاب مجربتهم في نفاسي اللي قبل
بس انا احب اجهز الاعشاب قبل ولادتي باسبوعين عشان تكون طازة
ومالها وقت
يسلموا
ولاتنسووووا ادعولي بتسهيل الولادة

[عديل الروح3]

صح كﻻمك لمار
ويعطيك العافيه

[LMAR]

بنات انا كان الطفل عندي مقعدي من بداية السادس
بس الحمدالله الاربعاء طمنئي الدكتور وقال لا لف وصار اللحين تحت
وقلتالحمدالله

بس ياخوفي يرجع لوضعه السابق
مدري من كان معها كذا وظل على وضعه ماتغير
انا عادي بس مابي عملية مضارها في المستقبل كثيرة
الله يهون علينا t

[عديل الروح3]

احبي انا سمعت انه الحبي يعدل وضع الجنين

[زوجة السهلي]

انا نفسك من الشهر السادس الطفل مقعد لين دخلت الثامن ونزل الراس تحت والحمدالله اسال الله يهون علينا الولادة والله تدرون اليوم رحت مستشفى الولادة والاطفال في الاحساء علشان ازور بنت اختي في الحضانة وكان معي اختي واخوي ورفض اللي جالس عند الباب ادخل قال بس اثنين قلت انا شفتها بس اخوي ماشافها وراح بدالي وجلست برا عند البوابة واشوف الحريم اللي طالعين مع عيالهم قلت في خاطري الله كريم يسهل علينا ويطلعنا بالسلامة مع اطفالنا اللهم امييين

[أم جنى فديتها]

عديل الروح ..امي تقول لي ونا اكتب ههههههه
معليش انا كتبت سويده اللي هي حبة البركه بس كتبتها مرتين مانتبهت احنا نسميها سويده..
حلبه
*رشاد
*اسبنت
*صمغ*
كزبره*
فلفل اسود
حبة البركه
يانسون
تحاميل ملح مهبليه
*تحاميل مر مهبليه

الحلبه والكزبره والفلفل الاسود وحبة البركه نستخدمهم في اكلة احنا نسويها اسمها الرز الحساوي اللي هي (المخلطه)..يممممممي اموووت فيها..
..والحلبه نحطها في الحليب اشربه يوميا ..
*والرشاد والصمغ ناخذ شوي من مرق المخلطه في طاسه ونحطهم فيها اشربها ترم الظهر ..
والرشاد نسوي بيض مقلي ونحطه معاه مع سمن وسكر كانه كذا ماذكر والله ..
والفلفل الاسود نسوي عصيده خفيفه ونحطه معاها ..
طبعا ماذكر كل شي