تجمع الجزائريات المتأخرات في الحمل و أهلين بالتونسيات الغاليات

[Nourelhouda]

المشاركة الأصلية كتبت بواسطة مريم13

نور منك بالصح رحتي تقري ليوم ههههههههههه
انا قريت 5 سنين في الجامعة جامي بديت نقرا في سبتمبر



سهام مرحبا بيك

مريومة و الله هما اعلنو بداية التدريس في سبتمبر و احنا في بويرة كانو راح يبداو الاسبوع اللي فات و ماحبيناش و هما متاع الادارة ما كملوش خدمتهم تاع البرنامج ،،،، و اليوم تلاقيت مع chef departement قالي مازال ما افيشيناش البرنامج التدريسي للطلبة ،،،، قريب سبيتو جابني نجري يسود سعدو و خليت ماما مسكينة،،،،، و كي سقسيتو على الثلاثاء اذا نجي عندي td قالي اكيد امالا قريب سمع مالا يرضيه و ماحاش نروح ،،،،،،،
راني ندير هكذاك نولي للصفحة اللي قبل و نرجع نشوف،،، خير،،،،،

[Nourelhouda]

البنات عندي مشكل في المنتدى،،، كل ماندير refrech Actualise باش نشوف واش كتبتو تروحلي الصفحة و يدخلي في موقع تاع " اعوذ بالله" تبهديلة حتى وليت نكره ندير اكتواليزي علابيها مانيش نقرا واش راكو تكتبو قبلي ،،،،،،واش ندير ؟؟؟؟؟؟؟؟؟؟ اول مرذة تصرالي .....

[مريم13]

المشاركة الأصلية كتبت بواسطة Nourelhouda

البنات عندي مشكل في المنتدى،،، كل ماندير refrech Actualise باش نشوف واش كتبتو تروحلي الصفحة و يدخلي في موقع تاع " اعوذ بالله" تبهديلة حتى وليت نكره ندير اكتواليزي علابيها مانيش نقرا واش راكو تكتبو قبلي ،،،،،،واش ندير ؟؟؟؟؟؟؟؟؟؟ اول مرذة تصرالي .....

انا تاني تصرالي مي راني مدايرة انتي فيروس كي ندي actualisé تجيني une menace a été détecté

ومن قيل ما نديرو كانت تجيني باج لاعلاقة مي ماش عيب المهم من نهار بيراطاو الموقع ولا هك جربي ماديريش اكتياليزي عودي ولي للصفحة اللي قبلها و من بعد ولي

[سهام فرنسا]

شكرا أختي مريم
حابة نتعرف على البنات شوي يعني شحال عنكم زواج و ......
نحب نقرعج ههههههههههههههه

[Nourelhouda]

المشاركة الأصلية كتبت بواسطة سهام فرنسا

شكرا أختي مريم
حابة نتعرف على البنات شوي يعني شحال عنكم زواج و ......
نحب نقرعج ههههههههههههههه

ههههههه اهلا اهلا بسهام القرعاجية انضمي الينا نادي القرعاجيات انا و جومانة ههههههههه اعضاء مميزات في التقرعيج هههههههه

[سهام فرنسا]

المشاركة الأصلية كتبت بواسطة nourelhouda

ههههههه اهلا اهلا بسهام القرعاجية انضمي الينا نادي القرعاجيات انا و جومانة ههههههههه اعضاء مميزات في التقرعيج هههههههه

و الله راجلي قالي من اللي جيتي لفرنسا و ليتي تقرعجي بزاف قتلو لا شغلة ولا عملة غير نعيط لماما و نبدأ نقرعج على الكارطي تاعنا و صحاباتي و على البنات كامل ماما قاتلي من اللي رحتي لفرنسا وليت نقرعج كيفك وحلفتلي وقاتلي و الله مانزيد نقلك حاجة
دك راني نعيط لسلفتي هههههه
بصح و الله قلبي أبيض و نحب نعرف برك و الله ما ندير والو ههههههه

[Nourelhouda]

من فوائد الاخت المتزوجة
.
.
.
.
.
.
.
.
.
.
.
.
.
.
.

و الله العظيم ما عندها حتى فايده
تجي هي و ولادها الجنون يقلبو الدار و يروحوا
هههههههه ايا البنات احكولنا على ليزاباش تاع ولاد اختكم؟؟؟؟؟؟
انا شخصيا مازال ماعندناش اختي قريب تولد و تجيبلنا اباش صغير يولي يهبلنا هههههههه،،،،،بصح عنيت مع ولاد خالتي ماشي جنون برك قولو الجنون مساكن داو لاروترات على البكري معاهم يا يمى واش دارو فينا لرك رام كبرو و راهم قريب قدي هههههه و اللي ناضولو الشلاغم و اللي رايحة تتزوج الله يبارك و رجعو يتكبرو علينا كي ينرفوني نقوللهم حشاكم يا الخرايين كنت انا نغسللكم و الا نسيتو ،،، ههههههههههههههههههه،،،،،،،،، كانو خالاتي كي يجو يتكسلو و يخلو ولادهم يعثو في الارض فساد و هما مكسلين و انا و خالتي الصغيرة تاع اسبانيا هذاك الوقت ما كانتش مزوجة كنا اسكلاف انا و هي و ماناش ملاح،،،، ايييي هذوك الايام يالطيف ، كانو بزاف و كي يشرب واحد يجيهم كامل يشربو و لازم كل واحد وحدو في كاس و الا يدخلو لتواليت حشاكم يدخلو لاشان غير العناد ههههههههههه و اذا كلاو لازم كل واحد طبسيه و كاسو و فرشيطة تاعو ههههههههه و نغسلو لماعن انا و اختي و خالتي و نبلعو فمنا مانريكلاميوش و درك كي تزوجنا رجعو يتحاسبو معانا على الماعن ايهههههه،،،،،
ايا دالتكم احكيولنا،،،،، حلل و ناقش،،،

[سهام فرنسا]

عجبتني قصتك نور الهدى هههههههه
بصح حنا أكثر من راكي تحكي حنا الأولاد عندنا يعرفو غير يفسدو الحوايج يكسرو المعان و الحوت اللي في لاكواريوم كامل قتلوه مسكين اللي يجبدها و يخليها تتقلب في الأرض و اللي يصيدها باش يوكلها و اللي يلقا حاجة يخرب فيها يعيط للباقيين كامل باش مايروحش وحدو
مرة ولد عمتي دار la peinture للولاد كامل و منحكيلكمش الباقي معروف ههههههه و خلي و خلي الديقات لخراين هههه

[حياتي قمراتي]

اهلاااااا
نور الهدى متنسايش تزيديني لجماعة التقرعيج تاعكم ههههه
هام انا خولة من قالمة ساكنة فبجاية يعني غربة ههههه كيما انتي 21 سنة

[Nourelhouda]

ههههه سهام اذا على التكسرر حدث و لا حرج جداتي ما خلاولها والووووووو حتى الفوتوي حطب و كسروه الماعن التلفزيون يتشبطو في لابيبليوتيك مانحكيلكش و اذا خرجناهم كاشما نعشوهم برا يجيبو تبهديلة الناس كامل يتفرجو فينا،،،،، انا واختي كي كبار و خدامات نحبو نخرجوهم يتعشاو برا و مع اختي صغيرة على جالها ،،،، امالا مرة اديناهم للطيبة فود و كاين الالعاب تماك و بالعسة يعني محدودة العمر و الطول و ولاد خاللاتي كبار شوية كانو يهربو للبنات اللي يعسو تماك هبلوهم و من بعد ولاو يرمو عليها البلوطات و يضربوها بالسبابط حتى جات لينا تشتكي و تبكي و تقولننا: هذو ماشي عباد هادو ماشي عباد و تبكي و تندب في وجهها و انا حكمني الضحك و الله غاضتني بصح. رجعنا للدار خداو المخبط تاع عمرهم من عند خالاتي و جداتي حلفت عليهم ما يزيدو يخرجو ،،،، بصح لوكان شفتو المخلوقة كيفاش و لات تندب تقول حكمتها الهستيريا ههههههههههههههه