التجمع الاول للمتاخرات بالانجاب بعد الطفل الاول

[حب عمري Z]

صباح الخيرات

كيفكم ؟

الله يبارك فيكم ويسعدكم وعقبال كل غالي عليكم

هلا ام حمودي .. كيفك ؟ والله انا كنت خايفه انه يتاثر مع حبوب الدوستنكس ..بس حاليا ماراح استخدمهن
مابي احمل لين يرتفع الفيتامين ان شاء الله


ام الزين .. فعلا المنشطات متعبه حاولي تشربي ميرميه وبردقوش .. وخلي زوجك يحلل .. انا تاخرت سنه وانا اتعالج
من منشطات وغيره ولا حصل حمل لين حلل زوجي وطلع عنده ضعف بالحركه .. وانا عندي طفلين الله يحفظهم
وبطلت استخدم اي شي
لين يتعالج لان علاج الرجاال يطول يبي لهم ثلاث شهور لين يتغير سبحان الله ..


ماروكو ..والله انك رهيبه اول مره اشوف وحده تاخذ منشطات بعد النفاس خخخخخخخخخخخخ
نادره من نوعك ... هههههههههههه .. ومستعجله بكل شي حتى بالولاده انتي طلبتي طلق صناعي خخخخخخخخخخ
ياقلبي ريحي نفسك وعيشي حياتك واستمتعي بغلا بكل مراحل نموها وان شاء الله بتحملي بس تكمل
سنه .. وانتي لسا صغيره تتعبي جسمك ليه .. لكثروا العيال بكره حتى زوجك يالله تقدري تلقين له وقت

وقولي انتي من المدينه ؟ ؟ اكثر البنات هنا من المدينه .. انا واميره واحلا فراوله وام اميره ..
طبعا انا ساكنه بالمدينه والاصل شماليه بس ماراح اترك المدينه ان شاء الله .. لي سبع سنوات فيها
>>>> قالت قصة حياتها خخخخخخخخخخخخخ

اميره .. حلو المحل اذا يوفر كل شي .. بس مشكله اذا القماش مو حلو اخاف من اول لبسه يخرب
ع العموم .. سمينا يوفر كل شي بس الحين احس الناس ماخذه كل شي يمكن قريب رمضان ان شاء الله
ينزل جديد .. انا عيالي خلصتهم وان شاء الله لبسهم اللي لاهلي اخليه للعيد

نتال .. راجيه .. العذبه .. زهره .. ورده .. بيبي .. ام اميره .. احلا فراوله .. رؤى .. وكل البنات اسعد الله اوقاتكم

[احـ(فراولهـ)ـلا]

صبااااااااااااااح الخير كيفكم اليووم شهادة بنتي ,,وصاحين من بدري استعداد هههههه


كيفكم صبايا,,,شو عاملين,,,


هلا ام احمد اخبارك ياااعسل ,,مشكلة البردقوش والمراميه تنزل الضغط عندي ,, وما احب المراميه يمكن اشرب بردقوووش

وكمان اللحين اشرب الاناناس,,



ماروكوو ام غلا كيفك ,,عوودي البنوته على الحليب لابد منه ,, وماعندي خبره بالحليب الصناعي كان افدتك بس سوري ياقلبي

ان شاءالله البنات يفيدووك ,,




حب كيفك اللحين ان شاءالله احسن,,فعلا حلوو سمينا انا رحت اللي بسلطانه احسووه احلا من غيره ,, والله يعين



ووووين الحلوووووووات ,,

[حب عمري Z]

اميره .. نسيت ياقلبي ابارك لك الف الف مبرووووك نجاح صعوبي وعقبال شهادة حفظ القران وترتيله والدكتوراه
ان شا ءالله

احلا .. هلا بك قلبي اي والله الحمدلله الحين بخير الاعراض اخف من اول بس الدوخه ملازمتني اعوذ بالله
وصحيح سمينا اللي بسلطانه احلا دائما اروح له .. العاليه مشوار ههههههههه

[وردة حلب]

اهلين بكل القمورات

احلا فراولة ...اهلا يا عسل ...نحن بخير والحمدلله ...ومبروووووووووووووك نجاح بنتك وعقبال الدكتوراة

ماروكووو...والله ياقلبي ماعندي خبرة بالحليب الصناعي ...ان شاء الله البنات بيفيدوكي

أم احمد...منورة يا عسل ...الله يقومك بالسلامة ويتمم حملك على خير

حب عمري ...اسعد الله اوقاتك ياعسل

[سـAـاره]

ماروكو تسلمين ياعسل رحت للممرخه بعد ماطفشت من المستشفيات لان رحمي كان نااازل ومايل حتى بحمودي تمرخت قبل احمل مع العلم اني رحت لكذا ممرخه والاخيره الحمدلله حسيت بفرق وتحسن على يدها
وبالنسبه للبلفيت اتوقع الجزر يجيب لها امساك جربي الفواكه

حب تري فيتامين د تاخذين له دواء طول العمر المفروض تسوين تحليل بعد ثلاث شهور من الابر او الحبوب بعدها تستمرين على نقط طول عمرك وحاولي تزيدين شربك للمويه والسوائل لان الحبوب قويه


احلا فرواله الميراميه هي اللي تنشط التبويض البردقوش ينظم هرمونات الجسم وهو اللي يخفض الضغط


وردتنا امين يارب تسلمين حياتي

[اميرة بلا مدينة]

احلي فروالة الله يبارك فيكي ياعسل ...ويارب قريبا تبشرينا بحملك يارب ....وفعلا سمينا بنفسك عندو اشياء كثيرة حلوة للبنات يلبسوها بالهناء يارب وافضلك فعلا من الان تخلصي وترتاحي وبالتوفيق لا بو الشباب في اختباراتة




ماركووو الله يبارك فيكي ياعسل وعقبال غلا الحلوة يارب لمن تاخذ الدكتوارة ....وفعلا اوس اتبسط بالفرش وارتحت من هم مسح السراميك يوميا وخايفة مع المسح كمن يطيح علية لاسمح الله ....بالفيت تقصدي اللي زي السريلاك نوعي لها مرة بالفواكة ومرة بالجزر حبيبتي وبالعافية ع غلا الحلوة ....,وفعلا سنتر بيونت الخامة حلوة وتبقي فترة معاكي بس موديلات وحدة ومافيها حركات مميزة ...وسمينا بنفسك مرة اشيك وافخم ....تصدقي اوس من لمن كان بالاربعين مستحيل يرضع وهو صاحي ابدا لو يجلس 7 ساعات مستحيل يرضع بس يرضع بالليل وهو نايم ورضاعتة جدا قليلة ....لاتحطي البلفيت بالرضاعة اسمع انو يتخنن مرة الطفل خلية بس للاكل واكليها خضار وفواكة مسلوقة وعصيرات طبيعية ...وحاجة طبيعية مع الاكل الان تقل رضاعتها عن اول اهم حاجة انو ماتتركيها عنها وحاولي وقت ماهي جوعانة تبدي لو شوية حليب وبعدها الاكل





ام احمد هلا وغلا ياعسل الله يبارك فيكي وعقبال حمودي وربنا يقومك بالسلامة ياعسل ....البيبي مستحي شكلوا ويبغاها مفاجاة هههههههه ان شاء الله الشهر الجاي تعرفي جنسو ويكون ترك حركات المشاغبة ههههه







حب ياهلا بنت مدينتي حبيبتي الحمد لله انك افضل الان ....فعلا قهر اذا الخامة تعبانة تشتري ع الفاضي حلوة اللبس في قماشة ....وقريب رمضان بينزل سمينا ملابس جديدة والان الاغلب راح مع التخفيضات....الله يبارك فيكي ياغالية تسلمي والله




وردة قلبي اسعد الله مساكي ياغالية اخبارك وكيف حمودي وليونة مع الاجازة ان شاء الله ماتعبتك




بيبي - نتال- ارياف- طمنونا عنكم

[احـ(فراولهـ)ـلا]

الله يبارك فيك ياوردتناااااااا ,,,.


ام احمد ان شاءالله نجربها والله يكتب لنا الخير,,


ام اميره تسلمين يااقلبي,,, والله يعينا على الاختبارات ,,



باقي الصباااااااااايا الله يسعد اوقاااااااااتكن بكل خير ,,

[ماروكوو]

اسعد الله صباحكم

وش عندكم يابنات مقاطعين الحليب الصناعي شكلكم طبيييعي والله افضل للبيبي

وبالنسبه لي لا انا ساكنه بالرياض هههههههههههههه بس فظوول احب الاسئله

لا انا بنووتتي اعطيها الفواكه اول ماتصحى وبالجزر لما تقرب تنام وقريبا زوجي بيشتري لها بالذره وبعطيها بنص يوميها وفعلا لاحظت ان وزنها تحسن

وبالنسبه لسمينا والله حمستوني اقضي للعيد وافتك خخخخخخخخخخخ

يابنات ياطعومات عطوني وصفات اكل لعيالكم بس حبوها ومتنو عليها جربت معها فواكه مسلووقه ومخلوطه بالخلاط مع عصير برتقال ومااااااااااااااااحبته يمكن لانه حامض هههه

[حب عمري Z]

صباح الخير

ام احمد .. الله يعين طول العمر على كذا كل اللي بالمستشفى يخلص من الفيتامين لان 90% من السعوديين
عندهم نقص بفيتامين دااال ... الله يشفينا وياجرنا .. طيب انتي مع الحمل رجعتي له اتوقع بالرابع تاخذي نقط صح ؟
عشان ماياثر النقص ع الجنين
والماء اكثر منه وقت ماشرب الحبه والسوائل هي اهم شي لان نفسي منسده عن الاكل سبحاان الله

احلا .. الف مبروووك نجاح العروسات وعقبال ما نبارك لك بزواجهم يااارب

ماروكو .. يعني انتي جارت ورده .. وارياف الله يذكرها بالخير .. والله ياقلبي الطفل اول مره ما يتقبل اي شي
بس حاولي شوي شوي تعوديها .. وحلو الزبادي مره مفيد عطيها منه .. والعصيرات اذا ما تحبها حليها
بشوي عسسسل .. والخضار انتي تسويها بالبيت لبنتك احسن من الجهاز ماحب اكل الطفل الجهاز
اسلقي لها اي خضار واخلطيه بالخلاط وطعميها .. الله يبلغك فيها وتشوفيها عروووس


باقي الحلوات اسعد الله اوقاتكم

[سـAـاره]

حب نقط فيتامين د وقفتها من بداية الحمل الدكتورة قالت لازم اوقفها فترة الحمل وبعد الولاده ارجع لها والله يشفينا اجمعين

ماروكو سبحان الله حتى انا زواج اخو زوجي قريب وتوي شريت اكياس شيفون وبحط فيها توزيعات للأطفال من كاكاو وحلاوه ويمكن دبدوب صغير

ريوفه يارب تبشرينا قريب قولي لنا اش تستخدمين واش طلع عندك

بيبي الله يعينك فعلا الوحده فينا احيانا خلاص صعب تمسك اعصابها بس حاولي قد ماتقدري ماتضربيها مره ثانيه لاتجيها عقده وتكره اختها الله يعينك

قلبي كسرني الله يعينك اذا كنتي مركبه لولب حيكون هو السبب اذا استمرت مشكلتك حاولي تشيكي عليه او تغيريه ممكن ماناسبك

غلاتي ولدي حياكي الله معنا واسأل الله ان يشفيك ويرد كيد من سحرك في نحره استمري على سورة البقرة والرقيه اسمعيها واقريها وادعي دايم والله يرزقك يارب
انا ماكان معمول لي عمل لشخصي كان فيه سحر قديم مرشوش عالباب واثر على كل اللي بالبيت الله لايوفق كل من مشى في هالطريق ويجعل مثواه جهنم تحرق فيه طول العمر

برينسس طالما انتي سليمه وزوجك سليم لاتدخلي في مشاكل المنشطات
فهمت ان رحمك مايل حاولي تروحي لممرخه شاطره وتخاف الله انا حملت بعد ارادة الله على يد ممرخه كان رحمي نازل ومايل حتى حسيت بفرق مع زوجي وحملت بنفس الشهر الحمدلله
الله يرزقك الذريه الصالحه يارب

visionsمبرووووك وعقبال باقي المواد والتخرج ان شاء الله
انصحك تولدي ببيتك ووقت مايجون ضيوف كلمي امك او عمتك تجي تستقبلهم حل مريح للجميع

حنان الله يرزقك يارب احسك استخدمتي انواع موانع كثير وممكن هي سبب التأخير انا حملت بعد ماوقفت ياسمين بسنه و9 شهور تقريبا


برود اعصاب حياك الله ويارب يكون هالتجمع فال خير عليك وتبشربنا قريب بحملك

وردتنا الف سلامة عليكي حاولي ماتشيلي اشياء ثقيله وان شاء الله مافيكي الا العافيه

احلى الله يبارك لك بتبويضك وتبشرينا هالشهر يارب

زهوره استودعتكم الله الذي لاتضيع ودائعه ان شاء الله تكون عطله سعيده وتنبسطون


اخباري ماقدرت اصبر لموعدي ابغى اعرف جنس البيبي ورحت عملت سونار بمستوصف قريب مني والحمدلله عرفت نوعه بعد معاناه كان لام رجوله ونايم على بطنه وبالغصب شافت و الحمدلله قالت لي 70% معي بنوته
وحاطه ببالي هالاسماء رند-ريما-كيان شو رأيكم انا عاجبني رند وكمان معناه احلى اذا كان صح شجره طيبة الرائحه تنبت فالشام