تجمع حوامل الأشهر الأخيره(السابع,الثامن,التاسع)

بسبوسه2 · 08-29-2012, 07:04 AM

صباح الخير كروشات الله يهون عليكم كلكم وتقومون بالسلامه
وان شالله انا الي بخونكم هاليومين هههههه
بحوره كيفك ياحلوه والله يعينك مع السهر هاذا الي احاتيه من الحين بس احسن شي تسويه اذا نام ولدك اي وقت نامي معه ماعليك من احد اهم شي صحتك النوم ضرورض
بيري اهلين ياقلبي مبروك ختان ايهم وانا احب اطلع من المستشفى مختنه اولادي عشان يادوب يخف الجرح
وبالنسبه للخياطه اذا انتي متأكده انها مفتوحه روحي الدكتوره احسن انا صارت لي مره طاح الخيط ولا التأمت الخياطه والمفروض رحت بدري للدكتوره عشان تسوي لي كيي ولكني تأخرت بعد الاربعين وقالت بعطيك جل ومراهم والله يعينك تتحملين لين تولدين مره ثانيه وتصلحها لك الدكتوره

اتغذي زين وخلي عنك الشغل والارهاق موزين للجسمك بعدين تتحسفين ليه ماولدتي عند اهلك

AlshooG · 08-29-2012, 07:10 AM

بنات انا اي شهر بالضبط والله مو عارفه شيء

هنا بامريكا مايقولون لك حملك بالشهر
يعطوني بالاسبوع وبكره اكون 29 اسبوع

بسبوسه2 · 08-29-2012, 07:15 AM

اقتباس:

المشاركة الأصلية كتبت بواسطة alshoog

بنات انا اي شهر بالضبط والله مو عارفه شيء

هنا بامريكا مايقولون لك حملك بالشهر
يعطوني بالاسبوع وبكره اكون 29 اسبوع

اهلين حبيبتي
انتي اتوقع بنهاية السادس او بداية السابع
حتا هينايالسعوديه يحسبون بالاسبوع

ونادر انهم يحسبون بالشهر

AlshooG · 08-29-2012, 07:15 AM

وينكم انا باي شهر وكم بالضبط

AlshooG · 08-29-2012, 07:16 AM

بسبوسه يسلمو فديتك والله يسهل عليك يارب

وميض النجوم · 08-29-2012, 08:59 AM

29 اسبوع يعني في آخر السابع تقريبا لان 31 اسبوع تدخلين الثامن

بحر الالماس · 08-29-2012, 09:17 AM

29 اسبوع صححح زي ماقالت اختي وميض انت بالاسبوع 3 من السابع يعني اخر السابع
ربي يقويك ياقلبي

غلاج بقلبي لا توقفي قراءة القران وانفخي علي موية وعلي عسل وعلي بطنك
تري من جددد العسل له فوائد عظيمةةة بس مايحس فيها الانسان

بيرررري ارتااحي ياعمرري انت مثلي ماتقدري تمسكي نفسك حتي وقت تعبك
الله يهديك وبعدين الجرح اذا انفك محتاج عنايةةة بس ليتك تستشيري الدكتورة احسن
معاكم ياغالياااات بقلبي وروحي وانتظررر ولادتكم السعيدةةة

نادرة · 08-29-2012, 11:13 AM

صباح الخير

غلاج خلي معك حلتيته وشميها كل شوي لين تخلصين ولاده
لانها تفتح الرحم بسرعه ، حتى السستر اللي عندي يوم اولد قالت لي كذا

فوفو85 · 08-29-2012, 11:31 AM

كيفكم كروشات مبروك للولدو بالسلامه وعقبال الباقين ربي يهون عليهم وعلينا
اناا من الشهر الثالث للحمل وانا آخذ ابر الهبرين المسيله للدم لانه حصل لي اجهاض مرتين من قبل بسبب انه دمي يتجلط وما يصل للطفل فهذي الحقن تسيل الدم وتوصله للطفل المهم بغيت اعرف اذا في وحده نفسي لانه الدكتور يقول لي واصلي هالحقن لين نهايه الشهر الثامن حبيت اتطمن اذا في وحده نفسي او تعرف وحده نفس حالتي تآخذ هالابر الين الشهر الثامن ياليت تطمني ويجزاها الله خير

وميض النجوم · 08-29-2012, 12:55 PM

ماعندي علم والله .. الله يسهل لك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ألم الحوض في الأشهر الأخيره من الحمل	سماسم	إستفسارات حوامل من الشهر السابع إلى الشهر التاسع	42	09-09-2014 05:45 PM
دوالي الساقين لدى الحامل في الأشهر الأخيره	سماسم	إستفسارات حوامل من الشهر السابع إلى الشهر التاسع	9	07-06-2014 07:31 AM
تجمع حوامل الأشهر الوسطى(الرابع,الخامس,السادس)	سماسم	إستفسارات حوامل من الشهر الرابع إلى الشهر السادس	28122	06-15-2013 08:36 AM
الإفرازات الدمويه في الأشهر الأخيره من الحمل	سماسم	إستفسارات حوامل من الشهر السابع إلى الشهر التاسع	12	05-17-2012 05:38 PM