دردشة حوامل أهل جدة - دردشة بنات جدة - تجمع حوامل مدينة جدة

[H&H]

ام آدم
اهلين ياقمر كيفك طبعا اكيد خلاص يوم او التاني ونسمع بولادتك باذن الله
الله يقومك بالسلامة ويفرحك بشوفة ضناكي
فعلا صدقتي الخامس تحسي نفسك خفيفة نوعا ما، عشان كدا انشغلت في
شغل البيت وايام من الثقل وانتفاخ البطن حركتي تصير ثقيلة جدا ...

ريمو
رحت مرة زيارة للدكتورة ناهد في المستشفى السعودي بناءا على مدح وحدة ولدت عندهم بصراحة الدكتورة ممتازة بس سألتها اذا تولد في مستشفى
ثاني وقالتلي انها تكلمت مع المدير بس لسه ما اخدت موافقة عشان

أم امجاد
تمنيت افيدك لكن اللي اعرفه ان مستشفى المستقبل ممتاز وفيه دكتورة
اسمها فاطمة شفت البنات كاتبين عنها يمدحوها ..
ادخلي تجمع بنات اللي مسوين ربط ان شاء الله يفيدونك
الله يثبت حملك ويقومك بالسلامة

[همسات قلبي]

تسلمي h&h
راح أحاول اغير من وضعي


لذه

روحي لأسماء شحرور الكل يمدحها وربنا يسهل لك ولكل وحده


الله يبعد عن الكل الشر

[شهرزاااد]

عمتووووو
الله يسهلك حبيبتي كلي رطب بنية التيسير واكثري من الاستغفار ترا مافي أفضل منه والصلاة على النبي مع الادعية والقرآن وكمان حاولي تمشي كثير
والله يهون عليكي تعب الحمل ويرزقك الولد الصالح الي تفرحي ببره

ام آدم
شكرا على هذي الفكرة وفعلا زي ما قالت الاخت goge خليتيني افكر مع نفسي ايش انبسطت منه والي طفشني
انا انبسطت من اني ما عرفت اني حامل الا وانا في اول الشهر الخامس
لأنه كانت بتجيني زي الدورة في نفس التاريخ ونفس الالام بس الدم الله يكرمكم اقل واخر شهر الي هو الرابع ما جاتني فقلت اروح اشوف ايش فيه
طبعا حللتلي لقتني حامل وانا بصراحة ما كان ببالي خاصة اخر طفل عندي عمره 10 سنوات ولمن عملتي السونار قالت انتي بأول الخامس ففرحت كثير لانه هونت عليا المسافة وزي ما قلتوا حركة البيبي طبعا
واللي مطفشني الحرقان له حوالي اسبوع بس احس زي النار الله يجيركم في معدتي والبلعوم والله يهونها طولت عليكم سامحوني

goge
لا تقلقي نفسك ان شاء الله يكون طلق مع انه باقيلك 33 يوم وكل ما طول البيبي في بطنك يكون افضل
ربي يكتبلك الخير ان شاء الله والساعة المفترجة
لا تنسينا من دعاءك

H&H
أهلا فيك والله يسهلك ويسهلنا معاكي

لذة
لازم تشوفي دكتورة كويسة ولا تستخدمي التحاميل إلا إذا تأكدتي إنها كويسة لوضعك
والله يكتبلك الي في الخير

أم أمجاد
وعليكم السلام
أهلا فيك وإن شاء الله يعطيكي الولد الصالح الي تتمنيه ويفرح قلبك وترا البنات فيهم خير وبركة وكل شيء من الله رزق لنا نحمده ونشكره عليه
والله ييسرلك ويتمم على خير

بنات كل وحدة تولد تطمنا عليها ولا تنسانا من الدعاء

[&لــــــــــذه&]

الدكتوره اسماء الشحرور باي مستشفى فديتكم قسم ادعي ربي ع الاخوات اللي عندي انتظر ردكم ومشكورين عشاااااااااان محد طنشني بس رايكم ماخذ التحاميل لانهاا مسببه التهاب خارجي وداخلي واحس رحمي منتهي مووت خاااايفه حيييل ي بناااااات..

[GoGe]

لذة حبيبتى بالنسبة للدكتورة انا لا اعرف بس استنى لما تروحى للدكتورة الثقة وهى تقولك على اللى يصلح لك ولا تستعجلى والف سلامة يا قمر

[GoGe]

h&h انا فاضلى يومين وادخل فى التاسع الله يهونها علينا جميعا وشكرا على ردك يا قمر
ام امجاد اهلا وسهلا بيكى وان شاء الله ربنا يرزقك بولد سليم صالح

[GoGe]

شهرزاد شكرا يا حبيبتى على دعائك وان شاء الله يهونها علينا جميعا

[شهرزاااد]

لذة
الدكتورة اسماء شحرور في عيادة خاصة في بناية نورة على شارع فلسطين
بجانب مستشفى سليمان فقية
واعتقد هذا رقم العيادة
رقم الهاتف: 6650860
رقم الهاتف: 6653534
نصيحة لا تاخذي التحاميل لين تشوفي دكتورة كويسة
بس روحي بكرة لا تتأخري على نفسك
طمنينا

[همسات قلبي]

لذه
لا تتاخري روحي ولا تكوني في قلق
وزي ماقالت شهرزاد الوصف صحيح
والله يطمنك يارب
بس طمنينا عليك

[عمتووووووو]

سلااام ايتها الرشيقـــــــــات

همسات قلبي
امييين يااااارب
ان شاء الله في الخامس نفسيتك تتحسن ويخف الاكتئاب
ويارب يسهلك اختباراتك ,, ويهون عليكي حملك وتقومي بالسلامة


GoGe
تسلميلي حبيبتي ولك بالمثل يارب


H&H
تسلميلي حبيبتي ,, الله يقومك بالسلامه ,,
ودايما أقووووول الجنة مو ببلاش :) :) :) :)

شهرزاااد
اكلت رطب الين خرج من خشمييييي ..ههههههههه
تسلميلي عالدعوه
الله يتمملك حملك على خير ... وترا كلهم نعمه ورزق من ربي, ماتدري مين انفعهم لك.. الله يجعلهم بارين صالحين..

&لــــــــــذه&
الف سلامة عليكي طمنينا
وابدا لاتروحي الجدعاني .. اسوأ مستشفى في الحياه

ام امجاد

اهلا فيكي معانا ..
خبرينا عنك ,, اي مستشفى تراجعي ,
الله يرزقك الولد الصالح ياااارب