تجمع اللي بيولدون في شهر ذو الحجه

[كليجه]

ام سامر 9/11/2011 (لم يحدد )
عسله 12/11/2011 (ولد)
صفاء قلب 16/11/2011 (لم يحدد)
اجوان 16/11/2011 (لم يحدد)
ساره 17/11/2011 (لم يحدد)
حبيبة موني 17/11/2011 (لم يحدد)
فيونكه بلون الفراوله 18/11/2011 (لم يحدد)
عطر المكان 19/11/2011 (لم يحدد)
كليجه 21/11/2011 (لم يحدد)
دلوعته واحبه حبيبي 22/11/2011 (لم يحدد)
دادو 23/11/2011 (لم يحدد)
اميرة وين ما كنت 24/11/2011 (ولد)
ام عبدالله86 24/11/2011 (لم يحدد)
منوش2 30/11/2011 (لم يحدد)

أنا جبت الجدول عشان ما يضيع والي ما أضافت موعدها تحاول تعدل عليه وحيبقى معانا لحد ما تولد آخر وحده فينا

[اجوان]

عسله سوري اتاخرت بس خلص اشتراك النت والحين رجع ..
شوفي اتش اند ام فرع التحليه ..

كليجه,,
كيف حسيتي بحركة البيبي؟؟ انا احيان حس زي النبض ومدري كيف هذا البيبي يتحرك يعني؟؟

[كليجه]

عسله
ليه تروحي الصين ؟؟؟؟؟
أدخلي المواقع الصينيه الي تبغيها واختاري الي يعجبك وحولي القيمة على الحساب ويكون عندك اشتراك بصندوق للشحن أو البريد ويوصل طلبك لحد عندك
وعلى حسب المواقع الي تتعاملي معها فيه مواقع خاماتها جيده وفيه غير كذا أنا أحب أشتري من السوق لأني أشوف الشي بنفسي بس لما أضطر أشتري من برا عشان أوفر بكثير

حبيبة موني
ما أنصحك تجهزي دحين .. أنا بالنسبالي أحس إني ما حييجي العيد إلا وأنا أشحت لأنها مصاريف الصيف والسفر +مصاريف رمضان +مصاريف العيد (زوجي حينتحر ) عشان كذا أجلت الموضوع بعد العيد أو في ذو القعدة

أجوان
حسيت بالحركه تحت السره على جنب شويه وكأنها نبضه وحده داخل البطن أو كأن حاجه طاحت في بطني جهة النونو وهيه مره وحده حسيتها طول اليوم ومو كل يوم لأن صارلي أربعة أيام تقريبا من حسيت فيها ..وعقبالك

بنات :::: أحس وزني زاد بس مو مهم لكن الكلف بدى يغزو رقبتي ؟؟؟؟مره جاي يحارب العنتر...إش أسوي ؟؟؟

[GhoOosha]

السلام عليكم ياحلوين...انا كمان معاكم يوم 4 ذو الحجه ان شالله لانو كل شويه يقولو شي جديد ما عرفو متى حملت لانو اساس عندي لخبطه بالدوره ..المهم انو اخر كلام ذو الحجه

ياريت في احد من الرياض انا جديده هنا وماني عارفه مستشفى كويسه..رحت الالماني وبعدين حبيب..ياريت اللي عندها فكره عن دكتوره كويسه ومستشفى تقولنا
والله يتمم علينا حملنا ويسهل ولادتنا يارب

[فيونكه بلون الفراوله]

كليجه انا حسيت بالحركه يوم الخميس الساعه 12 باليل وكااااااااااااااااانت وااااااااااضحه كثييييييييييييير
ولحد الان من انام على ظهري احس فيها كثير واضحه يعني عادي يا قلبو
وملبوس العافيه يالغلا تتهني فيهم يارب

[عسله]

كليجه .,.
قلبو لا ماحروح الصين .,.
والوزن والله انا دحينا زي حالتكي باين عكس الشهور اللي قبل
والكلف والله ماعندي خبره .,.

بنات انا لحد الان ماحسيت بحركه البيبي ؟؟؟ مرره خايفه

[حبيبة موني]

اللهم آنا نسألك حسن الخلق وهون الطلق

[قلبيــ مدينهــ]

كيفكم حبايبي ...أنا دخلت الاسبوع 19 يعني الخامس بس أحس بضربات قلبي عند النوم مرة سريعه قلقتني مع كتمه وضغط على جهة القلب بس عند النوم ومع بذل المجهود ...اش تفسيرها ارجوكم ردوا عليا ...بليييز

[اجوان]

عسله,,
انا مثلك للحين ماحسيت بحركة البيبي والله شكلو اطفالنا كسالى ههههههههههه
عموما لاتقلقي يمكن ماتحسي فيها الا بالاسبوع 19 او 20 مو شرط الحين..

[عسله]

اجوان
مو اختي تقولي خليه مروق يمكن هو زي ابوه هادئ



قلبي مدينه
الف سلامه عليكي .,.ة للاسف ماعندي خبره .,.