تجمع حــوامل التوائم

[أم ياسمين]

حزن الزمان:لا تبجين حبيبتي الحمدالله يا ربي ما يصير الا اللي الله كاتبه وما راح يضيع تعبج.
لغة الحب:الحمدالله على السلامه حياتي الفال لنا و ما تشوفين شر.

[توأم روحي]

هلا والله محجبه وزود الغلا شلونكم انا امس كان عندي مراجعه في الصباح بس دكتوره علياء ماكانت موجوده مسكينه اهي بعد حامل انا أخاف تولد قبلي واتوهق المهم بس سويت سونار و الحمدلله قالوا لي وزن البيبيات تقريبا 600 بس بينهم 20 غرام فرق بس انا صرت وايد متينه الله يستر بعد الولاده طبيعة جسمي بسرعة اسمن مع الحمل بس امي و زوجي يقولون لا تحاتين جسمج وايد كله يروح مع الولاده و الرضاعه بس صرت مثل الكره و انا طويله مو حلو علي المتن لا تستغربون اذا قلت لكم اني زايده عشرين كيلو تقريبا شلون بصير بالتاسع مادري بس اهم شي عندي صحة عيالي انشاءالله يكونون بعافيه يارب والله يحفظهم من التشوهات. انا طبيعة شغلي اتعرض لمواد خطره بالمختبر و وايد خايفه من التشوهات لا سمح الله انشاءالله يحفظهم ربي و يبعدهم من التشوهات. الله يهون عليكم ماشاءالله عليكم محجبة وزود الغلا مسوين جو حلو دايماً تسألون والله ما تقصرون والله هذا التجمع وايد هون علينا الخوف و المحتات. والله الواحد يوسع صدره و يلقى من يفضفض له خصوصاً لما يكون نفس حالته. والله كل البنات ما تقصرون من غير استثناء الله يسهل عليكم ويجزاكم خير على نصايحكم و يجعله في ميزان اعمالكم.

لغة الحب. الحمدلله على سلامتج و مأجوره انشاءالله الله يحفظ عيالج ويبعد عنهم كل سوء.

[توينز 2010]

الف مبروووك لغة الحب ومبروووك ماجاك وحمد لله ع السلامة

[جومانا]

سلام بنات
لي يومين اعاني مغص مرررة قوي واسهال
ماني عارفة من ايش وخفت واكلت من حبوب التثبيت

[البرنسيسة..؟]

لــغــة الــــحب,,
أول شي الحــــمد لله علــى سلامـــتج..
وألـــــــــــــف مبــــــــرووووووووووكـ ماجاج..

[البرنسيسة..؟]

أمس كان عندي موعد وتطمنت على البيبيات بس الاثنين معترضين (مافي مفر من العمليه هههه)وعلى حساب السونار انا الحين في الاسبوع 35 و5 ايام..

[زود الغلا]

صباح الخير
البرنسيسة ............ يالله مابقالك شي الله يهون عليك ويسر امورك .
توام روحي ..........انا اليوم العصر موعدي بالصباح بس خايفة مادري ليش اخاف من السونار ............ بالنسبة لزيادة الوزن عادي لا تفكرين بعدين تصيرين رشيقة :) اهم شي البيبيات ........... انا عكسك خايفة صارلي شهر ونص مازاد وزني ......... ومن حملت لي الحين يمكن زدت 7 كيلو ونص بسس ......مع ان جسمي مليانة مع ضعيفة وانا قابلة لسمنة بسرعه امتن ما ادري شسالفة .......قالتلي الدكتورة عادي بالسابع راح يزيد وزني .

[حزن الزمان]

لغة الحب مبرررررررررررررووووك والحمدلله على سلامتك ... برنسيسة الحمدلله انك تطمنتي ...
امس رحت موعدي والدكتور قال استمري على التحاميل وطبعا هو يحاول اني اوصل 37 أو 38 بس مادري بوصل يارب يا بناااات ... ويله خلونا نسمع قصص ولادة ...

[زود الغلا]

حزن الزمان ............شلونك حبيبتي .........الله يتمم ويهون عليك لا تستعجلين على الولادة كل شي بوقتة حلو :) وحاولي تريحين نفسك قد ماتقدرين عشان تكملين لي التاسع يارب .

[حبيب قلبي عبود]

لغة الحب الف الف مبروك
الحمدلله علي سلامتك
ليش مااحد كتب لنا قصة ولادة بس توامي