دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[Om KHaled]

المشاركة الأصلية كتبت بواسطة نلي خانم

كيفكم ياحوامل
والله أكتب لكم وأنا أبكي مره تعبت من الوحم والله عذاب يابنات مايجلس شي في بطني ماعاد أكل ألا عيش وجبنه وحليب وتمر واليوم قريت عن التمر أنه خطير قلت بوقف والله تعبانه موت غثيان طول الوقت
الله يحفظ لي أم زوجي هي اللي متكفله بالفطور والسحور لكن ترسل أكل ماأقدر أكله مقليات وتونه وأنا أبي خفايف وخضار
أنا أفطرت يوم بسبب الجوع ليل نهار ماأكل زين ماأدري شسوي تعبانه

أدعولي ربي يخفف عني حتى الصلاه أصليها بسرعه وماأطول لأني كل ماأركع وأسجد يزيد الغثيان وأنا بس أصلي الفروض نفسي أصلي قيام بس مو قادره

ياااااااااااارب تخفف عليه وحمي
قولوا أميييييين

حبيبتي هدا هو حال الوحم ويكذب عليكِ اللي يقول ان الوحم يخليكِ تاكلي اي شيء تشوفيه , انا عن نفسي كانت اسود ايام حياتي مرحلة الوحم اللي لسة خلصت منها ودخلت بالشهر الرابع والحمد لله , اما عن المرحلة اللي انتِ فيها لازم تكونِ صبورة ان شاء الله راح تعدي على خير وترتاحي منها اما بخصوص التمر انا باكله كل يووم وما اظن انه اله ضرر على الحمل ...
ربنا يصبرك ويعطيكِ القوة عشان تتجاوزي هذه المرحلة الصعبة
متمنياتي لكل حامل السعادة الزوجية الهنيه

[لنو الدلوعه]

كروزه
انا كمان قالت مو باين بس شكلي بروح عند وحده في مستوصف العيساوي في العتيبيه اسمها امل فاضل يمدحوها بس ماقد جربتها ولا اعرف احد جربها قريت عنها في النت
الله يسهل علينا يارب
نور متل ماقالت لك كروزه انا كذا جاتني حكه مره طفشتني وقلت للدكتوره وما اعطتني ولاشي لا غسول ولا معقم ولانصحتني باي شي نسيت الموضوع تماما حسيت ماعندها سالفة مدري كيف جات دكتورة وكان عندي صعوبة في التبرز الله يكرمكم وينزل دم بس قالت لي اشربي عصير برتقال طازج
رفعت ضغطي
الحكه اخذتلها معقم من الصيدليه اسمه بوفيدين بس ماينفع الا بعد الشهر السادس واحسه مو مرة بس خففها
اخر شي استخدمت مويه دافيه مايله للسخونه شوي وملح والحمدلله خفت عن اول كتير وطبعا ماتنسي تجففي المنطقه بعد كل دخول للحمام الله يكرمكم

[لنو الدلوعه]

بنات اللي تعرف محلات تبيع ملابس حمل حلوه في مكه او جده تدلنا عليها
مرررررررررررره مافي شي زين تعبت والله حتى الجلابيات مو حلوه مره

[Om KHaled]

مشكورة اختي لنو الدلوعة على المعلومة , ملابس الحمل انا كمان نفسي اعرف وين الاقيها وما اعرف انا شيء بالمنطقة لاني غريبة عنها ومن دولة اخرى


اكيد انتو عارفين مشكلتي هده , بس عايزه اعرف كيف باتنزل مني مية صفرا وناحامل وهل هالشيء يفسد الصيام وكمان خايفة ليكون حصل شيء للجنين , و عايزة اعرف بخصوص الجماع في هدة المرحلة , هل ليه ضرر للجنين ؟؟؟
اتمنى تجاوبوني بخبرتكم وتجاربكم
تحياتي للجميع

[لنو الدلوعه]

اهلين نور
فيه محل في الضيافه بس مافيه اشياء حلوه الا شي بسيط واسعاره مرررررررررره غاليه اسمه لواء فيه له فرع في العزيزيه
فيه محلات بالعتيبيه بس ماقد رحت لها سمعت عنها بس
فيه محل قالت لي عليه وحده في منتدى اسمه نيو ماما في الشرايع بس مارحت له للان
فيه سوق اسمه سوق التنعيم لقيت فيه ملابس حمل بس رافعين اسعارها مررررررررررررررررررره لانها صناعه تركيه
وهذا اللي اعرفه فيه جلابيات في الستين وتقريبا اغلب الاسواق بس موكلها راح تعجبك
الله يكتب اللي فيه الخير
وبالنسبه للافرازات انا كمان تجيني بس احسها عاديه اذا ماكانت كثيره مره اما لو كانت كثيره استشيري الدكتورة افضل وتأثيرها على الصيام ما اقدر افتيك فيها بس ان شاء الله مافيه شي
بس الافضل تروحي تسألي دكتورتك عن المويه اللي بتنزل
والجماع اذا في الثلاثة الاشهر الاولى لاتكثروا يسبب اجهاض مبكر
الافضل يكون معتدل يعني مره بالاسبوع
وفي الاشهر الاخيره يسبب ولادة مبكرة انتبهي
الله يستر عليك ويثبت حملك يارب

[قمر ليالي مكة]

بنات كيفكم
امانة اللي تعرف رقم شغالة تجي باليوم او بالشهر بس من دون ماتنام عندي بالبيت تفيدني
اندونيسية - حبشية - اي جنسية كانت..
اذا عندكم شغالات امانة تسألوهم إذا يعرفو
والله بكرة عندي عزيمة حريم ورجال وانا بطني لحلقي وماني عارفة مين يساعدني
مالي غير الله وغيركم
امانة تردو علي
امانة

[كروزه]

ودي اخدمك

يارب تسهلك

[Om KHaled]

اخت لنو الدلوعة الله يجازيك بالخير على النصائح والمعلومات كثرالف خيرك

اخت قمر الله يساعدك تلاقيها

[كروزه]

اليوم رحت المراجعه وقالت عندك نقص كالسيوم

كيف ارفع الكالسيوم ؟؟؟؟؟؟

[كوكب زحل]

احس اني دايخة اانتظر اضلي وانام