تجمع حوامل ليبيا

[ساره القطعانى]

انا لى ست شهور متزوجه المشكله انى ماقعدتش فى حوشى الا 12 13 بس
ونريد نحمل هههههه حتى الدكتوره امس قالت لى لازم يصير جماع هاليومين وانا توا فى زياره لاهلى خيرها فى غيرها وياما عند الله من خير على قولة زوجىىىى الله يحفظه
شكرا ياقلبى ونجك لى على معلومة ايام التبويض والله يرزقك بالذريه الصالحه عاجل غير اجل وكل البنات اللى فى المنتدى

[ليبياقلبي]

مساء الخيرات الف سلامة عليك سارة ويارب تحملي قريبا انت وميمونة وميرنا ونسرينا يارب
ميمونة مشكورة عالسوال
بالنسبة لي اناالحمد لله مشيت لدكتوري وطمني علا مياة البيبي وقالي معاش تخافي توا الحمد لله والله فرحت هلبة والفضل لي رب العالمين ولي دعواتكم وخياتي مشكورات

[ميراس]

ياجماعة ياهل الخبرة فى حد انشاوره

[ميراس]

النبى قولولى وين اية

[ميمونة]

صباح الخير
ليبيا قلبي إنشاءالله ربي يفرحك وتنوضي بالسلامة
ميراس هلا بيك منورة والله نتشرف بمعرفتك

[حبل الوصل]

المشاركة الأصلية كتبت بواسطة ساره القطعانى

مساء الخير يا بنات
امنورات الشات
شكرا على رفع المعنويات اذا قررت نمشى لطبيبة عرب توا انقولك وعلى فكره يا ميمونه انا سالت الدكتوره عن ميلان الرحم او ما يسمى الرحم مقلوب قالت لى ما فيش حاجه زى كده على قولتها والمشكله ان له مصطلح طبى وقلته لها قالت لا مافيش فى الطب حاجه زى هكى ... المشكله انها قالتلى المفروض جيتى بعد الدوره على طول نعطيك منشطات قلت اسم الله مازال بدرى وانا كل شى سليم عليش المنشطات حتى زوجى مازال مادرش التحاليل وسبحان الله اللى يجنها كلهن تعطى فيهن منشطات من ثانى مراجعه يابنات المفروض الواحد يتريث شوى ويشوف ...
نبى نسالكن انا نزلن اليوم على افرازات بيضاء من غير رائحه واليوم 16 من الدوره هل هن افرازات التبويض ودورتى 24 يوم ومنتظمه ؟
والله يرزق كل محروم ومحرومه انه القادر على كل شئ واذا قال له كن فيكون

انتى من وين ياسارة
مازال بدري على المنشطات على قولتك وبعدين ست شهور ماتحتاج علاج سلفتى قعدت 8 شهور بعد تزوجت وبعدين حملت بدون فحص ولاعلاج

[حبل الوصل]

صباح الخيرميمونة وشن اخبارك
ليبيا قلبي الحمد لله ربي يفرحك ويكملك على خير
ميراس احكى ولاضروري تبي اية
اية وينك غبتى فجاة
ام اسيل وسورينام وعيون زوجى وتيمو غيابكم طول ان شاءالله المانع خير

[ميمونة]

شن حالك حبل الوصل وشن صار فيك
شكلها نسرينا حامل يارب يفرحها وتبشرنا
آيه خشت بالتاسع ربي يفرحها وتشوف بنيتها
عيون غطست إنشاء الله خير
معراج نسيتنا من حملت غير خشي طمنينا

[ميمونة]

أنا في يوم 19 من التبويض نزل عليا نقطة دم وأفرزات بنية في اليوم 13 وجتني أوجاع الدورة
واليوم عندي أوجاع زي الدورة زعما تنزل قبل موعدها 23_1 مازال

[عاشقة الصحراء]

صباح الخير عالكل كيف حالكم ؟؟ سارة كيف حالك نبي نقوللك ليش مستعجلة وتمشي لدكاترة وانتي ليك ستة شهور بس والمنشطات حاجة بكري عليها هلبااااااااا ماتسمعيش كلام أي دكتورة وانشالله ربي يعطيك اللي في بالك وحتى اني ليا ستة شهور متزوجة...
ليبيا كيف حالك وانشالله ربي يسهلك وتنوضي بالسلامة بالنسبة لأي حاجة تخص مية البيبي عليك بمية زمزم تعرفي حاجة مجربة ومش عادية في حالة نقص مية البيبي وبدو حتى يبيعوا فيها هني..
حبل الوصل وميمونة كيف حالكم انشالله تكونوا بخير ؟؟؟ نسرينا وأم السعد كيف حالكم وينكم اليوم شكلها أم السعد دارت كرسي قدام باب الحوش رسمي هههههههههههههه.
آية الحلوة وينك والله المنتدى ناقص انشالله المانع خير