تجمع اللي بيولدون في شهر ذو الحجه

[سوسو الأموره]

بنات نصيحه للكل البكريه وغيرها
عن تجربه يكون معك
غسول بيتادين ومرهم ميبو
والفوط كوتكس او برايفت الويز يوووووووووووووووووووووه تذبح استخدمتها مره وحده وعذاب حتى حقت الحساسيه
وبلا خرابيط وبخور ومدري ايش خليكم ع قشر القهوه والقرفه حليب مع زنجبيل ومرق واكل صحي والله يسهل عليكم يارب توني والده لي 12 يوم
دعواتكم

[" قلب غيث "]

صباح الورد ،،

أخباركم حبيبات قلبي ..

)( ام سامر )(
الف مبروك ، والحمدلله على سلامتكم ،
ويتربى بعزك ، وانشالله من مواليد السعاده يارب ،،،

}{ سندريلا }{
الف مبروك'
الحمدلله على سلامتكم ، مشالله انتبهي من عيون الناس اقري عليه تكفين بسم الله مشالله كيف خدوده ياطعمها ،،
كيف الخياطه الحين ،، الله يعينك ؟

الصمت عشقي ،،،
الله يسهلك ولادتك يارب وتطلعين انتي والبيبي بصحه وسلامه يارب ..
وانشالله ما تحتاجي عمليه انشالله تولدين طبيعي ،،


عسوله ؛
اقري على نفسك ،، نصيحه
اقسم بالله يا انصكيت عين من زوجة ابوي لانها حامل بالرابع
واختها حامل بالخامس قالت ( ياحظك ولدتي وارتحتي حتى اختي تقول ياحظها ولدت وارتاحت ) لا مشالله ولا شي
هي بس قالت الكلمه من هنا بالليل عا المستشفى واليوم الي بعده جات وشربت من بعدها وارتحت الله يستر عليها ،، فا انتبهي ،،
انا من رايي اسم سلطان حلو اهم شي لا تسمينه الياس احس بناتي ،،

غلا الروح ،،
أهلين حبيبتي ،،

انا نزلت سنتر بوينت لانه جنب بيتنا ولا 10 دقايق المهم كله شتوي ايش هذى والخبر حر
اخذت لبسه بس لما لبستها بايخ علي هههه اهم شي الكروشه بعد الولاده قلت اليوم ابدلها ..،

سوسو الاموره ،،
صادقه حبيبتي انا زيك ماشيه ع البيتادين و ميبو وفوط " لوتس "
مررررره ممتازه للنفاس كيس فيه 40 حبه ب 20 ريال بس مريحه وقطن انصحكن
فيها ،،
انا لي 15 يوم والده ،،
بس الخيوط '' للحين ما طاحت اهئ اهئ ..
انتي بالله كيف معاك ؟؟

[غلا الرووح]

صباح الخيرر كراريش

مادري وش مصحيني من الحين مع اني امس نمت 1
بعد ماكنت مواصله

الموهيم
ياهلابكم جميعا


سندريلا
الف الحمدالله ع سلامتك ياقلبي
والله يبارك لك بالنونو
بس جد بنات شفيكم عالقيصري
شكلي بقاطع التمر والسكريات نهائي لين وقت الطلق
لان وزنه 3 كيلوا وشوي
وباقي لي اسبوعين احتمال يزيد


لمعة الماسه
والله امس بالسوق اشوف اللبسات والحركات
اقوول متى اولد وارجع لهاللبسات وعسى تروح الكرشه

حتى زوجي يقولي ابغى كل شي جديد بعد النفاس
زهق من ملابس الحمل وبجايمه خخخخخخ


سوسو الامورة
مشكورة ياقلبي عالنصايح
اخذت لي كوتكس انا
باقي اشتري القشر حق القهوه
وجد الخرابيط هذي والخلطات مالها داعي


قلب غيث
اقررري المعوذات عليك وعلا طفلك
ولاتنسين تدهنينه بزيت زيتون دافي مقري فيه
امسحي
اقدامه وبطنه بحركات دائريه مره يرتاح

امس ام زوجي توصيني على هالشغلات

[غلا الرووح]

قلب غيث
من جد شفتي جو الخبر كيف
ابد مايساعد


مرووما

اؤوووؤ ماعرفتك

وش هالفخامه واللون الملكي
اسووود مره وحده

يالبى عينك كل هذا عشان عيووني

اخبارك وكيف كانت سهرتكم

ايه والله يخوف التجمع كل الكروشات عمليات

انا قريت بالنت اهم حاجه محيط الراس للنونو يكون 37
اتوقع يعني بالثلاثينات
وبالعكس المفروض النونو لاصار كبير يدف نفسه
>> اقول بلا فلسفه ماتدرين تتحملين والا لا


المهم كروشات
تحذيررررررررر من القرفه قبل الطلق
انتبهوااااااااااا
والله تخوف قصص البنات معها
اليانسون يمدحوونه

[غيبتك تنهي حضوري]

صباحو
كيفكم بنات

الف مبرووووگ لقوووشه وام سامر وسندريلا
الله يحفظ لكم نوناتكم يارب
وتقوموا بالف سلامه

والله جد كثروا اللي عمليات الله يسهل لنا يارب
اليوم رحت فرفرت في السوق ومشيت شوي

عمتي اخت ابوي تقول انصحگ بالمشي بخطوات متباعدهـ
ومشي بقوهـ مو رقه خخخخ

الصمت ياااارب ياسميع ياعليم انه يسهل عليكي ولادتگ
وتكون طبيعي وع كل الحوامل يارب

كيفكم يابنات التجمع والله هدووووء

[غيبتك تنهي حضوري]

بنات يللا انا بنام طمنونا عليكم دايم
انا من بكرهـ بروح عند اهلي واهل زوجي عشان العيد
تعرفون مايحتاج خخخ
لذلگ بتقل دخلاتي ع حسب الشبكه الله يحفظكم ويسهل
عليكم وعلي يارب

[غلا الرووح]

غيبتك


ياصباح الورد والجوري
زين في احد مصحصح

ايه بالمشي انسي الرقه انا امس بعد بالسوق قمت امشي بخطوات متباعده<كنها بالعسكريه خخخخخخخخ
حتى زوجي يققول مشيتك غير اليوم ههههههههههه قلت عشان العضلات العضلات


بس والله بعدها رجعت البيت كانه ابرر برجلي مع اني كنت لابسه فلات
بس المفروض شراب والا جزمه مريحه عالاقل

امس رحت ادور بالسوق دانيتلات للشعر وكذا
عشان ما البس طرحه بالنفاس ولا لقيت الا عاديين

بعدين تذكرت المفروض اروح محلات الكلف والخياطه هي اللي عندها


بس مقهوره من نفسي تخيلوا امس مواصله قبل فجرا لاربعا الين امس 1 بالليل
وماوعيت الا عيوني تفتح الساعه ست
ابي اعبي نوم مو جايني
واعرف نفسي مو جاي الظهر والا العصر الا انا دايخه وانام ويضيع اليوم

[maroooma]

أهلين غلا
صباح الخير

[maroooma]

مشكله والله النوم اللخبطة يضيع اليوم بدون ما تسوي شي

شايفه كيف الخط كله عشان عيونك الحلوه غيرته لموف ههههههههه
وسهرتنا كانت حلوه ياقمر

[maroooma]

ايوه نسيت ماشاءالله أغراضك حلوه لبس العافيه انشاءالله
ودي انزل اغراضي بس انا ادخل من الايباد وحاولت ما قدرت