تجمع حــوامل التوائم

[متلهفة لحظوركم..]

شخباركم كروشااات؟؟

انا الحمد لله بخير والثقل زاااد الله يسهل يارررررب..

[متلهفة لحظوركم..]

بااااااااركوا لي بنااات دخلت الثامن واخيرااا يارب تمم يااااااااارب علي وعلى خواتي ...

[ماء زير]

نواعم النعومه الحمد لله ان ربي عوض صبرك خير الله يتمم عليك ويسهل ولادتك اللهم امين

ام انس الله يجزاك خير على المعلومات القيمه

حزن الزمان الله يوصلك التاسع على خير انتي ونارا والله يتمم عليكم على خير ويسهل ربي عليكم

يعطيك العافيه حبيبتي حزن فديتك على الدعوات الحلوه والله انا ادعيلكم ان ربي يحفظكم انتم

واجنتكم ويفرحكم ربي بسلامتكم وشوفه الكتاكيت متعافين

وش صار على توام روحي ولدت بالسلامه ولاطلعوها من المستشفى بعد مانزلت عنها المويه

وينك يامحجبه عسى ماشر ماطليتي علينا الله يتمم عليكم انتم واجنتكم

والله حاسه انكم عايشين فلم رعب وعلى اعصابكم ومته يخلص على خير

شوفو موضوعي في الاسلامي عن الثقه بالله

[حامل وبكريه.]

امس باليل كان معاي الم بظهري قوي وبطني ولما دخلت المستشفى راح الالم كله وسوت لي الدكتوره تخطيط قالت لي انتي مدلعه مافيكي ولا شي
وجالسه احلف لها ان ظهري يوجعني ومو مصدقتني
احسني مقهووووووووره

[ماء زير]

يامحجبه انتي قبل سويتي عمليه كم لك سويتيها

واللحين قالولك عمليه لانك سويتي عمليه قبل وفيك تؤام

ومته واعدوك الولاده اذا دخلتي التاسع او قبل

واخبار جرح العمليه مع الثقل حاسه بشي

ربي يتمم عليكم ويفرح نضرتكم باجنتكم سليمين متعافين تامين الخلق والخلقه وتامين اشهر الحمل

اللهم امين اللهم امين اللهم امين ياحي ياقيوم

بس عاد الله الله لاتنسونا وتلهون بكتاكيتكم يمكن نحتاج لكم يوما ما

[توأم روحي]

بنات شلونكم الله يتمم عليكم و يحفظلكم بيبياتكم و يعوض اللي فقدوهم خير انشاءالله .
ماء الزير: هلا والله حبيبتي انا بخير احسن بس للحين بالمستشفى لأني مفتوحه 3 سم و الكيس مفتوح بس الحمدلله الماء للحين ينزل بس أخف من أول و بخلوني بالمستشفى لين اولد عشان خطر الولادة المبكرة و بيعطوني مثبتات الله كريم. انا متابعتكم و معاكم اول بأول والله اذا انتهى وقت الزياره اتسلى معاكم جزاكم الله خير و ما تقصرون

[حزن الزمان]

هلا بنات ...نارا متى حددولك العملية بليز علميني انا بعد اقول كثير بعيد ...
بس بحاول مع الدكتور يقدمه لي ...
والتقلصات ذبحتني نارا انتي نفسي ولا احسن ...شرايك ؟؟؟

[محجبه]

بنت كندا متلهفه
الف الف مبرووووووووووووك الثامن وعقبالي ياحي ياقيوم ومن يقرا اه قربت ولادتك وبعدين تطيرين وتخليننا
ماء زير
واخيرا فقدني احد قولي اصلا دايم مسنتره بالمنتدى وشلون نفقدك هع هع
رحت اشوف اختي بتسافر برا المملكه واخيرا طلعت من بيتي احس ان تقل اني دجاجه راجنه على بيض
ماطلعت من ثالث العيد لان دكتورتي تقول ارتاحي وانا ماصدقت خبر بعد ماصرت بطريق صارهمي ربي يكرمكم حمام وتسدح ربي يهون علينا
ماء زير
سويت العمليه بولدي البكر قبل تسع سنين وبعدين جبت بعده اثنين طبيعي ولله الحمد وهذا دكتورتي تقول احتمال كبير عمليه لان معي كيس مع التوام
لكنها ماقررت بالضبط تقول بنحاول نأخرك الا اذا جاك مويات او طلق
ولله الحمد ربي الذي لايحمد على مكروه سواه الحين بطني كبير كنه بالتاسع وماحسيت للحين بالعمليه ووضع الجرح طبيعي ولله الحمد والفضل

توام روحي
سلامتك والله قعده المستشفى ممله والله انك ترحمين ربي يهون عليك وتوصلين للتاسع بالسلامه
بناااااات باركو لي بعد اسبوع بدخل السابعوحده عجله ومانيب قادره اصبر للاسبوع الجاي وينك يابنت الهدى وحده مستعجله من الحين حطي اسمي بالسابع عشان افرح

[جومانا]

سلااااااام محجبة كيف حالك
مرررررة طفش حتى الخميس ماكانه يوم اجازة بس بالبيت
مرررة ملانه مقفلة معي حتى النت يطفش بعد
نفسي اخرج اتمشى ازور اتنطط اروح ملاهي
اي شي يسلي ويضيع الوقت بس كل هذا
يبغاله مجهووود وانا من اقل وقفة اتعب بس اتسدح

[حنان الهاجري]

اااااه صدق فيلم رعب