حبيباتى سيدات ليبيا تفضلو لأعرف ما حالكم

[dr.loly]

المشاركة الأصلية كتبت بواسطة أمل ليبيا

بنات بنسألكم جارتي جابت من يوم الاحد الي فات ومن يومها اني نطيبلهم كل يوم وهي الحمد لله صحتها كويسه بس معاش عرفت من باب الذوق والواجب لامتى نقعد نطيب ؟؟

اهلا غاليتي أموله كنتي في بالي الصبح قلت اموله ازعمه جابت مش عارف حسيتك كأنك بتجيبي عن قريب ,,

بالنسبه للتطــيب عند الاسبوع كويس نقول ,,


لاني جربت هالشئ مع جارتــي .. طيبتلها 9 ايام متواصله وكانت صحتها كويسه جدآ
حتي انها تتصل وتقولي ماتعبيش روحك وهكي ,,


بعدها وقفت وقعدت مثلا كل يومين او ثلاته ندزله من غدايا فهمتي عليا يعني كل ماندير حاجة امبوخه او معاها موالح او محشي اندزلها وهي قعدت اتدز وبعدها توقفت قبل مانبدا نصــيمـ ,,



والحق حتي تيلفوناتي معش ترد عليهن

هي رنت رديت طول وحكيتلها ع اتصالتي قالت لاهيه بوليدي مافطنتلهنش يعني قلت نا معقوله

تلقى حد متصل بها وتفوته .. ما اعتقدش ان ادير هكي مع هلها مثلآ ..


عموما عاملتها بالمثل ... كنت حابه انرن بالعيــد ,, بس بصدق كرامتي ماسمحتش وزوجي ماشجعنيش قتله الواحد يكتسب الاجر قالي صح هي وادفع بالتي هي أحسن ,, بس في ناس

تحسها كجو تكبر عليك,,



مرة حكيت ع موقفها نذكر قتيلي ان طبعها مش اجتماعيه وهكي ,,ونفسك انتي وجارتك بس هي مواقفها كثرن عليا


بالعكس هي تمشي للبعيد قبل كل حد حتى انها ماتقوليش حتى ايام كنا انطيبوا مع بعضنا برمضااان ,,



بس طبعها غريب معايا نا مع اني نحاول نكون معاها بسيط وابسط مم انا عليه بعد عرفت جوها وفلسفتها تقدري تقولي اتدير ف جو الهاي كلاس وتحب تفلسف حتي ف الاشياء اللي ماتفهمش فيهن.. عليا نا بس قلت يمكن عندها عقدة نقص مني بالضبط مافهمتش ,, رغم ان باقي الصبايا اللي شفتهن هنا معاملتهن روعه وقمة في البساطه مع العلم انها مواليد 93 وقاريه لعند 2 ثانوي ..
ربي يهديها عن نفسي بنقطع العلاقه الا ف الامور الرسميه


ومعاملتها كما يستاهل حق الجار علينا كيف ماوصانا رسولنا عليه الصلاة والسلام



ولعند امس دزيتلهم من العصباااان لاني عارفه انها تنقرف من تنظيف المصارين وخرطهن

وهي وزوجها يحبوهن ,,


وذاتس ات مجرد فضفضه

[هدية الخالق]

السلام عليكم ورحمة الله وبركاته
كيف حالكم وشن أخباركم

[dr.loly]

وعليكم السلام
يامرحبا بي هدوووو

[dr.loly]

لاحظت ان التجمع كســد شوي

والبنات يبرمن ع المنتدى ومايخشنش هناااا

ديرن طله بس خخخخ

[dr.loly]

http://forum.hwaml.com/t276052.html

[اوشي]

السلام عليكم ورحمة الله وبركاته

[اوشي]

كيف حالكم ياحبيبات وايش دايرين

[اوشي]

فروسة ليش التزليط خخخخخخخخ

صار قاعدة امفنصة وتشوفي من اللي قاعد ومن اللي مش قاعد

[اوشي]

انا طبعا الايم هذي مشغولة ..

كملت تجهيز الاولاد لعرس اخي ... مازلت انا لي يومين مالقيت شي خش خاطري

وان شاء الله الاثنين او الثلاثاء ماشية لطبرق

[dr.loly]

المشاركة الأصلية كتبت بواسطة اوشي

انا طبعا الايم هذي مشغولة ..

كملت تجهيز الاولاد لعرس اخي ... مازلت انا لي يومين مالقيت شي خش خاطري

وان شاء الله الاثنين او الثلاثاء ماشية لطبرق

ماشاء الله ربي يديم الافراح حبيبتي عندكـ ,, وننصحك كيف ماقالت شمووسه لوقدرتي اتديري طله ع بنغازي اكيد حتحصلي حاجة مميزه وكويسه ,,

وتمشي وترجعيلنا طيبه ..