تجمع التلقيح الصناااعي

[علووويه]

سلام عليكم بنااات شحباااركم

حبيت اشاركم بالمنتدى وكل وحدة تتكلم عن تجربتها
انا هالشهر ثاني مره اسوي تلقيح صناااعي

سويته برمضان وكنت احس باعراض غريبه بعده لدرجة بعده بجم يوووم الرحم صار عندي وارم والمبايض احس فيهم بعوووار مو طبيعي
حتى صرت غصب اتحرك
وكل ما دقيت عالدكتورة تقولي عادي
هذي بويضات توها تطلع كانت صغيرة
بس كلامها ما كان مقنعني
شلون تبويض يستمر اسبوع وهي ما كانت معطيتني علاجات قوية لهدرجه

المهم جا موعد الدورة ولا شفتها وانتظرت يومين ونزلت علي
ولا تسالوني جم مره حللت
عالعمووووم الله يعوضني خير عن تعبي وعن فلوسي

ادري اني طولت عليكم بس بكمل يمكن احد يستفيد من هالكلام

بعد شهرين او ثلاث رحت لدكتورة ما شاء الله عليها معروفة انها حيل شاطرة عندنا بكوويت
اول شي اكشفت علي ولا اصدمتني صدمه
قالت معاج تكيس حيل كبير عالمبايض وانا مستحيل اعالج الا لما اشيل التكيس
واكتشفت ان العوار اللي كان يجيني من التكيس والدكتورة القديمه الله يسامحها كانت تقولي عادي ما ياثرر

عالعموم توكلت على ربي وسويت عندها عملية للتكيس
والحين الحمدلله المبايض ردو طبيعيات شفتهم بالسونار كذا مره ولله الحمد
انتظر شهرين وما صار حمل ولما عدت التحاليل قالت الدكتورة هرمون التبويض عندي ضعيف
وشافتني مستعجله عالحمل فسوت لي التلقيح هالشهررروالحين انا ناطرة النتيجه وموكله امري لربي وراضية بالمكتوووب اللهم لا اعتراض
بس طريقة تلقيح هالدكتوره كان مختلف والعلاجات بعد
وحتى الاعراض هالمرة تختلف
ادعولي يا بنات وعسى ربي يستجيب منكم في ظهر الغيب
والله اني كل ما قريت موضوع وحدة منكم دعيت لها
لاني حاسه بمعاناتكم

واسفه عالاطاله